Janakerala Yathra

പള്ളിപ്രം പ്രഭാകരന് ജന്മനാടിന്റെ യാത്രാമൊഴി(With photos)

2010-08-26T20:10:00.000+05:30

കണ്ണൂര്‍: സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യയുടെ കണ്ണൂര്‍ ജില്ലയിലെ അമരക്കാരന്‍ പള്ളിപ്രം പ്രഭാകരന് ജന്‍നാടിന്റെയും സഹപ്രവര്‍ത്തകരുടെയും ബന്ധുക്കളുടെയും കണ്ണീരില്‍ കുതിര്‍ന്ന യാത്രാമൊഴി. പനി മൂര്‍ച്ഛിച്ചതിനെ തുടര്‍ന്ന് നഗരത്തിലെ സ്വകാര്യ ആശുപത്രിയില്‍ ഇന്നലെ പുലര്‍ച്ചെ നിര്യാതനായ അദ്ദേഹത്തിന്റെ മൃതദേഹം ഇന്നുച്ചയ്ക്ക് പയ്യാമ്പലം കടല്‍ത്തീരത്തിനു സമീപത്തെ ശ്്മശാനത്തില്‍ സംസ്‌കരിച്ചു. 1.40ഓടെ മകന്‍ പ്രവീണ്‍ ചിതയ്ക്ക് തീക്കൊളുത്തി. മരണവാര്‍ത്തയറിഞ്ഞ് എസ്.ഡി.പി.ഐ സംസ്ഥാന-ജില്ലാ നേതാക്കള്‍ ഉള്‍പ്പെടെ നിരവധി പ്രവര്‍ത്തകരും മറ്റു രാഷ്ട്രീയപ്പാര്‍ട്ടി നേതാക്കളും പരേതന്റെ വളപട്ടണം പാലോട്ടു കുന്നുമ്പ്രത്തുള്ള വസതിയിലെത്തി അന്തിമോപചാരം അര്‍പ്പിച്ചു. പയ്യാമ്പലത്തു നടന്ന അനുശോചന യോഗത്തില്‍ എസ്.ഡി.പി.ഐ സംസ്ഥാന സെക്രട്ടറി അബ്ദുല്‍ മജീദ് ഫൈസി, ജില്ലാ ജനറല്‍ സെക്രട്ടറി നൗഷാദ് പുന്നയ്ക്കല്‍, ജില്ലാ വൈസ് പ്രസിഡന്റ് സി കെ ഉമര്‍ മാസ്റ്റര്‍, ഡി.സിസി പ്രസിഡന്റ് പി രാമകൃഷ്ണന്‍, എന്‍.സി.പി ജില്ലാ സെക്രട്ടറി ഹമീദ് ഇരിണാവ്, പട്ടികജാതി-വര്‍ഗ ഐക്യവേദി സംസ്ഥാന സെക്രട്ടറി പി നാരായണന്‍, കേരളദേശം പാര്‍ട്ടി സംസ്ഥാന പ്രസിഡന്റ് ഖാദര്‍ കണ്ണൂര്‍, ജില്ലാ സെക്രട്ടറി സിറാജ് തയ്യില്‍ തുടങ്ങിയവര്‍ സംസാരിച്ചു.

എസ്.ഡി.പി.ഐ ജനകീയ മാര്‍ച്ച് തലശ്ശേരി

2010-08-06T21:40:00.000+05:30

SDPI Janakeeya March- Kannur(Photos)

2010-08-04T19:58:00.001+05:30

പോരാട്ടങ്ങളുടെ മണ്ണില്‍ പുതിയ വിപ്ലവ ഗാഥയുമായി, അടിച്ചമര്‍ത്തപ്പെട്ടവന്റെ ഉയിര്‍ത്തെഴുന്നേല്‍പ്പിന്റെ ശബ്ദമായി ഇതാ എസ്.ഡി.പി.ഐ

2010-08-04T00:48:00.000+05:30

അധസ്ഥിതന് അധികാരം തടയരുത് എന്ന മുദ്രാവാക്യമുയര്‍ത്തി എസ്.ഡി.പി.ഐ വിവിധ കേന്ദ്രങ്ങളിലായി നടത്തുന്ന ജനകീയ മാര്‍ച്ച് തിരൂരില്‍ സംസ്ഥാന സെക്രട്ടറി ഇഖ്്‌റാമുല്‍ ഹഖ്് ഉദ്്ഘാടനം ചെയ്തു. റെയ്ഡ് നാടകങ്ങള്‍ കൊണ്ടോ നിരോധന ഭീഷണികള്‍ കൊണ്ടോ ഈ പ്രസ്ഥാനത്തെ തകര്‍ക്കാന്‍ കഴിയില്ലെന്ന് ഒരിക്കല്‍ക്കൂടി വിളിച്ചോതുന്നതായിരുന്നു ജാഥയിലെ ജനപങ്കാളിത്തം. ഇതാ അധസ്ഥിത, ന്യൂനപക്ഷ മുന്നേറ്റത്തിന്റെ നേര്‍സാക്ഷ്യമായി ചില ചിത്രങ്ങള്‍...

രണ്ട് പഞ്ചായത്തുകള്‍ എസ്.ഡി.പി.ഐക്ക്‌

2010-05-19T00:06:00.000+05:30

കര്‍ണാടകയില്‍ എസ്.ഡി.പി.ഐക്ക് 67 സീറ്റ്
ബാംഗ്ലൂര്‍: കന്നിയങ്കത്തിനിറങ്ങിയ എസ്.ഡി.പി.ഐ കര്‍ണാടകയിലെ തദ്ദേശസ്വയംഭരണ സ്ഥാപനങ്ങളിലേക്കു നടന്ന തിരഞ്ഞെടുപ്പില്‍ ഒറ്റയ്ക്കു മല്‍സരിച്ച് വന്‍ മുന്നേറ്റമുണ്ടാക്കി. 374 സീറ്റില്‍ മല്‍സരിച്ച എസ്.ഡി.പി.ഐ 67 സീറ്റുകളാണു കരസ്ഥമാക്കിയത്. ഒരു ഡസനിലേറെ വാര്‍ഡുകള്‍ പത്തില്‍ താഴെ വോട്ടുകള്‍ക്കാണു നഷ്ടപ്പെട്ടത്. 150ഓളം പ്രദേശങ്ങളില്‍ എസ്.ഡി.പി.ഐ രണ്ടാംസ്ഥാനത്തുണ്ട്. ബഡേഗോട്ട, ജോക്കട്ട പഞ്ചായത്തുകള്‍ ഭരിക്കാനുള്ള സീറ്റുകള്‍ എസ്.ഡി.പി.ഐ കരസ്ഥമാക്കിയിരിക്കുകയാണ്. കോണ്‍ഗ്രസ്സും ജെ.ഡി.എസുമാണ് കര്‍ണാടകയില്‍ 8, 12 തിയ്യതികളില്‍ നടന്ന തദ്ദേശതിരഞ്ഞെടുപ്പുകളില്‍ ഭൂരിപക്ഷം സീറ്റുകളും കരസ്ഥമാക്കിയത്. ബി.ജെ.പി മൂന്നാംസ്ഥാനത്താണുള്ളത്. മംഗലാപുരം-39, ഉഡുപ്പി-13, കൂര്‍ഗ്-9, തുംകൂര്‍-3 ഹാസന്‍, ഹുന്‍സൂര്‍, രാംനഗര്‍ ഒന്നു വീതം സീറ്റുകളിലുമാണ് എസ്.ഡി.പി.ഐ വിജയിച്ചത്. വിജയിച്ച എസ്.ഡി.പി.ഐ സ്ഥാനാര്‍ഥികളെ പാര്‍ട്ടിയുടെ കര്‍ണാടക സംസ്ഥാന പ്രസിഡന്റ് അബ്ദുല്‍ മജീദ് കൊടില്‍ പേട്ട് അഭിനന്ദിച്ചു.

--
http://www.mtponline.in/
http://www.youtube.com/user/mtprafeek

--
http://www.mtponline.in/
http://www.youtube.com/user/mtprafeek

കിന്‍യായില്‍ എസ്.ഡി.പി.ഐ എതിരില്ലാതെ തെരഞ്ഞെടുക്കപ്പെട്ടു

2010-05-04T20:43:00.001+05:30

മംഗലാപുരം: മംഗലാപുരത്തിനടുത്ത് കിന്‍യാ ഗ്രാമപ്പഞ്ചായത്ത് അംഗമായി സോഷ്യല്‍ ഡമോക്രാറ്റിക് പാര്‍ട്ടി (എസ്.ഡി.പി.ഐ) സ്ഥാനാര്‍ഥി സുഹ്്‌റ എതിരില്ലാതെ തിരഞ്ഞെടുക്കപ്പെട്ടു. ഈ മാസം 8,12 തിയ്യതികളിലാണ് കര്‍ണാടകയില്‍ പല തദ്ദേശ സ്വയംഭരണസ്ഥാപനങ്ങളിലേക്കും തിരഞ്ഞെടുപ്പു നടക്കുന്നത്. ഇന്നലെ നാമനിര്‍ദേശപത്രിക സമര്‍പ്പിക്കേണ്ട അവസാന ദിവസമായിരുന്നു. കിന്‍യാ ഗ്രാമപ്പഞ്ചായത്തില്‍ സുഹ്‌റ മല്‍സരിക്കുന്ന വാര്‍ഡില്‍ ഇവര്‍ മാത്രമാണ് പത്രിക സമര്‍പ്പിച്ചത്.

--
http://www.mtponline.in/
http://www.youtube.com/user/mtprafeek

എസ്.ഡി.പി.ഐ ജനകേരള യാത്ര സമാപനം(വീഡിയോ)

2010-05-03T01:09:00.001+05:30

എസ്.ഡി.പി.ഐ ജനകേരള യാത്രയുടെ സമാപനത്തോടനുബന്ധിച്ച് 24-04-10ന് തിരുവനന്തപുരത്ത് നടന്ന റാലിയും പൊതുസമ്മേളനവും

ജനകേരളയാത്ര: പിന്നാക്ക സംഘടനകളുടെകൂട്ടായ്മയ്ക്ക് വഴിതുറക്കുന്നു

2010-04-26T01:05:00.001+05:30

തിരുവനന്തപുരം: കാസര്‍കോഡ് നിന്നാരംഭിച്ചു 14 ജില്ലകളില്‍ പര്യടനം പൂര്‍ത്തിയാക്കി കഴിഞ്ഞ ദിവസം തലസ്ഥാനത്തു സമാപിച്ച എസ്.ഡി.പി.ഐ ജനകേരളയാത്ര സംസ്ഥാനത്ത് ദലിത്-ന്യൂനപക്ഷ-പിന്നാക്ക രാഷ്ട്രീയത്തില്‍ പുതിയൊരു കൂട്ടായ്മയ്ക്കു വഴിതുറക്കുന്നു. യാത്രയ്ക്കു സമാപനം കുറിച്ചു നടന്ന പൊതുസമ്മേളനത്തിന്റെ ഭാഗമായി ദലിത്, ആദിവാസി, പിന്നാക്ക മേഖലകളില്‍ പ്രവര്‍ത്തിക്കുന്ന വിവിധ പ്രസ്ഥാനങ്ങളുടെ നേതാക്കളെ ഒരേ വേദിയില്‍ പാര്‍ട്ടിക്ക് അണിനിരത്താന്‍ കഴിഞ്ഞത് ഇത്തരമൊരു സാധ്യതയിലേക്കാണു വിരല്‍ ചൂണ്ടുന്നത്. കഴിഞ്ഞ രണ്ടിന് കാസര്‍കോഡ് ജില്ലയിലെ ഹൊസങ്കടിയില്‍ ദേശീയ വൈസ് പ്രസിഡന്റ് അഡ്വ. സാജിദ് ഹുസയ്ന്‍ സിദ്ദീഖി ഫഌഗ് ഓഫ് ചെയ്ത ജാഥയ്ക്കു രാഷ്ട്രീയകേന്ദ്രങ്ങളുടെ പ്രതീക്ഷകള്‍ തകര്‍ത്തുക്കൊണ്ടുള്ള സ്വീകരണങ്ങളാണു വിവിധ കേന്ദ്രങ്ങളില്‍ ലഭ്യമായത്. സംസ്ഥാനത്തിന്റെ വിവിധ മേഖലകളില്‍ നിലനില്‍ക്കുന്ന സാമുദായിക സമവാക്യങ്ങള്‍ അപ്രസക്തമാക്കിക്കൊണ്ട് 140 നിയോജക മണ്ഡലങ്ങളിലും ജനകേരളയാത്രയ്ക്കു തരംഗം സൃഷ്ടിക്കാന്‍ കഴിഞ്ഞിരുന്നു. പ്രാദേശികതലത്തില്‍ സംഘടിപ്പിച്ച സ്വീകരണ സമ്മേളനങ്ങളില്‍ ദലിത്-ആദിവാസി-പിന്നാക്ക സംഘടനകളുടെയും വിവിധ സന്നദ്ധ-സാംസ്‌കാരിക സംഘടനകളുടെയും നേതാക്കളുടെ സാന്നിധ്യം ഉറപ്പാക്കാന്‍ കഴിഞ്ഞതു വരുംദിനങ്ങളില്‍ പാര്‍ട്ടിക്ക് മുതല്‍ക്കൂട്ടാവും. സംസ്ഥാനാടിസ്ഥാനത്തിലും പ്രാദേശിക തലത്തിലും ഉണ്ടായിട്ടുള്ള ഇത്തരം സഹകരണങ്ങള്‍ ആസന്നമായ തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ വിവിധ മേഖലകളില്‍ ചലനം സൃഷ്ടിക്കാന്‍ പര്യാപ്തമാണ്. മുഖ്യധാരാ രാഷ്ട്രീയപ്പാര്‍ട്ടികള്‍ സജീവമായി ഏറ്റെടുത്തിട്ടില്ലാത്ത ഭൂപ്രശ്‌നം, ആദിവാസി-ദലിത് പീഡനം ഉള്‍െപ്പടെയുള്ള വിഷയങ്ങള്‍ മുന്‍നിര്‍ത്തിയായിരുന്നു എസ്.ഡി.പി.ഐ യാത്ര. ഇതിനുപുറമേ, സംവരണതത്ത്വം വീണ്ടെടുക്കുക, പോലിസിന്റെ ന്യൂനപക്ഷവിവേചനം അവസാനിപ്പിക്കുക, സേവനമേഖലയില്‍നിന്നു സര്‍ക്കാര്‍ പിന്തിരിയാതിരിക്കുക, ലിബര്‍ഹാന്‍ കമ്മീഷന്‍ റിപോര്‍ട്ട് നടപ്പാക്കുക എന്നിവയാണ് എസ്.ഡി.പി.ഐ യാത്രയില്‍ ഉയര്‍ത്തിയ മറ്റ് ആവശ്യങ്ങള്‍. പതിവു സ്വീകരണ പരിപാടികള്‍ക്കു പുറമേ കടന്നുവന്ന വഴികളില്‍ ദലിത്, ആദിവാസി, പിന്നാക്ക വിഭാഗങ്ങളില്‍പ്പെട്ടവര്‍ നേരിടുന്ന അടിസ്ഥാന പ്രശ്‌നങ്ങളെ അഭിസംബോധന ചെയ്തത് ഈ മേഖലകളില്‍ ജാഥയ്ക്കു ചലനം സൃഷ്ടിക്കാന്‍ സഹായകമായിട്ടുണ്ട്. വയനാട് ജില്ലയിലെ അപ്പാട് ആദിവാസി ഭൂസമരവേദി, മലപ്പുറത്തു 611 ദിവസം പിന്നിട്ട മദ്യവിരുദ്ധ സമരപന്തല്‍, പാലക്കാട് ജില്ലയിലെ പ്ലാച്ചിമട സമരഭൂമി, ചെങ്ങറ സമരനേതാക്കള്‍ എന്നിവരെ ജാഥാംഗങ്ങള്‍ സന്ദര്‍ശിച്ച് ഐക്യദാര്‍ഢ്യം പ്രഖ്യാപിച്ചിരുന്നു.ചെങ്ങറ സമരസമിതി, ഹൈവേ ആക്ഷന്‍ കമ്മിറ്റി, ഡി.എച്ച്.ആര്‍.എം, സമാജ്‌വാദി പാര്‍ട്ടി, ദേശീയ ജനവേദി നേതാക്കള്‍ സമാപന സമ്മേളനത്തില്‍ പങ്കെടുത്ത് എസ്.ഡി.പി.ഐക്ക് പിന്തുണ പ്രഖ്യാപിച്ചതാണ് പുതിയ രാഷ്ട്രീയ സമവാക്യങ്ങള്‍ ഉരുത്തിരിയുന്നതിലേക്കു വ്യക്തമായ ചൂണ്ടുപലക നല്‍കുന്നത്.

രാഷ്ട്രീയപ്പാര്‍ട്ടികളുടെ സമ്പര്‍ക്ക കാലത്ത്

2010-04-26T01:03:00.000+05:30

രാഷ്ട്രീയപ്പാര്‍ട്ടികള്‍ക്കിത് സമ്പര്‍ക്ക സീസണ്‍. സി.പി.എം ജയില്‍ സമ്പര്‍ക്കവും മുസ്‌ലിംലീഗുകാര്‍ ഗൃഹസമ്പര്‍ക്കവും കഴിഞ്ഞ ക്ഷീണത്തിലാണ്. വനിതാ ബില്ലിനു പിന്നാലെത്തന്നെ കൂടി കോണ്‍ഗ്രസ്സിനും ബി.ജെ.പിക്കുമാവട്ടെ, സ്ത്രീസമ്പര്‍ക്കത്തോടായിരുന്നു പ്രിയം. ഇവര്‍ക്കിടയിലേക്കാണ് സോഷ്യല്‍ ഡമോക്രാറ്റിക് പാര്‍ട്ടിയെന്ന നവജാതശിശു ജനസമ്പര്‍ക്ക യാത്രയുമായി വന്നത്. യാത്ര കാസര്‍കോട്ടു നിന്ന് ആരംഭിച്ചപ്പോള്‍, എന്‍.ഡി.എഫുകാര്‍ ഒരുമ്പെട്ടിറങ്ങിയിട്ടുണ്ടെന്നും എവിടെയൊക്കെ ചോരപ്പുഴകളുണ്ടായി അറബിക്കടലില്‍ പതിക്കുന്നുവെന്നത് കാത്തിരുന്നു കാണാമെന്നും പറഞ്ഞ് കാത്തിരുന്ന ഇന്ത്യാവിഷന്‍ ചാനലിലെ വാരാന്ത്യവക്കീല്‍ (ഞായറാഴ്ചവക്കീലല്ല) നിരാശനായോ എന്നറിയില്ല. ഏതായാലും ജനകേരളയാത്രയ്ക്കും, ആദ്യദിനം കനത്ത മഴ മൂലം സ്‌റ്റേജ് തകര്‍ന്നതൊഴിച്ചാല്‍ എസ്.കെ.എസ്.എസ്.എഫ് കോഴിക്കോട്ട് നടത്തിയ മജ്‌ലിസ് ഇന്‍തിസ്വാബിനും ശുഭപര്യവസാനമുണ്ടായതില്‍ കണ്ണന്‍ തീര്‍ത്തും ഹാപ്പിയാണ്. പക്ഷേ, ഇതിനിടയില്‍ എസ്.കെ.എസ്.എസ്.എഫിന്റെയും എസ്.ഡി.പി.ഐയുടെയും നേതാക്കള്‍ തമ്മിലുണ്ടായ വാക്‌യുദ്ധങ്ങള്‍ കേരളം ശ്രദ്ധിച്ചു. പാണക്കാട് പൂക്കോയ തങ്ങളുടെ മകനും ശിഹാബ് തങ്ങളുടെ ഇളയ സഹോദരനുമായ അബ്ബാസലി തങ്ങളെ ആലപ്പുഴയിലെ മണ്ണഞ്ചേരിയില്‍ വച്ച് എസ്.ഡി.പി.ഐക്കാര്‍ കൈയേറ്റം ചെയ്തത്രേ. കൈയേറ്റം ചെയ്‌തെന്ന് ഉറപ്പാണോ എന്നു ചോദിച്ചപ്പോള്‍ 'ഇല്ല, അതിനു ശ്രമിച്ചു'വെന്നായി. ഓഹോ, അങ്ങനെയോ എന്നുകൂടി ചോദിച്ചപ്പോള്‍ 'ഇല്ല, തടഞ്ഞുവച്ചതേയുള്ളൂ' എന്നായി. ഒരുവട്ടം കൂടി ചോദിച്ചാല്‍ എന്തായിരിക്കും ഇവരുടെ മറുപടിയെന്നു കാത്തിരിക്കാനുള്ള ക്ഷമ കാട്ടാതെ, അബ്ബാസലി തങ്ങള്‍ തന്നെ അക്കാര്യം വ്യക്തമാക്കട്ടെ എന്ന് എസ്.ഡി.പി.ഐ നേതാക്കള്‍ പറഞ്ഞു. ഇതോടെ, (അദ്ദേഹം സത്യം പറയും എന്നുറപ്പുള്ളതിനാലോ എന്തോ) പാണക്കാട് കുടുംബത്തോട് വിശദീകരണം ചോദിക്കാന്‍ ഈ പാര്‍ട്ടി വളര്‍ന്നിട്ടില്ലെന്നുംപറഞ്ഞ് പിന്‍വാങ്ങുകയായിരുന്നു ചില ഉസ്താദുമാര്‍.എസ്.ഡി.പി.ഐ വളര്‍ന്നിട്ടില്ലെന്ന പ്രസ്താവന ശരിയാണെന്ന അഭിപ്രായം കണ്ണനുമുണ്ട്. അവര്‍ പിച്ചവച്ചു തുടങ്ങിയിട്ടല്ലേയുള്ളൂ. ഇനിയും ധാരാളം സമയമുണ്ട്. പാണക്കാടിനോടുള്ള ബഹുമാനം ആത്മാര്‍ഥമാണെങ്കില്‍, എസ്.ഡി.പി.ഐ പിരിച്ചുവിടാനാണ് ഉസ്താദുമാരുടെ ആഹ്വാനം. എങ്കില്‍പ്പിന്നെ കേരളത്തില്‍ ഒരു പാര്‍ട്ടിയും കാണില്ല കെട്ടോ. കോണ്‍ഗ്രസ് മുതല്‍ ബി.ജെ.പി വരെ ഈ കുടുംബത്തെ ആദരിക്കുന്നവരാണ്. ബാബരി മസ്ജിദ് തല്ലിത്തകര്‍ക്കുകയും ഗുജറാത്തില്‍ ആയിരക്കണക്കിനു മുസ്‌ലിംകളെ ചുട്ടെരിക്കുകയും ചെയ്ത പാര്‍ട്ടിയുടെ നേതാവായ പി എസ് ശ്രീധരന്‍പിള്ളയെ സൗഹാര്‍ദ പ്രതിനിധിയായി നിരന്തരം പരിപാടികളില്‍ പങ്കെടുപ്പിക്കാറുണ്ട് നമ്മുടെ ഉസ്താദുമാര്‍. ബി.ജെ.പിയേക്കാളും ആര്‍.എസ്.എസിനേക്കാളുമൊക്കെ ഭീകരമാണോ ഉസ്താദേ, ഈ എസ്.ഡി.പി.ഐ? മതേതര-ജനാധിപത്യ മാര്‍ഗം അവലംബിക്കാനാണ് അവര്‍ ഈ നിര്‍ദേശം മുന്നോട്ടുവച്ചതെങ്കില്‍ പേരില്‍ത്തന്നെ ഡമോക്രാറ്റിക്കും എം കെ മനോജ്കുമാറും അബ്ദുല്‍ മജീദ് ഫൈസിയും പി കെ രാധയുമെല്ലാം നേതൃത്വം കൊടുക്കുന്നതുമായ ഈ പാര്‍ട്ടിയെ വര്‍ഗീയ-തീവ്രവാദ സംഘടനയായി കാണേണ്ടതില്ലെന്നാണ് തോന്നുന്നത്. മഞ്ചേരിക്കാരനായ മജീദ് ഫൈസി മണ്ണഞ്ചേരിയെപ്പറ്റി പ്രസ്താവന നടത്തിയപ്പോള്‍, എസ്.കെ.എസ്.എസ്.എഫിന്റെയും യൂത്ത്‌ലീഗിന്റെയും നേതൃത്വത്തിലിരിക്കുന്ന ചിലര്‍ ഇന്റലിജന്‍സിനു വേണ്ടി പണിയെടുക്കുന്നുണ്ടെന്ന ഗുരുതരമായ ആരോപണം കൂടി ഉന്നയിച്ചിട്ടുണ്ട്. അതിനു ചുട്ട മറുപടി കൊടുക്കുക തന്നെ വേണം. പോപുലര്‍ ഫ്രണ്ടിനെയാണ് മതസംഘടനകള്‍ എതിര്‍ക്കുന്നതെങ്കില്‍ ഓകെ. ഇതിപ്പോ ഒരു രാഷ്ട്രീയപ്പാര്‍ട്ടിയെ പിരിച്ചുവിടാന്‍ പറയുന്നതെന്തിനാണെന്നാണ് മനസ്സിലാവാത്തത്. അതൊരുപക്ഷേ, ഇവരെയൊക്കെപ്പോലെ പട്ടിക്കാട് ജാമിഅ നൂരിയ്യയില്‍ നിന്നു ഫൈസി ബിരുദം നേടിയൊരാള്‍ ഒരു പാര്‍ട്ടിയുടെ സംസ്ഥാന ജനറല്‍ സെക്രട്ടറിയാവുന്നതും തിരഞ്ഞെടുപ്പില്‍ മല്‍സരിക്കുന്നതുമൊക്കെ സഹിക്കാഞ്ഞിട്ടാവാമെന്നാണ് പലരുടെയും സംശയം. അസൂയ കുറ്റമാണെന്ന കാര്യത്തില്‍ പണ്ഡിതന്‍മാര്‍ ഏകാഭിപ്രായക്കാരായതിനാല്‍ ഇവരുടെ പ്രശ്‌നം അതാവാന്‍ തരമില്ല.

കണ്ണേറ്- തേജസ്(26-04-10)

വിവിധ കേന്ദ്രങ്ങളില്‍ എസ്.ഡി.പി.ഐ ജ്വലനജാഥ നടത്തി

2010-04-24T23:41:00.001+05:30

മലപ്പുറം: സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ സംസ്ഥാന ജനറല്‍ സെക്രട്ടറി എം കെ മനോജ് കുമാര്‍ നയിക്കുന്ന ജനകേരള യാത്രയുടെ സമാപനത്തോടനുബന്ധിച്ചു ജില്ലയില്‍ വിവിധകേന്ദ്രങ്ങളില്‍ എസ്.ഡി.പി.ഐ പ്രവര്‍ത്തകര്‍ ജ്വലനജാഥ നടത്തി. വേങ്ങരയില്‍ ടി പി അബ്ദുല്‍ഹഖ്, മാളിയേക്കല്‍ ഹുസൈന്‍ ഹാജി, അരീക്കന്‍ ബീരാന്‍കുട്ടി, ബഷീര്‍ എടക്കാപ്പറമ്പ്, എം അബ്ദുല്‍ബാരി നേതൃത്വം നല്‍കി.
തവനൂര്‍ പഞ്ചായത്ത് കമ്മറ്റിയുടെ ആഭിമുഖ്യത്തില്‍ അയങ്കലത്തുവച്ച് ജ്വലന ജാഥ നടത്തി. സുബ്രമണ്യന്‍ അയങ്കലം, നവാസ്‌കല്ലൂര്‍, സലാം മദിരശ്ശേരി, ഹമീദ് അയങ്കലം നേതൃത്വം നല്‍കി.
വള്ളിക്കുന്ന് പഞ്ചായത്തില്‍ ഹംസ ആനങ്ങാടി, ഹംസക്കോയ, മജീദ് കൊടക്കാട് നേതൃത്വം നല്‍കി.
പരപ്പനങ്ങാടി പഞ്ചായത്തില്‍ ജലീല്‍ പരപ്പനങ്ങാടി, ഇസ്്ഹാഖ് ചെട്ടിപ്പടി, സിദ്ധീഖ് പരപ്പനങ്ങാടി നേതൃത്വം നല്‍കി.പുത്തനത്താണിയില്‍ കെ പി അബ്ദുല്‍മജീദ്, എം കെ യൂനുസ്, റഹീം ഉണ്ണിയാര്‍ നേതൃത്വം നല്‍കി.കോട്ടക്കല്‍ മേഖലയില്‍ എം പി മുസ്തഫ, ഇ മുഹമ്മദലി, കോയതലക്കാപ്, കെ നാസര്‍, എം അബ്ദുല്‍ റഷീദ് നേതൃത്വം നല്‍കി. ബസ് സ്റ്റാന്റില്‍ നടന്ന സമാപന സമ്മേളനത്തില്‍ സജ്ജാദ് വണ്ടൂര്‍ മുഖ്യപ്രഭാഷണം നടത്തി.

ഫോട്ടോ: ജനകേരളയാത്രയുടെ സമാപനത്തോടനുബന്ധിച്ച് എസ്.ഡി.പി.ഐ പ്രവര്‍ത്തകര്‍ വേങ്ങരയില്‍ നടത്തിയ ജ്വലനജാഥ.

ജനകേരളയാത്രയ്ക്ക് രാഷ്ട്രീയകേരളത്തിന്റെ ഹൃദയഭൂമിയില്‍ ഉജ്വല പരിസമാപ്തി

2010-04-24T21:50:00.001+05:30

തിരുവനന്തപുരം: പിന്നിട്ട പാതകളില്‍ ചരിത്രത്തിന്റെ പുതിയ ഏടുകള്‍ എഴുതിച്ചേര്‍ത്ത് ജനമനസ്സുകളില്‍ ഇടംനേടിയ സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ(എസ്.ഡി.പി.ഐ)യുടെ ജനകേരളയാത്രയ്ക്കു സംസ്ഥാന രാഷ്ട്രീയത്തിന്റെ ഹൃദയഭൂമിയായ തിരുവനന്തപുരത്ത് ഉജ്വല പരിസമാപ്തി. പാര്‍ശ്വവല്‍ക്കരിക്കപ്പെട്ടവന്റെ സ്വപ്‌നങ്ങള്‍ക്കും പ്രതീക്ഷകള്‍ക്കും പുതുനിറം നല്‍കി കടന്നുവന്ന യാത്രയെ തലസ്ഥാനനഗരി ആവേശപൂര്‍വം നെഞ്ചിലേറ്റി.
ജാഥയ്ക്കു സമാപനം കുറിച്ച് വൈകീട്ട് അഞ്ചിനു പ്രസ്‌ക്ലബ് പരിസരത്തുനിന്നാരംഭിച്ച പടുകൂറ്റന്‍ പ്രകടനം നഗരത്തെ അക്ഷരാര്‍ഥത്തില്‍ ജനസാഗരമാക്കി മാറ്റി. പാര്‍ട്ടി സംസ്ഥാന നേതാക്കള്‍ക്കു പിന്നില്‍ ചുവപ്പും പച്ചയും കലര്‍ന്ന നക്ഷത്രാങ്കിത പതാക വാനിലുയര്‍ത്തി ആയിരക്കണക്കിനു പ്രവര്‍ത്തകര്‍ അണിചേര്‍ന്നപ്പോള്‍ രാജനഗരത്തിന്റെ രാഷ്ട്രീയചരിത്രത്തില്‍ ആവേശകരമായ അധ്യായമായി അതു മാറി. മുന്നണിരാഷ്ട്രീയത്തിന്റെ പിന്നാമ്പുറങ്ങളില്‍ നഷ്ടസ്വപ്‌നങ്ങളുടെ മാറാപ്പു പേറാന്‍ വിധിക്കപ്പെട്ട അധഃസ്ഥിതവിഭാഗത്തിന്റെ ആത്മരോഷം മുദ്രാവാക്യങ്ങളായി അന്തരീക്ഷത്തില്‍ മുഴങ്ങി. അധികാരരാഷ്ട്രീയത്തിന്റെ ധാര്‍ഷ്ട്യം കലര്‍ന്ന പരുക്കന്‍ പ്രകടനങ്ങള്‍ മാത്രം കണ്ടുശീലിച്ച നഗരത്തിന് അച്ചടക്കവും പ്രതിപക്ഷബഹുമാനവുമുള്ള പുതിയൊരു രാഷ്ട്രീയശൈലിയാണ് എസ്.ഡി.പി.ഐ പ്രവര്‍ത്തകര്‍ പരിചയപ്പെടുത്തിയത്. വാദ്യമേളങ്ങളുടെ താളത്തിനൊത്തു നീങ്ങിയ പ്രകടനത്തിനു നൂറുകണക്കിന് ഇരുചക്രവാഹനങ്ങള്‍ അകമ്പടി സേവിച്ചു. കുരുന്നു ബാലികാബാലന്‍മാര്‍ അണിനിരന്ന സ്‌കേറ്റിങ് പ്രകടനം എം.ജി റോഡിന്റെ ഇരുവശവും തടിച്ചുകൂടിയ ആബാലവൃദ്ധം ജനങ്ങള്‍ക്കു കൗതുകക്കാഴ്ചയായി.
ഈ മാസം രണ്ടിനു കാസര്‍കോട്ട് എസ്.ഡി.പി.ഐ ദേശീയ വൈസ് പ്രസിഡന്റ് അഡ്വ. സാജിദ് ഹുസൈന്‍ സിദ്ദീഖി ഉദ്ഘാടനം ചെയ്ത യാത്ര സംസ്ഥാനത്തിന്റെ വിവിധ ഭാഗങ്ങളില്‍ ആവേശോജ്വലമായ സ്വീകരണങ്ങള്‍ ഏറ്റുവാങ്ങിയാണു തിരുവനന്തപുരത്തു സമാപിച്ചത്. പാര്‍ട്ടി സംസ്ഥാന പ്രസിഡന്റ് അഡ്വ. കെ പി മുഹമ്മദ് ശരീഫ്, വൈസ് പ്രസിഡന്റ് പി കെ ഗോപിനാഥന്‍, ജനറല്‍ സെക്രട്ടറിമാരായ എം കെ മനോജ്കുമാര്‍, പി അബ്ദുല്‍ മജീദ് ഫൈസി, സെക്രട്ടറിമാരായ പി കെ രാധ, മൂവാറ്റുപുഴ അശ്‌റഫ് മൗലവി, വി ടി ഇഖ്‌റാമുല്‍ ഹഖ്, ഖജാഞ്ചി എ എ ഷാഫി, സംസ്ഥാന സമിതി അംഗങ്ങള്‍, ജില്ലാ ഭാരവാഹികള്‍ പ്രകടനത്തിനു നേതൃത്വം നല്‍കി. വെട്ടിമുറിച്ചകോട്ടയില്‍ നടന്ന സമാപനസമ്മേളനം പാര്‍ട്ടി ദേശീയ പ്രസിഡന്റ് ഇ അബൂബക്കര്‍ ഉദ്ഘാടനം ചെയ്തു.

എസ്്.ഡി.പി.ഐ സ്വന്തം നിലയില്‍ കരുത്തുതെളിയിക്കും: ഇ അബൂബക്കര്‍

2010-04-24T21:38:00.001+05:30

തിരുവനന്തപുരം: സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ(എസ്.ഡി.പി.ഐ) ഒരു മുന്നണിക്കൊപ്പവും നില്‍ക്കാതെ സ്വന്തം നിലയില്‍ കരുത്തുതെളിയിച്ചു മുന്നോട്ടുപോവുമെന്നു പാര്‍ട്ടി ദേശീയ പ്രസിഡന്റ് ഇ അബൂബക്കര്‍. എസ്.ഡി.പി.ഐ ജനകേരളയാത്രയുടെ സമാപനസമ്മേളനം തിരുവനന്തപുരത്തു വെട്ടിമുറിച്ചകോട്ടയില്‍ ഉദ്ഘാടനം ചെയ്യുകയായിരുന്നു അദ്ദേഹം.
കേരളത്തില്‍ രണ്ടു മുന്നണികള്‍ക്കിടയില്‍നിന്നു പ്രവര്‍ത്തിക്കുന്ന പല പാര്‍ട്ടികളെക്കുറിച്ചു പുറത്താരുമറിയുന്നില്ല. എന്നാല്‍, ഇരുമുന്നണികള്‍ക്കിടയില്‍നിന്നുകൊണ്ടുതന്നെ നിസാരവമല്ലാത്ത വോട്ട് വാങ്ങാന്‍ എസ്.പാര്‍ട്ടിക്കു കഴിഞ്ഞു. രണ്ടു മുന്നണികള്‍ക്കിടയിലുളള സാന്‍വിച്ച് ആയിരിക്കില്ല എസ്.ഡി.പി.ഐ. കേരളത്തില്‍ പല മണ്ഡലങ്ങളിലും മുന്നണികള്‍ക്കു മറുപടി പറയാന്‍ കഴിയുന്ന പാര്‍ട്ടിയായി മാറാന്‍ എസ്.ഡി.പി.ഐയ്ക്കു കഴിഞ്ഞിട്ടുണ്ടെന്ന സന്ദേശമാണ് ജനകേരളയാത്രയിലൂടെ ലഭിച്ചത്. സംസ്ഥാനത്ത് ഇരുമുന്നണികളും തകര്‍ന്നുകൊണ്ടിരിക്കുകയാണ്. സി.പി.എമ്മില്‍ പടലപ്പിണക്കവും കോണ്‍ഗ്രസില്‍ ഗ്രൂപ്പിസവുമാണ് നടക്കുന്നത്. രണ്ടു കൂട്ടര്‍ക്കും ഭരിക്കാന്‍ നേരമില്ല. അതിനാല്‍, ചെറുപാര്‍ട്ടികള്‍ മുന്നണി വിട്ടു ജനപക്ഷത്തുളള എസ്.ഡി.പി.ഐയില്‍ ചേരണം.
രാജ്യത്തെ ദലിത്, മുസ്്‌ലിം, ആദിവാസി വിഭാഗങ്ങള്‍ അപകടകരമായ സ്ഥിതിവിശേഷത്തിലേക്കു നീങ്ങുകയാണ്. ഇതിനു മാറ്റം വരണമെങ്കില്‍ പീഡിതജനവിഭാഗങ്ങള്‍ ഒന്നിച്ചുനിന്നു പുതിയ മുന്നേറ്റങ്ങള്‍ക്കു രൂപം നല്‍കണം. സവര്‍ണവിഭാഗങ്ങള്‍ക്കു ക്ഷീണമുണ്ടാവുമെന്ന സ്ഥിതിയുണ്ടായപ്പോഴാണ് വനിതാസംവരണമെന്ന വാദവുമായി സര്‍ക്കാര്‍ രംഗത്തുവന്നതെന്നും ഇ അബൂബക്കര്‍ പറഞ്ഞു.
എസ്്.ഡി.പി.ഐ സംസ്ഥാന പ്രസിഡന്റ്് അഡ്വ. കെ പി മുഹമ്മദ്് ഷരീഫ് അധ്യക്ഷത വഹിച്ചു. നിലവിലുളള രാഷ്ട്രീയപ്രസ്ഥാനങ്ങള്‍ രാഷ്ട്രീയത്തെയും ഭരണത്തെയും അപഹാസ്യമാക്കി മാറ്റിയെന്നു അദ്ദേഹം പറഞ്ഞു. രാഷ്ട്രീയം തങ്ങളുടെ താല്‍പര്യങ്ങള്‍ സംരക്ഷിക്കാനുളള വേദിയാക്കി. അമേരിക്കയ്ക്കും ഇസ്രായേലിനുംവേണ്ടി രാജ്യത്തു മുസ്്‌ലിം, ദലിത്, ആദിവാസി വിഭാഗങ്ങളെ കുടിയൊഴിപ്പിക്കുകയാണ്. അവരുടെ അവകാശങ്ങളോട് സര്‍ക്കാര്‍ മുഖം തിരിച്ചുനില്‍ക്കുകയാണെന്നും അദ്ദേഹം പറഞ്ഞു.
മുന്‍ എം.എല്‍.എ എം ഇളങ്കോ (പോണ്ടിച്ചേരി ഫിഷര്‍മെന്‍ ഓര്‍ഗനൈസേഷന്‍) മുഖ്യാഥിതി ആയിരുന്നു. പി അബ്ദുല്‍ ഹമീദ് (പോപുലര്‍ ഫ്രണ്ട്്), ളാഹ ഗോപാലന്‍ (ചെങ്ങറ സമരനായകന്‍), നെല്ലിമൂട് ശ്രീധരന്‍ (വി.എസ്.ഡി.പി), ദാസ്് കെ വര്‍ക്കല (ഡി.എച്ച്്്.ആര്‍.എം), ശ്രീമന്ദിരം പ്രതാപന്‍ (ദേശീയ ജനവേദി), എസ്് പ്രകാശന്‍ മാസ്റ്റര്‍ (ഹൈവേ ആക്ഷന്‍ കമ്മിറ്റി), എം എം കബീര്‍, അഡ്വ. പി കെ സുകുമാരന്‍ (സമാജ്്‌വാദി പാര്‍ട്ടി), എം കെ മനോജ്കുമാര്‍, പി അബ്ദുല്‍ മജീദ് ഫൈസി, വി ടി ഇഖ്‌റാമുല്‍ ഹഖ്, മുവാറ്റുപുഴ അഷ്‌റഫ് മൗലവി, പി കെ രാധ, പി കെ ഗോപിനാഥന്‍ (എസ്.ഡി.പി.ഐ) എന്നിവര്‍ പങ്കെടുത്തു.

സമാപന സമ്മേളനം

2010-04-24T21:23:00.001+05:30

ജനകേരളയാത്ര സമാപന സമ്മേളനത്തില്‍ പോണ്ടിച്ചേരി മുന്‍ എം.എല്‍.എ എം ഇളങ്കോ പ്രസംഗിക്കുന്നു

പ്രകടനം-കൂടുതല്‍ ദൃശ്യങ്ങള്‍

2010-04-24T21:21:00.000+05:30

ജനകേരളയാത്ര സമാപന സമ്മേളനം

2010-04-24T19:57:00.000+05:30

എസ്.ഡി.പി.ഐ ജനകേരളയാത്രാ സമാപന സമ്മേളനത്തില്‍ ദേശീയ പ്രസിഡന്റ് ഇ അബൂബക്കര്‍ സംസാരിക്കുന്നു

ജനകേരളയാത്ര സമാപനം

2010-04-24T18:52:00.001+05:30

എസ്.ഡി.പി.ഐ ജനകേരളയാത്ര: തിരുവനന്തപുരത്ത് നടന്ന സമാപന പ്രകടനത്തിലെ ദൃശ്യങ്ങള്‍

ജനകേരളയാത്രമുന്നോട്ടുവയ്ക്കുന്നത്

2010-04-24T00:20:00.000+05:30

(തേജസ് എഡിറ്റോറിയല്‍)

മുഖ്യധാരാ മാധ്യമങ്ങളുടെ പരിലാളനകളില്ലാതെയും ഒരു സംഘടനയ്ക്ക് അതിന്റെ സന്ദേശം ജനങ്ങളിലെത്തിക്കാന്‍ കഴിയുമെന്നതിന്റെ തെളിവാണ് എസ്.ഡി.പി.ഐ (സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ) നടത്തിയ ജനകേരളയാത്ര. ഏപ്രില്‍ രണ്ടിനു കാസര്‍കോട്ടെ ഹൊസങ്കടിയില്‍നിന്നു തുടങ്ങി ഇന്നു തിരുവനന്തപുരത്തു സമാപിക്കുന്ന ജനകേരളയാത്രയെ ഇതര രാഷ്ട്രീയജാഥകളില്‍നിന്നു വ്യത്യസ്തമാക്കുന്നത് അതുന്നയിക്കുന്ന ആവശ്യങ്ങളും ഉയര്‍ത്തുന്ന മുദ്രാവാക്യങ്ങളുമാണ്. ഭൂരഹിതര്‍ക്കു ഭൂമി നല്‍കുക, ദലിത്-ആദിവാസി വേട്ട അവസാനിപ്പിക്കുക, സംവരണത്തിന്റെ ഭരണഘടനാതത്ത്വം പുനസ്ഥാപിക്കുക, സേവനമേഖലകളില്‍നിന്നു സര്‍ക്കാര്‍ പിന്‍മാറാതിരിക്കുക, പോലിസിന്റെ ന്യൂനപക്ഷ പീഡനം അവസാനിപ്പിക്കുക, ലിബര്‍ഹാന്‍ കമ്മീഷന്‍ റിപോര്‍ട്ട് നടപ്പാക്കുക എന്നിവയാണ് എസ്.ഡി.പി.ഐ മുന്നോട്ടുവയ്ക്കുന്ന ആവശ്യങ്ങള്‍. മുഖ്യധാരാ രാഷ്ട്രീയപ്രസ്ഥാനങ്ങള്‍ അവഗണിക്കുന്നതും അതേസമയം, അടിസ്ഥാന ജനവിഭാഗങ്ങളുടെ ജീവല്‍പ്രശ്‌നങ്ങളുമായി അഭേദ്യബന്ധമുള്ളതുമാണ് ഈ മുദ്രാവാക്യങ്ങളെന്നതില്‍ തര്‍ക്കമില്ല. അതുകൊണ്ടായിരിക്കാം കേരളത്തിലങ്ങോളമിങ്ങോളമുള്ള ചെറുതും വലുതുമായ ഒട്ടേറെ സമരകേന്ദ്രങ്ങൡ ജനകേരളയാത്രയ്ക്ക് ഊഷ്മളമായ വരവേല്‍പ്പു ലഭിച്ചത്. വയനാട് ജില്ലയിലെ അപ്പാട്, പാലക്കാട് ജില്ലയിലെ പ്ലാച്ചിമട, അട്ടപ്പാടി തുടങ്ങിയ സമരഭൂമികളില്‍ ഭൂമിക്കും കുടിവെള്ളത്തിനും മറ്റ് അടിസ്ഥാനാവകാശങ്ങള്‍ക്കും വേണ്ടി പോരാടുന്നവരോട് ഐക്യദാര്‍ഢ്യം പ്രഖ്യാപിച്ചുകൊണ്ടാണു യാത്ര കടന്നുപോയത്. എന്‍.എച്ച് 17 വികസനത്തിനുവേണ്ടിയുള്ള കുടിയൊഴിപ്പിക്കലിനെതിരായ സമരത്തോടു കണ്ണിചേര്‍ന്ന എസ്.ഡി.പി.ഐക്ക് സ്ഥലമെടുക്കല്‍ നിര്‍ത്തിവയ്പിക്കാനുള്ള സര്‍വകക്ഷിയോഗ തീരുമാനത്തില്‍ തീര്‍ച്ചയായും സന്തോഷിക്കാന്‍ വകയുണ്ട്. പ്രാദേശികവും പൊതുപ്രാധാന്യമുള്ളതുമായ പല പ്രശ്‌നങ്ങളെയും സംബന്ധിച്ച നിവേദനങ്ങള്‍ സമരസംഘടനകളും വ്യക്തികളും എസ്.ഡി.പി.ഐ നേതൃത്വത്തിനു കൈമാറിയത്, ജനങ്ങള്‍ ഈ പുതിയ രാഷ്ട്രീയപ്രസ്ഥാനത്തെ പ്രതീക്ഷയോടെ കാണുന്നു എന്നതിന്റെ ദൃഷ്ടാന്തമാണ്. ഇടത്തും വലത്തുമുള്ള പാര്‍ട്ടികളെ മാറിമാറി പരീക്ഷിച്ചു മടുത്ത ജനങ്ങള്‍ക്ക് പ്രത്യാശയുടെ ഒരു നുറുങ്ങുവെട്ടമെങ്കിലും ശൈശവാവസ്ഥ പിന്നിടുന്നതിനു മുമ്പേ കാട്ടിക്കൊടുക്കാന്‍ കഴിഞ്ഞു എന്നതാവാം എസ്.ഡി.പി.ഐയുടെ പ്രസക്തി. 'ഐശ്വര്യകേരളം, സമൃദ്ധകേരളം' തുടങ്ങിയ മനോമോഹന മുദ്രാവാക്യങ്ങളും 'വിലക്കയറ്റത്തിനും തീവ്രവാദത്തിനുമെതിരേ' എന്നൊക്കെയുള്ള മോരും മുതിരയും പോലെ പരസ്പരം ചേരാത്ത പ്രമേയങ്ങളുമായി യാത്രാമാമാങ്കങ്ങള്‍ നടത്തുന്ന സാമ്പ്രദായിക രാഷ്ട്രീയജാഥകളില്‍നിന്നു ജനകേരളയാത്രയെ വ്യതിരിക്തമാക്കുന്നത്, അതു പണിയെടുക്കുന്നവന്റെയും പാടുപെടുന്നവന്റെയും രാഷ്ട്രീയം സംസാരിക്കുന്നു എന്നതു കൂടിയാണ്.

എസ്.ഡി.പി.ഐയുടെ കാലികപ്രസക്തി

2010-04-24T00:18:00.001+05:30

അഡ്വ. കെ പി മുഹമ്മദ് ശരീഫ്(എസ്.ഡി.പി.ഐ സംസ്ഥാന പ്രസിഡന്റ്)

രാജ്യം അഭിമുഖീകരിക്കുന്ന അതിരൂക്ഷമായ രണ്ടു പ്രശ്‌നങ്ങളാണ് ഭയവും വിശപ്പും. സ്വാതന്ത്ര്യാനന്തര ഇന്ത്യയില്‍ ഇതു രണ്ടും ഏറ്റവും മുഴച്ചുനില്‍ക്കുന്നതായി കാണാന്‍ കഴിയും. ഇതിനു പ്രധാന ഉത്തരവാദികള്‍ നിലവിലുള്ള രാഷ്ട്രീയപ്രസ്ഥാനങ്ങളും ആ പാര്‍ട്ടികളെയും നേതാക്കളെയും ഉപയോഗിച്ചു മൂന്നാംലോകരാജ്യങ്ങളില്‍ ഇടപെട്ടുകൊണ്ടിരിക്കുന്ന സാമ്രാജ്യത്വശക്തികളുമാണ്.
ഇത്തരം പാര്‍ട്ടികളുടെ താല്‍പ്പര്യങ്ങളും സാമ്രാജ്യത്വ താല്‍പ്പര്യങ്ങളും ഒത്തുചേരുമ്പോള്‍ അടിസ്ഥാനജനവിഭാഗങ്ങളായ ദലിത്, ആദിവാസി, മുസ്‌ലിം, പിന്നാക്കവിഭാഗങ്ങളുടെ വിഭവങ്ങള്‍ പോലും കവര്‍ന്നെടുക്കപ്പെടുകയാണു ചെയ്യുന്നത്. തങ്ങളുടെ അടിസ്ഥാന അവകാശങ്ങള്‍ ഹനിക്കപ്പെടുന്നതിനെ ദലിത്, ആദിവാസി, പിന്നാക്കവിഭാഗങ്ങള്‍ പ്രതിരോധിക്കുമ്പോള്‍ സാമ്രാജ്യത്വശക്തികളും ഉന്നത രാഷ്ട്രീയ-വരേണ്യവര്‍ഗങ്ങളും ചേര്‍ന്ന് മാധ്യമങ്ങളുടെ സഹായത്തോടുകൂടി അവരെ ഭീകരവാദികളും തീവ്രവാദികളും മാവോവാദികളും നക്‌സലുകളുമാക്കി മുദ്രചാര്‍ത്തുകയും അവര്‍ക്കെതിരേ വന്‍ പ്രചാരണങ്ങള്‍ സംഘടിപ്പിക്കുകയും ചെയ്യുന്നു. അങ്ങനെ പൊതുസമൂഹത്തിന്റെ മനസ്സില്‍ ഈ വിഭാഗങ്ങളെ അനഭിമതരും രാജ്യദ്രോഹികളുമാക്കി ചിത്രീകരിച്ച് സ്വന്തം പൗരന്‍മാരെ കൊന്നൊടുക്കുന്ന സാഹചര്യമൊരുക്കുന്നു. സ്വാഭാവികമായും അടിസ്ഥാനജനവിഭാഗങ്ങള്‍ ഭയവിഹ്വലതകള്‍ക്ക് അടിപ്പെടാന്‍ ഇത് ഇടയാക്കുന്നു. ഈ വിഭാഗങ്ങള്‍ക്കെതിരേ വ്യാജ ഏറ്റുമുട്ടലുകളും വ്യാജ സ്‌ഫോടനങ്ങളും കള്ളക്കേസുകളും രാജ്യത്തെമ്പാടും മെനഞ്ഞെടുത്ത് അവരെ പ്രതിരോധത്തില്‍ നിര്‍ത്തുകയാണ് നിലവിലുള്ള വരേണ്യരാഷ്ട്രീയക്കാരും അമേരിക്കന്‍-ഇസ്രായേല്‍ ലോബികളും ചെയ്യുന്നത്.
അടിസ്ഥാനജനതയുടെയും പാര്‍ശ്വവല്‍കൃത സമൂഹത്തിന്റെ യും അനിവാര്യമായ ആവശ്യങ്ങള്‍ നിര്‍വഹിച്ചുകൊടുക്കാന്‍പോലും സ്വാതന്ത്ര്യത്തിനുശേഷം മാറിമാറി വന്ന ഭരണകൂടങ്ങള്‍ക്കു സാധിച്ചിട്ടില്ല. അഴിമതി, സ്വജനപക്ഷപാതം, പോഷകാഹാരക്കുറവ്, ശിശുമരണം തുടങ്ങിയ കാര്യങ്ങളിലൊക്കെ ഏറ്റവും മുന്നില്‍ നില്‍ക്കുന്ന രാഷ്ട്രങ്ങള്‍ക്കൊപ്പം നമ്മുടെ രാജ്യവുമുണ്ട്. ഇന്ത്യ തിളങ്ങുന്നു, വിളങ്ങുന്നു, വളരുന്നു എന്നൊക്കെയാണു പറയപ്പെടുന്നത്. ആളോഹരിവരുമാനം വര്‍ധിക്കുന്നുവെന്നു പറയുമ്പോഴും സാധാരണക്കാരന്റെ ജീവിതസാഹചര്യം മെച്ചപ്പെടുന്നില്ല. നൂറുകണക്കിനും ആയിരക്കണക്കിനും കോടികളുടെ ആസ്തികളുള്ള കുത്തക ഭീമന്‍മാരുടെ വരുമാനമാണു വര്‍ധിക്കുന്നത്.
നിലവിലുള്ള രാഷ്ട്രീയപ്പാര്‍ട്ടികളുടെ പ്രവര്‍ത്തനം ആനുകാലികസാഹചര്യത്തില്‍ വിലയിരുത്തുമ്പോള്‍ ജനപക്ഷരാഷ്ട്രീയത്തിനു പകരം ജനവിരുദ്ധ നയങ്ങളും നിലപാടുകളും സമീപനങ്ങളുമാണു നിഴലിക്കുന്നത്. അതുകൊണ്ടുതന്നെ ഇത്തരം പ്രസ്ഥാനങ്ങളോടും അവയുടെ പ്രവര്‍ത്തനത്തോടും നിസ്സംഗ സമീപനമാണു സാധാരണ പൗരന്‍മാര്‍ക്കുള്ളത്. രാഷ്ട്രീയപ്രവര്‍ത്തനം എന്നത് സാധാരണക്കാരനെ സംബന്ധിച്ചിടത്തോളം ചിലര്‍ക്ക് അഴിമതി നടത്താനും നിക്ഷിപ്ത താല്‍പ്പര്യങ്ങള്‍ നേടിയെടുക്കാനുമുള്ള സംവിധാനമായി മാറിയിരിക്കുന്നു. ഭരണഘടനയില്‍ എഴുതിച്ചേര്‍ത്തിട്ടുള്ള പരമാധികാര, സോഷ്യലിസ്റ്റ്, മതേതര, ജനാധിപത്യ റിപബ്ലിക് എന്നത് ഏടുകളിലല്ലാതെ പ്രവൃത്തിയില്‍ കാണാന്‍ സാധിക്കുന്നില്ല. സാമ്രാജ്യത്വ വൈദേശികശക്തികളുടെ കൊളോണിയല്‍ താല്‍പ്പര്യങ്ങള്‍ക്കു മാത്രം സൗകര്യങ്ങള്‍ ചെയ്തുകൊടുക്കുന്ന പാര്‍ട്ടികളും നേതൃത്വങ്ങളും ഭരണസംവിധാനങ്ങള്‍ ദുരുപയോഗപ്പെടുത്തുമ്പോള്‍ ഇത് ഒരു പരമാധികാര രാഷ്ട്രമാണെന്ന് എങ്ങനെ പറയാന്‍ സാധിക്കും? മുസ്‌ലിം, ദലിത്, ആദിവാസികളെ അവരുടെ ഭൂപ്രദേശങ്ങളില്‍നിന്ന് ആട്ടിയോടിക്കുകയും പൗരന്‍മാരെ വെടിവച്ചുകൊല്ലുകയും ചെയ്യുമ്പോള്‍ ഈ രാജ്യം എങ്ങനെ മതേതര, ജനാധിപത്യരാഷ്ട്രമാണെന്നു പറയാന്‍ സാധിക്കും? മതേതരത്വത്തിന് ഊന്നല്‍ കൊടുത്തുകൊണ്ട് രാജ്യത്തെ വികസിപ്പിക്കാന്‍ യത്‌നിച്ചിരുന്ന മുന്‍കാല രാഷ്ട്രീയനേതാക്കന്‍മാരുടെ നിലപാടുകള്‍ അവഗണിച്ചുകൊണ്ട് മുതലാളിത്തപക്ഷത്തു മാത്രം നിലയുറപ്പിച്ചിട്ടുള്ള രാഷ്ട്രീയപ്പാര്‍ട്ടികളുടെ നിലപാടുകള്‍ സമൃദ്ധമായ പശ്ചാത്തലത്തില്‍ എങ്ങനെ രാജ്യം സോഷ്യലിസ്റ്റ് പ്രത്യയശാസ്ത്രത്തിന് ഊന്നല്‍ നല്‍കുന്നു എന്നു പറയാന്‍ കഴിയും?
ജനാധിപത്യത്തിന്റെ തകര്‍ച്ചയാണു നാം കണ്ടുകൊണ്ടിരിക്കുന്നത്. രാജ്യം ഭരിക്കുന്ന കോണ്‍ഗ്രസ് പോലും ഒമ്പതുശതമാനത്തിന്റെ മാത്രം വോട്ട് നേടിയാണ് അധികാരത്തിലേറിയിട്ടുള്ളത്. 40 ശതമാനം ആളുകള്‍ മാത്രമാണ് തിരഞ്ഞെടുപ്പിനോട് പ്രതികരിക്കുന്നത്. പൊതുസമൂഹത്തിന്റെ മനോഭാവം ഈ നിലയില്‍ എത്തിപ്പെടാന്‍ കാരണം വരേണ്യവര്‍ഗത്തിന്റെ ആധിപത്യത്തിലുള്ള നിലവിലുള്ള രാഷ്ട്രീയപ്രസ്ഥാനങ്ങളാണ്.
ഭക്ഷണവും പാര്‍പ്പിടവും വസ്ത്രവും കീഴാള ജനവിഭാഗങ്ങള്‍ക്കു നല്‍കാന്‍ ഭരണകൂടങ്ങള്‍ക്കു സാധിച്ചിട്ടില്ല. അരിയുടെ പേറ്റന്റ് പോലും വിദേശശക്തികള്‍ക്കു പതിച്ചുനല്‍കിയിരിക്കുന്നു. സാധാരണക്കാരന്റെ കൃഷിയിടങ്ങള്‍ മൂലധനശക്തികള്‍ നേരിട്ടു പാട്ടത്തിന് ഏറ്റെടുക്കുന്നു. കമ്പോള വിലനിയന്ത്രണം പരിപൂര്‍ണമായി മൂലധനശക്തികളുടെ കൈകളില്‍ ഒതുങ്ങിക്കഴിഞ്ഞു. കുതിച്ചുയരുന്ന വിലക്കയറ്റം നിയന്ത്രിക്കാന്‍ കേന്ദ്ര-സംസ്ഥാന സര്‍ക്കാരുകള്‍ക്കു പദ്ധതികളില്ല. ഇരുകൂട്ടരും അന്യോന്യം പഴിചാരി രക്ഷപ്പെടുകയാണ്. സാധാരണജനങ്ങളുടെ ഈ ദുരിതത്തെ മറച്ചുപിടിക്കാന്‍ താരങ്ങളുടെയും താരപ്രഭയുടെയും പിറകെ പായുകയാണു രാഷ്ട്രീയക്കാര്‍. മോഹന്‍ലാലിനും മമ്മൂട്ടിക്കും ബിരുദങ്ങള്‍ കനിഞ്ഞുനല്‍കുന്ന തിരക്കിലാണു ഭരണപക്ഷവും പ്രതിപക്ഷവും. ഐ.പി.എല്‍ കളിയില്‍ സമൂഹത്തെ തളച്ചിടാന്‍ ശ്രമിച്ചവര്‍ ഇപ്പോള്‍ ഐ.പി.എല്‍ വിവാദത്തില്‍ പൊതുസമൂഹത്തെ കുരുക്കിയിടാനുള്ള തത്രപ്പാടിലാണ്. ലാവ്‌ലിന്‍ അഴിമതി നടത്തിയത് പിണറായി വിജയനോ ജി കാര്‍ത്തികേയനോ എന്ന കാര്യത്തിലേ ഭിന്നാഭിപ്രായമുള്ളൂ. അഴിമതി നടന്നുവെന്നതില്‍ ആര്‍ക്കും തര്‍ക്കമില്ല.
836 ദശലക്ഷം വരുന്ന അടിസ്ഥാന ജനവിഭാഗത്തിന്റെ ഒരു ദിവസത്തെ വേതനം 20 രൂപയില്‍ താഴെയാണെന്നു കണക്കുകള്‍ വിളിച്ചുപറയുമ്പോള്‍ ഈ രാജ്യത്തു ഭരണം നടത്തിയിട്ടുള്ള രാഷ്ട്രീയപ്രസ്ഥാനങ്ങള്‍ പിരിച്ചുവിട്ട് പൗരന്‍മാരോട് ക്ഷമ ചോദിക്കേണ്ടതില്ലേ? മഹാഭൂരിപക്ഷവും കടക്കെണിയിലാണ്. കടം വന്ന്, ജീവിതം മടുത്ത് ആത്മഹത്യകള്‍ പെരുകുകയാണ്. കേരളത്തില്‍പ്പോലും ഇതു കുറവല്ല. വിദര്‍ഭ കഴിഞ്ഞാല്‍ ഏറ്റവും കൂടുതല്‍ ആത്മഹത്യ വയനാട്ടിലാണ്.
മുസ്‌ലിം, ദലിത്, ആദിവാസിവിഭാഗങ്ങളോട് തികഞ്ഞ വിവേചനമാണു ഭരണകൂടങ്ങള്‍ നടത്തുന്നത്. ഭരണഘടന അനുശാസിക്കുന്ന മതിയായ പ്രതിനിധ്യം സാമൂഹികമായും വിദ്യാഭ്യാസപരമായും പിന്നാക്കം നില്‍ക്കുന്ന അധഃസ്ഥിതസമൂഹങ്ങള്‍ക്കു നല്‍കാനുള്ള ആര്‍ജവം ഭരണകൂടങ്ങള്‍ കാണിക്കുന്നില്ല. മേല്‍ത്തട്ട് എന്ന നൂതന തത്ത്വം പോലും ഭരണഘടനാവിരുദ്ധമാണ്. ഭരണഘടനയില്‍ നഷ്ടപ്പെട്ട സംവരണതത്ത്വം പുനസ്ഥാപിച്ചുകിട്ടാന്‍ പിന്നാക്കരാഷ്ട്രീയം പറയുന്ന പാര്‍ട്ടികള്‍ പോലും ആര്‍ജവം കാട്ടുന്നില്ല.
ഭരണഘടനാനുസൃതമായി വിവിധ കാലങ്ങളില്‍ കാകാ കലേല്‍ക്കര്‍ കമ്മീഷനും വി പി മണ്ഡല്‍ കമ്മീഷനും മൊയ്‌ലി കമ്മിറ്റിയും രംഗനാഥ് മിശ്രാ കമ്മീഷനും സച്ചാര്‍ കമ്മിറ്റിയുമൊക്കെ നാടുനീളെ പഠനം നടത്തി മുസ്‌ലിംകളുടെയും ആദിവാസികളുടെയും ദലിതരുടെയും അതിശോചനീയമായ സാമൂഹികസാഹചര്യങ്ങളെ അപഗ്രഥിച്ച പിന്നാക്കാവസ്ഥയുടെ റിപോര്‍ട്ടുകള്‍ ഭരണകൂടങ്ങളുടെ മുമ്പാകെയുണ്ടെങ്കിലും പ്രായോഗികനടപടികള്‍ ഉണ്ടായിട്ടില്ല. ഈ വിവേചനപരമായ സമീപനമാണ് രാജ്യത്തെ വികസനക്കുതിപ്പിനു തടസ്സമായി നില്‍ക്കുന്നത്. വരേണ്യര്‍ക്കൊപ്പംതന്നെ ദലിതരുടെയും ആദിവാസികളുടെയും മുസ്‌ലിംകളുടെയും സാമൂഹികവും വിദ്യാഭ്യാസപരവുമായ വളര്‍ച്ച സാധ്യമായാല്‍ മാത്രമേ യഥാര്‍ഥത്തില്‍ രാജ്യം തിളങ്ങുകയുള്ളൂ. അല്ലെങ്കില്‍ തിളക്കം വാചകങ്ങളില്‍ മാത്രം അവശേഷിക്കും.
നിലവിലുള്ള രാഷ്ട്രീയപ്പാര്‍ട്ടികള്‍ വ്യക്തി അധിഷ്ഠിതമോ ജാതിതാല്‍പ്പര്യങ്ങളിലോ ഒതുങ്ങിക്കൂടുകയാണ്. നയസമീപനങ്ങളും നേരത്തേ സൂചിപ്പിച്ചപോലെ സമ്പന്ന, മുതലാളിത്തപക്ഷത്താണ്. അടിസ്ഥാനവിഭാഗങ്ങളുടെ അത്യാവശ്യങ്ങള്‍പോലും നിര്‍വഹിക്കാന്‍ നിലവിലുള്ള രാഷ്ട്രീയപ്പാര്‍ട്ടികള്‍ക്കു സാധിക്കില്ലെന്നും അവര്‍ സന്നദ്ധമല്ലെന്നുമുള്ള തിരിച്ചറിവിന്റെ സാഹചര്യത്തിലാണ് ഇത്തരം ആവശ്യങ്ങള്‍ അഭിസംബോധന ചെയ്യേണ്ടത് പ്രധാനമാണെന്നു മനസ്സിലാക്കി സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ രൂപംകൊള്ളുന്നത്.
2009 ജൂണില്‍ ഡല്‍ഹിയില്‍ രൂപംകൊണ്ട പാര്‍ട്ടിയുടെ സംസ്ഥാന കമ്മിറ്റി 2009 ആഗസ്തിലാണു നിലവില്‍വന്നത്. കൂട്ടായ നേതൃത്വമാണ് പാര്‍ട്ടിയുടെ സവിശേഷത. ഏപ്രില്‍ രണ്ടിന് കാസര്‍കോഡ്‌നിന്നാരംഭിച്ച് ഇന്നു തിരുവനന്തപുരത്ത് സമാപിക്കുന്ന യാത്രയില്‍ ജനങ്ങള്‍ അഭിമുഖീകരിക്കുന്ന ആറ് സുപ്രധാന ആവശ്യങ്ങളാണു പാര്‍ട്ടി ഉയര്‍ത്തിക്കാട്ടിയത്. യാത്രയിലുടനീളം പാര്‍ട്ടിയുടെ ആദര്‍ശങ്ങളെയാണു പരിചയപ്പെടുത്തിയത്; വ്യക്തികളെയല്ല. കവലകളും ഗ്രാമങ്ങളും പട്ടണങ്ങളും പരിശോധിച്ചാല്‍ പാര്‍ട്ടിയുടെ മുഖം മനസ്സിലാവും. മാധ്യമങ്ങള്‍ തമസ്‌കരിച്ചെങ്കിലും ജനമനസ്സില്‍ ഇടംനല്‍കിയാണു കാസര്‍കോഡ് മുതല്‍ തിരുവനന്തപുരം വരെ ജാഥ കടന്നുപോയത്.

യാത്രയ്ക്ക് ഇന്നു റാലിയോടെ സമാപനം

2010-04-24T00:14:00.000+05:30

തിരുവനന്തപുരം: ഏപ്രില്‍ രണ്ടിനു കാസര്‍കോഡ് ഹൊസങ്കടിയില്‍ നിന്നു പര്യടനമാരംഭിച്ച സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ (എസ്.ഡി.പി.ഐ) ജനകേരളയാത്ര ഇന്നു തിരുവനന്തപുരത്ത് സമാപിക്കും. സമാപനസമ്മേളനത്തിനു മുന്നോടിയായി തിരുവനന്തപുരം നഗരത്തില്‍ ആയിരക്കണക്കിന് എസ്.ഡി.പി.ഐ പ്രവര്‍ത്തകര്‍ അണിനിരക്കുന്ന റാലി സംഘടിപ്പിക്കും. വൈകീട്ട് അഞ്ചിനു മ്യൂസിയം പരിസരത്തു നിന്നാരംഭിക്കുന്ന റാലി വെട്ടിമുറിച്ചകോട്ടയിലെ ഡോ. ബി ആര്‍ അംബേദ്കര്‍ നഗറില്‍ സമാപിക്കും. തുടര്‍ന്ന് വൈകീട്ട് ഏഴിനു നടക്കുന്ന സമാപനസമ്മേളനം ദേശീയ പ്രസിഡന്റ് ഇ അബൂബക്കര്‍ ഉദ്ഘാടനം ചെയ്യും. സംസ്ഥാന പ്രസിഡന്റ് അഡ്വ. കെ പി മുഹമ്മദ് ശരീഫ് അധ്യക്ഷത വഹിക്കും. പോണ്ടിച്ചേരി മുന്‍ എം.എല്‍.എ എം ഇളങ്കോ മുഖ്യാതിഥിയായിരിക്കും. എം കെ മനോജ്കുമാര്‍, പി അബ്ദുല്‍ മജീദ് ഫൈസി, പി കെ രാധ, മൂവാറ്റുപുഴ അശ്‌റഫ് മൗലവി (എസ്.ഡി.പി.ഐ), പി അബ്ദുല്‍ ഹമീദ് (പോപുലര്‍ ഫ്രണ്ട് ഓഫ് ഇന്ത്യ), എം എം കബീര്‍ (സമാജ്‌വാദി പാര്‍ട്ടി), ഗില്‍ബര്‍ട്ട് റോട്രിഗോ (തമിഴ്‌നാട് പോണ്ടിച്ചേരി ഫിഷര്‍ പീപ്പിള്‍ ഫെഡറേഷന്‍ അഡൈ്വസര്‍), ളാഹ ഗോപാലന്‍ (ചെങ്ങറ സമരനായകന്‍), എസ് കുട്ടപ്പന്‍ ചെട്ടിയാര്‍ തുടങ്ങിയ ദലിത് പിന്നാക്ക നേതാക്കള്‍ സമ്മേളനത്തില്‍ പങ്കെടുക്കും.

എസ്.ഡി.പി.ഐ ജനകേരള യാത്ര ജില്ലയില്‍ ഇന്ന്

2010-04-24T00:10:00.000+05:30

രാവിലെ 9- കളിയിക്കാവിള

9.45 - പാറശ്ശാല

10 - അമരവിള

11 - നെയ്യാറ്റിന്‍കര

വഴിമുക്ക്-11.30

11.45 - ബാലരാമപുരം
വൈകീട്ട് 7ന്: വെട്ടിമുറച്ച കോട്ട സമാപന സമ്മേളനം

പോരാട്ടഭൂമിക്ക് വിപ്ലവച്ചൂടേകി ജനകേരളയാത്ര അനന്തപുരിയില്‍

2010-04-24T00:08:00.001+05:30

തിരുവനന്തപുരം: കനത്ത വേനല്‍ച്ചൂടിനെ യുവത്വത്തിന്റെ വിപ്ലവവീര്യംകൊണ്ടു മറികടന്ന എസ്.ഡി.പി.ഐയുടെ ജനകേരളയാത്രയെ രാജവാഴ്ചയുടെ പഴമയും ബ്രിട്ടീഷ് മര്‍ദ്ദനത്തിന്റെ ഓര്‍മകളും പേറുന്ന തലസ്ഥാനജില്ല ആവേശത്തോടെ വരവേറ്റു. ആദ്യ സ്വീകരണകേന്ദ്രമായ പാങ്ങോട്ട് നൂറുകണക്കിന് കാഡര്‍മാര്‍ കൊടുംചുടിനെ വകവയ്ക്കാതെ കൈകള്‍ വാനിലുയര്‍ത്തി അഭിവാദ്യങ്ങളോടെയാണ് യാത്രയുടെ ക്യാപ്റ്റന്‍ എം കെ മനോജ് കുമാറിനെയും സംഘത്തെയും വരവേറ്റത്. മല്‍സ്യത്തൊഴിലാളികളും ഓട്ടോറിക്ഷക്കാരും കര്‍ഷകരുമുള്‍പ്പെടെ സമൂഹത്തിന്റെ വിവിധ മേഖലകളില്‍ പണിയെടുക്കുന്ന നൂറുകണക്കിനു പേരാണ് യാത്രയെ വരവേല്‍ക്കാന്‍ പാങ്ങോട്ട് തടിച്ചുകൂടിയത്. നാഷനല്‍ വിമന്‍സ് ഫ്രണ്ട് പ്രവര്‍ത്തകരും ജൂനിയര്‍ ഫ്രണ്ടിലെ കുട്ടികളും യാത്രയ്ക്ക് അഭിവാദ്യമര്‍പ്പിക്കാന്‍ സ്വീകരണവേദിയില്‍ നേരത്തേ എത്തിയിരുന്നു. അധികാരത്തിന്റെ ഇടനാഴികളില്‍ എല്ലാകാലത്തും കടിച്ചുതൂങ്ങിക്കിടന്ന പാരമ്പര്യമുള്ള സവര്‍ണതമ്പുരാക്കന്‍മാരുടെ കോട്ടകളെ വിറപ്പിക്കാന്‍ പാകമുള്ളതായിരുന്നു സോഷ്യല്‍ ഡമോക്രാറ്റിക് പാര്‍ട്ടിയുടെ ജനകേരളയാത്ര. ഒരു ദിനം ഒരുനേരം പോലും ഭക്ഷിക്കാനില്ലാത്തവന്റെ മോചനവും ഫാഷിസ്റ്റ് ശക്തികളുടെ ഭയപ്പെടുത്തലുകളില്‍നിന്നുള്ള മോചനവും കേവല സങ്കല്‍പ്പ—മല്ല, യാഥാര്‍ഥ്യമാവുമെന്ന് തെളിയിക്കുന്നതായിരുന്നു ജാഥയിലെ ജനപങ്കാളിത്തം. കേവലം 12 ശതമാനം വരുന്ന മുന്നാക്ക നായര്‍സമുദായത്തിന്റെ ആശങ്കയകറ്റുന്നതിനുവേണ്ടിയാണ് ഉമ്മന്‍ചാണ്ടി സോണിയാ ഗാന്ധിയെ സന്ദര്‍ശിച്ചതെന്നു ജാഥാ ക്യാപ്റ്റന്‍ മനോജ് കുമാര്‍ പറഞ്ഞു. എന്നാല്‍, ചെങ്ങറയില്‍ ഭൂമിക്കുവേണ്ടി സമരം ചെയ്യുന്ന ആദിവാസി-ദലിത് സമരത്തെ തുരങ്കംവയ്ക്കാനാണ് അദ്ദേഹം ശ്രമിച്ചതെന്ന് അദ്ദേഹം ചൂണ്ടിക്കാട്ടി. ജാഥയില്‍ നൂറുകണക്കിനു വാഹനങ്ങള്‍ അകമ്പടി സേവിച്ചു. സ്വീകരണയോഗങ്ങള്‍ക്കു മുന്നോടിയായി ജാഥയ്ക്ക് അഭിവാദ്യമര്‍പ്പിച്ച് നിരവധി പേര്‍ അണിനിരന്ന പ്രകടനം വിവിധ കേന്ദ്രങ്ങളില്‍ നടന്നു. പ്രകടനത്തിനൊപ്പം ദഫ്മുട്ട്, കോല്‍ക്കളി, പഞ്ചാരിമേളം എന്നിവയുണ്ടായിരുന്നു. പാങ്ങോട്, കിളിമാനൂര്‍, കല്ലമ്പലം, ആറ്റിങ്ങല്‍, കണിയാപുരം, പോത്തന്‍കോട്, വെമ്പായം, നെടുമങ്ങാട്, തൊളിക്കോട്, കാട്ടാക്കട എന്നിവിടങ്ങളില്‍ യാത്രയ്ക്കു സ്വീകരണം നല്‍കി. വിവിധ സ്വീകരണകേന്ദ്രങ്ങളില്‍ സംസ്ഥാന സെക്രട്ടറി പി കെ രാധ, സംസ്ഥാനസമിതിയംഗം പള്ളിക്കല്‍ തുളസീധരന്‍, നൗഷാദ് തൊടുപുഴ, കാഞ്ചിയാര്‍ പീതാംബരന്‍, എ കെ അബ്ദുല്‍ മജീദ്, കടക്കല്‍ ജലീല്‍ എന്നിവര്‍ സംസാരിച്ചു. ജാഥാ ഡയറക്ടര്‍ വി ടി ഇഖ്‌റാമുല്‍ ഹഖ്, സംസ്ഥാന ഖജാഞ്ചി എ എ ഷാഫി, ഹാരിസ് വടകര, ജില്ലാ പ്രസിഡന്റ് എം എ ഹമീദ്, വൈസ് പ്രസിഡന്റ് ഇബ്രാഹീം കുട്ടി, ജനറല്‍ സെക്രട്ടറി കുന്നില്‍ ഷാജഹാന്‍, സെക്രട്ടറി അഡ്വ. പിരപ്പന്‍കോട് ഷാജഹാന്‍, ജില്ലാ വര്‍ക്കിങ് സെക്രട്ടറി കരമന റസാഖ്, ഖജാഞ്ചി വേലുശ്ശേരി അബ്ദുല്‍ സലാം, ജില്ലാകമ്മിറ്റിയംഗങ്ങളായ കല്ലമ്പലം നസീര്‍, വെഞ്ഞാറമൂട് ഷാജഹാന്‍, യഹ്‌യ പാങ്ങോട്, യഹ്‌യ സംബന്ധിച്ചു.

കാട്ടാക്കട സമാപന സമ്മേളനം

2010-04-23T21:18:00.001+05:30

ജനകേരളയാത്ര തിരുവന്തപുരം ജില്ലയിലെ ഒന്നാം ദിവസത്തെ സമാപന സമ്മേളനം കാട്ടാക്കടയില്‍ എ എ ഷാഫി ഉദ്ഘാടനം ചെയ്യുന്നു

തലസ്ഥാന നഗരിയെ കീഴടക്കി യാത്ര മുന്നേറുന്നു

2010-04-23T18:47:00.001+05:30

1. നെടുമങ്ങാട് നല്‍കിയ സ്വീകണത്തില്‍ തുളസീധരന്‍ പള്ളിക്കല്‍ സംസാരിക്കുന്നു
2. പോത്തന്‍കോട് നല്‍കിയ സ്വീകരണത്തില്‍ പി കെ രാധ സംസാരിക്കുന്നു
3. വെമ്പായത്ത് നടന്ന പ്രകടനം
4. വെമ്പായത്ത് നടന്ന പ്രകടനത്തില്‍ നിന്ന്‌

ജനകേരള യാത്ര തലസ്ഥാത്ത്‌

2010-04-23T16:07:00.001+05:30

1. ജനരകേരളയാത്രയെ തിരുവനന്തപുരം ജില്ലാ കമ്മിറ്റി സ്വീകരിക്കുന്നു
2. ആറ്റങ്ങലില്‍ നടന്ന പ്രകടനം
3. ആറ്റിങ്ങലില്‍ നടന്ന പ്രകടനം
4. പാങ്ങോട് തുളസീധരന്‍ പള്ളിക്കല്‍ സംസാരിക്കുന്നു
5. പാങ്ങോട് പ്രകടനം
6. പാങ്ങോട് ജൂനിയര്‍ ഫ്രണ്ട പ്രവര്‍ത്തകര്‍ ജാഥയെ അഭിവാദ്യം ചെയ്യുന്നു

ജനകേരള യാത്രയെ തലസ്ഥാന ജില്ല ഇന്ന് വരവേല്‍ക്കും

2010-04-23T00:29:00.001+05:30

തിരുവനന്തപുരം: കേരളത്തിന്റെ രാഷ്ട്രീയ മണ്ഡലത്തില്‍ പുതിയ ചരിത്രങ്ങള്‍ രചിച്ച് കടന്നുവരുന്ന എസ്.ഡി.പി.ഐ ജനകേരള യാത്രയെ ഇന്ന് തലസ്ഥാന ജില്ല വരവേല്‍ക്കും. കഴിഞ്ഞ രണ്ടിന് കാസര്‍കോഡ് നിന്നാരംഭിച്ച ജാഥയ്ക്ക് ആവേശഭരിതമായ വരവേല്‍പ്പ് നല്‍കാനുള്ള ഒരുക്കങ്ങള്‍ പാര്‍ട്ടി ജില്ലാ ഘടകം പൂര്‍ത്തിയാക്കി കഴിഞ്ഞതായി ഭാരവാഹികള്‍ അറിയിച്ചു.
ജനകേരള യാത്രയുടെ വരവറിയിച്ച് ജില്ലയുടെ വിവിധ ഭാഗങ്ങളില്‍ കൊടിതോരണങ്ങളും ബാനറുകളും നിറഞ്ഞു കഴിഞ്ഞു. ഇന്നും നാളെയുമായി ജില്ലയിലെ 20 ഓളം കേന്ദ്രങ്ങളില്‍ യാത്രയ്ക്ക് സ്വീകരണം നല്‍കും. നൂറുകണക്കിനു വാഹനങ്ങള്‍ ജാഥയുടെ ജില്ലയിലെ പര്യടനത്തിനു അകമ്പടി സേവിക്കും. വിവിധ കേന്ദ്രങ്ങളില്‍ നല്‍കുന്ന സ്വീകരണത്തിന് പാര്‍ട്ടി മണ്ഡലം ഭാരവാഹികള്‍ നേതൃത്വം നല്‍കും. രാവിലെ 9ന് പാങ്ങോടാണ് ആദ്യ സ്വീകരണം.
തുടര്‍ന്ന് കിളിമാനൂര്‍, കല്ലമ്പലം, ആറ്റിങ്ങല്‍, കണിയാപുരം, പോത്തന്‍കോട്, വെമ്പായം, നെടുമങ്ങാട്, കുറ്റിച്ചല്‍ തുടങ്ങിയ കേന്ദ്രങ്ങളില്‍ ജാഥ പര്യടനം നടത്തും. വൈകിട്ട് കാട്ടാക്കടയില്‍ ചേരുന്ന പൊതുസമ്മേളനത്തോടെ ഇന്നത്തെ പര്യടനം സമാപിക്കും. നാളെ കളിയിക്കാവിള, പാറശ്ശാല, അമരവിള, നെയ്യാറ്റിന്‍കര, ബാലരാമപുരം എന്നീ കേന്ദ്രങ്ങളില്‍ സ്വീകരണം നല്‍കും.
നാളെ വൈകിട്ട് ആയിരക്കണക്കിനു പാര്‍ട്ടിപ്രവര്‍ത്തകര്‍ അണിനിരക്കുന്ന പടുകൂറ്റന്‍ പ്രകടനത്തോടെ ജാഥാ അംഗങ്ങളെ സമാപന കേന്ദ്രമായ വെട്ടിമുറിച്ച കോട്ടയിലെ ഡോ. അംബേദ്കര്‍ നഗറിലേക്ക് ആനയിക്കും. വൈകിട്ട് അഞ്ചിന് മ്യൂസിയം പരിസരത്തു നിന്ന് പ്രകടനം ആരംഭിക്കും.

തിരിച്ചറിവിന്റെ സന്ദേശമായി എസ്.ഡി.പി.ഐ ജനകേരള യാത്ര

2010-04-23T00:26:00.000+05:30

കൊല്ലം: തിരിച്ചറിവിന്റെ സന്ദേശം ജനഹൃദയങ്ങളില്‍ നിറച്ച് സോഷ്യല്‍ ഡമോക്രാറ്റിക്ക് പാര്‍ട്ടി ഓഫ് ഇന്ത്യയുടെ ജനകേരള യാത്രയ്ക്ക് ദേശിംഗനാട്ടില്‍ ഉജ്വല പരിസ്മാപ്തി. കഴിഞ്ഞ 21ന് ജില്ലയുടെ കിഴക്കന്‍ അതിര്‍ത്തിയായ പത്തനാപുരത്ത് നിന്ന് ആരംഭിച്ച ജാഥ രണ്ടു ദിവസത്തെ പര്യടനം പൂര്‍ത്തിയാക്കി വിശാല സമ്മേളനത്തോടെ നിലമേലില്‍ സമാപിച്ചു.
അവര്‍ണന്റെ വിമോചന സ്വപ്നങ്ങള്‍ക്ക് പ്രതീക്ഷയുടെ പുത്തന്‍നാമ്പുകള്‍ മുളപ്പിച്ച് മുന്നേറിയ ജാഥയ്ക്കു ജില്ലയിലുടനീളം ഹൃദ്യമായ സ്വീകരണമാണ് ലഭിച്ചത്. ഗ്രാമ, നഗര വ്യത്യാസമില്ലാതെ യാത്രയെ വരവേല്‍ക്കാന്‍ സ്ത്രീകളടക്കം ആയിരങ്ങളാണ് വഴിയോരങ്ങളില്‍ കടുത്ത ചൂട് അവഗണിച്ച് മണിക്കൂറുകളോളം നിലയുറപ്പിച്ചത്. മുഖ്യാധാരാ രാഷ്ട്രീയപ്പാര്‍ട്ടികള്‍ കൈയൊഴിഞ്ഞ സാമൂഹികപ്രശ്‌നങ്ങള്‍ ഏറ്റെടുക്കണമെന്നാവശ്യപ്പെട്ട് പ്രമുഖ പരിസ്ഥിതി-മനുഷ്യാവകാശ പ്രവര്‍ത്തകര്‍ നേതാക്കള്‍ക്ക് നിവേദനവുമായെത്തിയത് എസ്.ഡി.പി.ഐയുടെ ഇടം രാഷ്ട്രീയഭൂവില്‍ എന്താണെന്ന്് എതിരാളികള്‍ക്കു ബോധ്യപ്പെടുത്തിക്കൊടുക്കുന്നതായിരുന്നു.
രാവിലെ ഒമ്പതിന് അയത്തില്‍ ജങ്ഷനില്‍ നിന്നാരംഭിച്ച ജാഥയ്ക്ക് ചന്ദനത്തോപ്പിലായിരുന്നു ആദ്യ സ്വീകരണം. എസ്.ഡി.പി.ഐയുടെ നക്ഷത്രാങ്കിത രക്ത-ഹരിത പതാകയില്‍ തീര്‍ത്ത യൂനിഫോം അണിഞ്ഞ പ്രവര്‍ത്തകര്‍ ജാഥയെ സ്വീകരണ സ്ഥലത്തേക്ക് ആനയിച്ചു. തുടര്‍ന്നു നടന്ന സ്വീകരണ സമ്മേളനത്തില്‍ പാര്‍ട്ടി സംസ്ഥാന സമിതിയംഗം തുളസീധരന്‍ പള്ളിക്കല്‍ ജാഥാ സന്ദേശം നല്‍കി. ഒമ്പതു ശതമാനത്തില്‍ താഴെവരുന്ന സവര്‍ണ ബ്രാഹ്മണിസമാണ് 91 ശതമാനം വരുന്ന ജനതയെ ഭരിക്കുന്നത്. അധഃസ്ഥിത വിഭാഗത്തിന്റെ മോചകരെന്ന് നാഴികയ്ക്ക് നാല്‍പ്പതുവട്ടം വീമ്പു പറയുന്ന സി.പി.എം, കോണ്‍ഗ്രസ് ഉള്‍പ്പെടുന്ന എല്ലാ രാഷ്്ട്രീയ പാര്‍ട്ടികളെയും സവര്‍ണ മേലാളന്‍മാരാണ് നിയന്ത്രിക്കുന്നത്. സവര്‍ണര്‍ക്ക് വേണ്ടി കൊടിപിടിക്കുന്നതിനും ചാവേറുകളാവാനും വേണ്ടി മാത്രമാണ് അവര്‍ണരെ ഉപയോഗിക്കുന്നത്. ഈ സത്യം അടിസ്ഥാന വിഭാഗത്തിന് ബോധ്യപ്പെടുത്തിക്കൊടുക്കലാണ് എസ്.ഡി.പി.ഐയുടെ ലക്ഷ്യമെന്നും അദ്ദേഹം പറഞ്ഞു.
കോല്‍ക്കളിയുടെയും വാദ്യമേളങ്ങളുടെയും അകമ്പടിയോടെയാണു രണ്ടാമത്തെ സ്വീകരണ കേന്ദ്രമായ കണ്ണനല്ലൂരില്‍ ജാഥയെ വരവേറ്റത്. സ്വീകരണ സമ്മേളനം വീക്ഷിക്കുന്നതിനായി സ്ത്രീകള്‍ ഉള്‍െപ്പടെ നൂറുകണക്കിനു ജനങ്ങളാണു തടിച്ചുകൂടിയത്. സംസ്ഥാനതലത്തില്‍ തന്നെ ശ്രദ്ധേയമായ വെളിച്ചിക്കാലയില്‍ ഖനനം മൂലം ഉണ്ടാവുന്ന പരിസ്ഥിതി പ്രശ്‌നം പരിഹരിക്കാന്‍ എസ്.ഡി.പി.ഐ ഇടപെടണമെന്ന ആവശ്യപ്പെട്ടു പരിസ്ഥിതി ഏകോപന സമിതി ജനറല്‍ സെക്രട്ടറിയും വെളിച്ചിക്കാല ആക്ഷന്‍ കൗണ്‍സില്‍ നേതാവുമായ ഓടനാവട്ടം വിജയപ്രകാശ് ജാഥാ ക്യാപ്റ്റന് നിവേദനം നല്‍കി. പ്രതിപക്ഷ നേതാവായിരുന്നപ്പോള്‍ മുഖ്യമന്ത്രി വി എസ് അച്യുതാനന്ദനും ഉമ്മന്‍ചാണ്ടിയും അടക്കമുള്ള നേതാക്കളും സമരഭൂമിയിലെത്തിയിട്ടും പരിഹരിക്കാനാകാത്ത പ്രശ്‌നം എസ്.ഡി.പി.ഐയെ കൊണ്ടു മാത്രമെ പരിഹരിക്കാന്‍ കഴിയുകയുള്ളൂവെന്ന വിശ്വാസമാണു പരിസ്ഥിതി പ്രവര്‍ത്തകരെ നിവേദനം നല്‍കാന്‍ പ്രേരിപ്പിച്ചത്.
അഞ്ചലില്‍ നടന്ന സ്വീകരണ സമ്മേളനത്തില്‍ പാര്‍ട്ടി സംസ്ഥാന സമിതിയംഗം തുളസീധരന്‍ പള്ളിക്കല്‍ ജാഥാ സന്ദേശം നല്‍കി. അടിസ്ഥാന വിഭാഗത്തിന്റെ മോചനത്തിനായി രാജ്യത്തെ മുഖ്യധാരാ രാഷ്ട്രീയപ്പാര്‍ട്ടികള്‍ യാതൊന്നും ചെയ്യുന്നില്ലെന്ന്് ജാഥാ ക്യാപ്റ്റനും സംസ്ഥാന ജനറല്‍ സെക്രട്ടറിയുമായ എം കെ മനോജ്കുമാര്‍ സ്വീകരണം ഏറ്റുവാങ്ങിക്കൊണ്ട് പറഞ്ഞു. എക്കാലവും പിന്നാക്ക ന്യൂനപക്ഷങ്ങളുടെ ഐക്യപ്പെടല്‍ കുതന്ത്രങ്ങളിലൂടെ സവര്‍ണര്‍ പരാജയപ്പെടുത്തുകയായിരുന്നു. എന്നാല്‍ എസ്.ഡി.പി.ഐ മുന്നോട്ടുവയ്ക്കുന്ന അവര്‍ണ രാഷ്ട്രീയ മുന്നേറ്റം ഒരു ബ്രാഹ്മണിസത്തിനും തകര്‍ക്കാന്‍ കഴിയില്ലെന്നും അദ്ദേഹം പറഞ്ഞു. ചെങ്ങറ സമരത്തിന്റെ മുന്‍നിര നേതാവ് ഏരൂര്‍ അശോകന്‍ ഉള്‍പ്പെടെ നിരവധി ദലിത് നേതാക്കളാണ് ജാഥയെ കുളത്തൂപ്പുഴയില്‍ വരവേറ്റത്. എതിരാളികളുടെ ചങ്കിടിപ്പ് വര്‍ധിപ്പിക്കുന്ന ഉജ്വല പ്രകടനത്തോടെയാണു കടയ്ക്കല്‍ ബസ് സ്റ്റാന്റിന് സമീപം സ്വീകരണ സമ്മേളനം നടന്നത്.
സി.പി.എമ്മിന്റെയും പോലിസിന്റെയും ജാഥയ്‌ക്കെതിരേയുള്ള കുതന്ത്രങ്ങള്‍ക്കു മറുപടിയായി ഇതര രാഷ്ട്രീയ പ്രസ്ഥാനങ്ങളില്‍ പ്രവര്‍ത്തിച്ചിരുന്ന നിരവധി പേര്‍ പാര്‍ട്ടിക്ക് ഐക്യദാര്‍ഢ്യം പ്രഖ്യാപിച്ച് രംഗത്തെത്തിയതു ശ്രദ്ധേയമായി. ചടയമംഗലത്ത് നടന്ന സ്വീകരണ സമ്മേളനത്തില്‍ എസ്.ഡി.പി.ഐ സംസ്ഥാന സെക്രട്ടറി പി കെ രാധ ജാഥാ സന്ദേശം നല്‍കി. ജില്ലാ പ്രസിഡന്റ് അഡ്വ. നസീബ് എ റസാഖ് അധ്യക്ഷത വഹിച്ചു. നിലമേലില്‍ നടന്ന ജില്ലാ പര്യടന സമാപന സമ്മേളനം എസ്.ഡി.പി.ഐ സംസ്ഥാന സെക്രട്ടറിയും ജാഥാ ഡയറക്ടറുമായ വി പി ഇക്‌റാമുല്‍ ഹഖ് ഉദ്ഘാടനം ചെയ്തു. സംസ്ഥാന സെക്രട്ടറിമാരായ മുവാറ്റുപുഴ അശ്‌റഫ് മൗലവി, പി കെ രാധ, ഖജാഞ്ചി എ എ ഷാഫി, സംസ്ഥാന സമിതിയംഗങ്ങളായ തുളസീധരന്‍ പള്ളിക്കല്‍, ഹാരിസ് വടകര, ജില്ലാ പ്രസിഡന്റ് അഡ്വ. നസീബ് എ റസാഖ്, ജനറല്‍ സെക്രട്ടറി എ കെ സലാഹുദ്ദീന്‍, ജില്ലാ സമിതിയംഗം ഹാജി കെ സലിം, ഡി.എച്ച്.ആര്‍.എം പ്രതിനിധികളായ സജി, രാഹുല്‍ സംസാരിച്ചു. ഡി.എച്ച്.ആര്‍.എമ്മിന്റെ നിരവധി പ്രവര്‍ത്തകരാണ് ജാഥയെ സ്വീകരിക്കാനായി സമാപന സമ്മേളന നഗരിയിലേക്കെത്തിയത്. ജാഥ ഇന്ന് തിരുവനന്തപുരം ജില്ലയില്‍ പ്രവേശിക്കും.

കൊല്ലത്ത് നിന്ന് കൂടുതല്‍ ചിത്രങ്ങള്‍

2010-04-23T00:07:00.000+05:30

1.കൊല്ലം സമാപന സമ്മേളനം ഇഖ്്‌റാമുല്‍ ഹഖ് ഉദ്്ഘാടനം ചെയ്യുന്നു
2. ചന്ദനത്തോപ്പില്‍ എം കെ മനോജ്കുമാര്‍ സംസാരിക്കുന്നു
3. കടയ്ക്കലില്‍ തുളസീധരന്‍ പള്ളിക്കല്‍ സംസാരിക്കുന്നു
4. എസ്.ഡി.പി.ഐ പതാകയുടെ നിറത്തിലുള്ള വസ്ത്രങ്ങളണിഞ്ഞ പ്രവര്‍ത്തകര്‍

രക്തം രക്തത്തെ തിരിച്ചറിയുന്നു

2010-04-23T00:02:00.000+05:30

നിലമേലില്‍ നടന്ന ജനകേരള യാത്രയുടെ കൊല്ലം ജില്ലാ പര്യടന സമാപന സമ്മേളനത്തില്‍ ജാഥാ ക്യാപ്റ്റന്‍ എം കെ മനോജ്കുമാറിനെ ഡി.എച്ച്.ആര്‍.എം പ്രവര്‍ത്തകര്‍ ഹാരാര്‍പ്പണം നടത്തുന്നു

കൊല്ലം സമാപനം

2010-04-22T20:34:00.000+05:30

1. യാത്ര ചെറയമംഗലത്ത്
2. യാത്ര ചെറയമംഗലത്ത്
3. നിലമേല്‍ സമാപനസമ്മേളനം ഇഖ്്‌റാമുല്‍ ഹഖ് ഉദ്്ഘാടനം ചെയ്യുന്നു
4. നിലമേല്‍ സമാപനസമ്മേളനം ഇഖ്്‌റാമുല്‍ ഹഖ് ഉദ്്ഘാടനം ചെയ്യുന്നു

എസ്.ഡി.പി ഐ ജനകേരള യാത്ര മറ്റന്നാള്‍ സമാപിക്കും

2010-04-22T20:15:00.001+05:30

തിരുവനന്തപുരം: കേരളത്തിലെ ജനമനസിനെ തൊട്ടറിഞ്ഞ് ഏപ്രില്‍ രണ്ടിനു കാസര്‍കോഡ് ഹൊസങ്കടിയില്‍നിന്നു പര്യടനം ആരംഭിച്ച സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ(എസ്.ഡി.പി.ഐ) ജനകേരള യാത്രയ്ക്കു മറ്റന്നാള്‍ അനന്തപുരിയില്‍ പരിസമാപ്തി. സംസ്ഥാന ജനറല്‍ സെക്രട്ടറി എം കെ മനോജ്കുമാര്‍ നയിക്കുന്ന ജനകേരളയാത്രയ്ക്കു മുന്നൂറോളം കേന്ദ്രങ്ങളില്‍ സ്വീകരണം ലഭിച്ചു. വിവിധ സ്വീകരണകേന്ദ്രങ്ങളില്‍ നിരവധിപേര്‍ പാര്‍ട്ടി അംഗത്വം സ്വീകരിച്ചതായി സംസ്ഥാന ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. വയനാട് ജില്ലയിലെ അപ്പാട് ആദിവാസി ഭൂസമരവേദി, മലപ്പുറത്തു 611 ദിവസം പിന്നിട്ട മദ്യവിരുദ്ധ സമരപന്തല്‍, പാലക്കാട് ജില്ലയിലെ പ്ലാച്ചിമട സമരഭൂമി, ചെങ്ങറ സമരഭൂമി എന്നിവിടങ്ങളില്‍ ആവേശോജ്ജ്വലസ്വീകരണമാണ് ലഭിച്ചത്. ഭരണകൂട വിവേചനവും അവഗണനയും തുറന്നുകാട്ടുന്ന നൂറോളം ജനകീയപ്രശ്‌നങ്ങളെക്കുറിച്ചുളള നിവേദനവും യാത്രക്കിടയില്‍ ലഭിച്ചു. ജനകേരളയാത്രയിലുടനീളം എസ്.ഡി.പി.ഐ ആവശ്യപ്പെട്ട ദേശീയപാതാവികസനം സംബന്ധിച്ച പ്രശ്‌നങ്ങള്‍ക്കു പരിഹാരം കാണാനുളള സര്‍ക്കാര്‍ തീരുമാനം സ്വാഗതാര്‍ഹമാണെന്നു ഭാരവാഹികള്‍ പറഞ്ഞു.
ആദിവാസികള്‍ക്കു നഷ്ടപ്പെട്ട ഭൂമി തിരിച്ചുകൊടുക്കണമെന്ന സുപ്രിംകോടതി വിധി എസ്.ഡി.പി.ഐ ഉന്നയിച്ചുകൊണ്ടിരുന്ന ആവശ്യത്തിനുളള അംഗീകാരമാണ്. ജനകേരളയാത്രയ്ക്കു സമാപനം കുറിച്ചു മറ്റന്നാള്‍ വൈകീട്ട് അഞ്ചു മണിക്കു മ്യൂസിയം ജങ്ഷനില്‍നിന്നു ആയിരക്കണക്കിനു പ്രവര്‍ത്തകര്‍ പങ്കെടുക്കുന്ന റാലി വെട്ടിമുറിച്ചകോട്ട (ഡോ.ബി ആര്‍ അംബേദ്കര്‍ നഗര്‍)യില്‍ സമാപിക്കും. തുടര്‍ന്നു സമാപനസമ്മേളനം ദേശീയ പ്രസിഡന്റ് ഇ അബൂബക്കര്‍ ഉദ്ഘാടനം ചെയ്യും. സംസ്ഥാന പ്രസിഡന്റ് അഡ്വ.കെ പി മുഹമ്മദ് ഷെരീഫ് അധ്യക്ഷത വഹിക്കും. പോണ്ടിച്ചേരി മുന്‍ എം.എല്‍.എ എം ഇളങ്കോ മുഖാതിഥിയായിരിക്കും. എം കെ മനോജ്കുമാര്‍, പി അബ്്ദുല്‍മജീദ് ഫൈസി, പി കെ രാധ, മൂവാറ്റുപുഴ അഷ്‌റഫ് മൗലവി (എസ്.ഡി.പി.ഐ), പി അബ്്ദുല്‍ഹമീദ് (പോപുലര്‍ ഫ്രണ്ട് ഓഫ് ഇന്ത്യ), എം എം കബീര്‍ (സമാജ്്്‌വാദി പാര്‍ട്ടി), ഗില്‍ബര്‍ട്ട് റോട്രിഗോ(തമിഴ്‌നാട് പോണ്ടിച്ചേരി ഫിഷര്‍ പീപ്പിള്‍ ഫെഡറേഷന്‍ അഡൈ്വസര്‍), ളാഹ ഗോപാലന്‍(ചെങ്ങറ സമരനായകന്‍), എസ് കുട്ടപ്പന്‍ ചെട്ടിയാര്‍ തുടങ്ങിയ ദലിത് പിന്നാക്ക നേതാക്കള്‍ സമ്മേളനത്തില്‍ പങ്കെടുക്കും. സംസ്ഥാന ജനറല്‍ സെക്രട്ടറി പി അബ്്ദുല്‍മജീദ് ഫൈസി, സംസ്ഥാന സമിതി അംഗങ്ങളായ പി അഹ്്മദ് ശെരീഫ്, കെ മുഹമ്മദാലി, സി ജി ഉണ്ണി, ജില്ലാ പ്രസിഡന്റ് എം എ ഹമീദ്, എം അന്‍സാരി വാര്‍ത്താസമ്മേളനത്തില്‍ പങ്കെടുത്തു.

കൊല്ലം- രണ്ടാംദിവസം

2010-04-22T17:13:00.001+05:30

1. കൊല്ലം കണ്ണനല്ലൂരില്‍ സ്വീകരണം
2. കൊല്ലം കണ്ണനല്ലൂരില്‍ എം കെ മനോജ്കുമാര്‍ സംസാരിക്കുന്നു
3. കുളത്തൂപ്പുഴയില്‍ നല്‍കിയ സ്വീകരണത്തില്‍ പി കെ രാധ സംസാരിക്കുന്നു

പിന്നാക്കവിഭാഗങ്ങള്‍ ഒന്നിക്കേണ്ടത് കാലഘട്ടത്തിന്റെ ആവശ്യം: തഹീദുല്‍ ഇസ്‌ലാം

2010-04-21T21:15:00.000+05:30

കൊല്ലം: രാജ്യത്തിന്റെ സ്വാതന്ത്ര്യത്തിന് ഒരുമിച്ചു പോരാടിയതുപോലെ സവര്‍ണശക്തികളുടെ അടിച്ചമര്‍ത്തലിനെതിരേ ദലിത്-പിന്നാക്ക ന്യൂനപക്ഷവിഭാഗങ്ങള്‍ ഒന്നിക്കേണ്ടത് കാലഘട്ടത്തിന്റെ ആവശ്യമാണെന്ന് എസ്.ഡി.പി.ഐ പശ്ചിമബംഗാള്‍ സംസ്ഥാന പ്രസിഡന്റ് തഹീദുല്‍ ഇസ്‌ലാം. ജനകേരള യാത്രയുടെ കൊല്ലത്തെ ഒന്നാംദിന പര്യടന സമാപനസമ്മേളനം അയത്തില്‍ ജങ്ഷനില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഇത്തരമൊരു മുന്നേറ്റമാണ് എസ്.ഡി.പി.ഐ ലക്ഷ്യംവയ്ക്കുന്നത്. സ്വാതന്ത്ര്യം ലഭിച്ച് 63 വര്‍ഷം പിന്നിടുമ്പോഴും രാജ്യത്തെ 85 ശതമാനം വരുന്ന അവര്‍ണജനതയ്ക്കു മോചനമായിട്ടില്ല. 15 ശതമാനം വരുന്ന സവര്‍ണവിഭാഗമാണ് രാജ്യത്തിന്റെ എല്ലാ മേഖലകളും കൈയടക്കിവച്ചിരിക്കുന്നത്. അവര്‍ പറയുന്നത് നമ്മള്‍ പിന്നാക്കക്കാരാണെന്നാണ്. എന്നാല്‍, നമ്മള്‍ പിന്നാക്കക്കാരല്ല. ഈ സവര്‍ണവിഭാഗം നമ്മെ കുടിലതന്ത്രങ്ങളിലൂടെ പിന്നാക്കമാക്കുകയായിരുന്നു. നാം ന്യൂനപക്ഷമാണെന്നു പറഞ്ഞ് നമ്മുടെ നാവടക്കാനാണ് ഈ വിഭാഗം ശ്രമിച്ചുകൊണ്ടിരിക്കുന്നത്. എന്നാല്‍, ജനസംഖ്യയില്‍ നാമമാത്രമായ സവര്‍ണരാണ് ഇവിടത്തെ ന്യൂനപക്ഷങ്ങള്‍.
രാജ്യത്തെ മുസ്‌ലിംകളോടും ദലിതുകളോടും കടുത്ത വിവേചനമാണു ഭരണകൂടം കാട്ടുന്നത്. മതേതരപാര്‍ട്ടികളെന്ന് അവകാശപ്പെടുന്ന കോണ്‍ഗ്രസ്, സി.പി.എം, ബി.ജെ.പി തുടങ്ങിയ രാഷ്ട്രീയകക്ഷികളുടെ നിയന്ത്രണം ബ്രാഹ്മണിസത്തിനു കീഴിലാണെന്നതാണു സത്യം. ന്യൂനപക്ഷസംരക്ഷകരെന്നു വാചകമടിക്കുന്ന സി.പി.എം ഭരിക്കുന്ന ബംഗാളില്‍ മുസ്‌ലിംകളുടെയും ദലിതുകളുടെയും അവസ്ഥ പുഴുക്കളേക്കാള്‍ കഷ്ടമാണ്. ബംഗാളില്‍ മുസ്‌ലിംകള്‍ സുരക്ഷിതരാണെന്നും ഹിന്ദുത്വശക്തികളില്‍നിന്ന് അവര്‍ക്ക് അക്രമങ്ങള്‍ നേരിടാറില്ലെന്നുമാണു സി.പി.എം പ്രചാരണം നടത്തുന്നത്. എന്നാല്‍, ഇതു തികച്ചും വാസ്തവവിരുദ്ധമാണ്. ബംഗാളിലെ നദിയ ഗ്രാമത്തില്‍ മുസ്‌ലിംകള്‍ക്കെതിരേ വ്യാപക കലാപമാണുണ്ടായത്. ബാബരി മസ്ജിദ് സംഭവത്തിനുശേഷം കൊല്‍ക്കത്ത ഉള്‍പ്പെടെയുള്ള ഭാഗങ്ങളില്‍ ഇത്തരത്തില്‍ മുസ്‌ലിംവിരുദ്ധ കലാപങ്ങളുണ്ടായി. 2001ല്‍ മുര്‍ഷിദാബാദിലെ ബോള്‍ഗംഗയില്‍ മുസ്‌ലിംകള്‍ക്കെതിരേ ഹിന്ദുത്വശക്തികള്‍ അക്രമം നടത്തിയിരുന്നു. ബംഗാള്‍ മുസ്‌ലിംകളില്‍ ഭൂരിഭാഗവും റിക്ഷവലിക്കാരും തൊഴിലാളികളും പാവപ്പെട്ട കര്‍ഷകരുമാണ്. ഒരു വിദ്യാലയംപോലുമില്ലാത്ത നിരവധി മുസ്‌ലിം ഗ്രാമങ്ങള്‍ ബംഗാളിലുണ്ട്. കേന്ദ്രസര്‍ക്കാര്‍ ന്യൂനപക്ഷ വികസനത്തിനായി സംസ്ഥാനത്തിന് അനുവദിച്ച മുഴുവന്‍ പദ്ധതികളും ബംഗാളിലെ കമ്മ്യൂണിസ്റ്റ് സര്‍ക്കാര്‍ അട്ടിമറിച്ചു. 2010ല്‍ കൊല്‍ക്കത്തയില്‍ 550 എസ്.ഐമാരെ നിയമിച്ചതില്‍ 11 പേര്‍ മാത്രമാണു മുസ്‌ലിംകള്‍. 74 പേര്‍ യോഗ്യരായിരുന്നിട്ടും മുസ്‌ലിമായ കാരണത്താല്‍ ഇന്റര്‍വ്യൂവിലൂടെ ഇവരെ അയോഗ്യരാക്കുകയായിരുന്നു. രാജ്യത്തെ ഒരു രാഷ്ട്രീയപ്പാര്‍ട്ടിയും മുസ്‌ലിം-ദലിത് പിന്നാക്കവിഭാഗത്തെ സംരക്ഷിക്കാനില്ലെന്ന വസ്തുത ദലിത് ന്യൂനപക്ഷവിഭാഗങ്ങള്‍ തിരിച്ചറിയണമെന്നും അദ്ദേഹം പറഞ്ഞു. എസ്.ഡി.പി.ഐ ജില്ലാ പ്രസിഡന്റ് അഡ്വ. നസീബ് എ റസാഖ് അധ്യക്ഷത വഹിച്ചു.

ഫോട്ടോ: ജനകേരള യാത്രയുടെ കൊല്ലത്തെ ഒന്നാംദിന പര്യടന സമാപനസമ്മേളനം അയത്തിലില്‍ പാര്‍ട്ടി പശ്ചിമ ബംഗാള്‍ സംസ്ഥാന പ്രസിഡന്റ് തഹീദുല്‍ ഇസ്‌ലാം ഉദ്ഘാടനം ചെയ്യുന്നു

സമാപന സമ്മേളനം- കൊല്ലം അയത്തില്‍

2010-04-21T20:29:00.000+05:30

1. സമാപന സമ്മേളന സദസ്സ്
2. സമാപന സമ്മേളനം പശ്ചിമ ബംഗാള്‍ സംസ്ഥാന പ്രസിഡന്റ് തഈദുല്‍ ഇസ്്‌ലാം ഉദ്്ഘാടനം ചെയ്യുന്നു

കരുനാഗപ്പള്ളിയില്‍ നിന്ന്‌

2010-04-21T17:17:00.001+05:30

എസ്.ഡി.പി.ഐ ജനകേരള യാത്ര ദേശിംഗനാട്ടില്‍

2010-04-21T14:04:00.001+05:30

കൊല്ലം: സംസ്ഥാനത്തെ 12 ജില്ലകളില്‍ പര്യടനം പൂര്‍ത്തിയാക്കി എസ്.ഡി.പി.ഐയുടെ ജനകേരള യാത്ര ദേശിംഗനാടായ കൊല്ലം ജില്ലയില്‍ പ്രവേശിച്ചു. ഇന്ന്് രാവിലെ ഒമ്പതിന് പത്തനാപുരം കല്ലുംകടവ് പാലത്തില്‍ പഞ്ചവാദ്യങ്ങളുടേയും ബാന്റ്‌മേളങ്ങളുടേയും കോള്‍ക്കളി, ദഫ്മുട്ട് എന്നിവയുടെ അകമ്പടിയോടെ യാത്രയെ ജില്ലയിലേക്ക് ആനയിച്ചു. പത്തനാപുരം ജങ്ഷനിലാണ് ആദ്യ സ്വീകരണ സമ്മേളനം നടന്നത്. യാത്ര പുനലൂര്‍, കൊട്ടാരക്കര, ഭരണിക്കാവ്, കരുനാഗപ്പള്ളി, ഇടപ്പള്ളിക്കോട്ട, ചിന്നക്കട പ്രസ് ക്ലബ് മൈതാനം എന്നിവിടങ്ങളിലെ സ്വീകരണങ്ങള്‍ ഏറ്റുവാങ്ങി വൈകീട്ട് 6.30ന് അയത്തില്‍ ജങ്ഷനില്‍ ഒന്നാം ദിവസത്തെ പര്യടനം പൂര്‍ത്തീകരിക്കും. തുടര്‍ന്ന് നടക്കുന്ന സമാപന സമ്മേളനം എസ്.ഡി.പി.ഐ പശ്ചിമബംഗാള്‍ സംസ്ഥാന പ്രസിഡന്റ് തഹീദുല്‍ ഇസ്‌ലാം ഉദ്ഘാടനം ചെയ്യും. ജില്ലാ പ്രസിഡന്റ് നസീബ് എ റസാഖ് അധ്യക്ഷത വഹിക്കും.
നാളെ രാവിലെ ഒമ്പതിന് അയത്തില്‍ നിന്നും ആരംഭിക്കുന്ന രണ്ടം ദിവസ പര്യടനത്തിന് ചന്ദനത്തോപ്പ് ജങ്ഷനില്‍ ആദ്യ സ്വീകരണം നല്‍കും. തുടര്‍ന്ന് യാത്ര കണ്ണനല്ലൂര്‍, അഞ്ചല്‍, കുളത്തൂപ്പുഴ, ചിതറ, കടയ്ക്കല്‍, ചടയമംഗലം എന്നിവിടങ്ങളിലെ സ്വീകരണങ്ങള്‍ ഏറ്റുവാങ്ങി നിലമേലില്‍ സമാപിക്കും.
ഭൂരഹിതര്‍ക്ക് ഭൂമി നല്‍കുക, ദലിത് ആദിവാസി വേട്ട അവസാനിപ്പിക്കുക, ഭരണ ഘടനയിലെ സംവരണം തത്വം പുനസ്ഥാപിക്കുക, പോലിസിന്റെ ന്യൂന പക്ഷ വിവേചനം അവസാനിപ്പിക്കുക, സേവന മേഖലകളില്‍ നിന്നും സര്‍ക്കാര്‍ പിന്‍മാറാതിരിക്കുക, ലിബര്‍ഹാന്‍ കമ്മീഷന്‍ റിപ്പോര്‍ട്ടിന്‍ മേല്‍ നടപടി സ്വീകരിക്കുക എന്നീ മുദ്രാവാക്യങ്ങള്‍ ഉയര്‍ത്തി ഈ മാസം രണ്ടിനാണ് കാസര്‍കോട്ടെ ഹൊസങ്കടയില്‍ നിന്നും ജനകേരള യാത്ര ആരംഭിച്ചത്. എസ്.ഡി.പി.ഐ സംസ്ഥാന ജനറല്‍ സെക്രട്ടറി എം കെ മനോജ്കുമാര്‍ ജാഥാക്യാപ്റ്റനും സെക്രട്ടറി മുവാറ്റുപുഴ അഷ്‌റഫ് മൗലവി വൈസ് ക്യാപറ്റനുമായുള്ള ജനകേരള യാത്ര 24ന് തിരുവനന്തപുരത്ത് സമാപിക്കും. ജനകേരയാത്രയെ സ്വീകരിക്കാന്‍ യാത്ര കടന്നുപോകുന്ന വീഥികളിലെല്ലാം കൊടിതോരണങ്ങള്‍ അലങ്കരിച്ചിട്ടുണ്ട്. ജനകേരളയാത്രയുടെ വരവറിയിച്ച് കൊണ്ട് വിളംബര ജാഥകളും മേഖല ജാഥകളും കഴിഞ്ഞ ദിവസങ്ങളില്‍ നടന്നിരുന്നു.

ഫോട്ടോകള്‍
1. പുനലൂരിലെ പ്രകടനം
2. കൊട്ടാരക്കരയില്‍ മൂവാറ്റുപുഴ അഷ്്‌റഫ് മൗലവി സംസാരിക്കുന്നു
3. കൊട്ടാരക്കരയില്‍ നിന്നുള്ള ദൃശ്യം
4. പത്തനാപുരത്ത് അഷ്്‌റഫ് മൗലവി പ്രസംഗിക്കുന്നു

പത്തനംതിട്ട സമാപനം

2010-04-20T20:42:00.001+05:30

1. പന്തളത്ത് മൂവാറ്റുപുഴ അഷ്‌റഫ് മൗലവി സംസാരിക്കുന്നു
2. അടൂരില്‍ നടന്ന സമാപന സമ്മേളന സദസ്സ്
3. സമാപന സമ്മേളനം എസ്.ഡി.പി.ഐ മണിപ്പൂര്‍ സംസ്ഥാന സെക്രട്ടറി റഫീഖുദ്ദീന്‍ ഷാ ഉദ്്ഘാടനം ചെയ്യുന്നു
4. സമാപന സമ്മേളനത്തോടനുബന്ധിച്ച് അടൂരില്‍ നടന്ന പ്രകടനം

മലയോര ജില്ലയുടെ മനസ് തൊട്ടറിഞ്ഞ് എസ്.ഡി.പി.ഐ ജനകേരള യാത്ര

2010-04-20T19:38:00.000+05:30

പത്തനംതിട്ട: ജനഹൃദയങ്ങള്‍ കീഴടക്കി മലയോര ജില്ലയായ പത്തനംതിട്ടയില്‍ എത്തിയ എസ്.ഡി.പി.ഐ ജനനകേരള യാത്രയ്ക്ക് ആവശോജ്വലമായ സ്വീകരണം. ഗ്രാമങ്ങളുടെ ഹൃദയതുടിപ്പുകള്‍ ഏറ്റുവാങ്ങി കടന്നുപോയ ജാഥ മലയോര നിവാസികള്‍ക്ക് നവ്യാനുഭവം പകര്‍ന്നു. പുത്തന്‍ രാഷ്ട്രീയ ദിശാബോധം നല്‍കി അടിസ്ഥാന ജനവിഭാഗങ്ങളുടെ ജീവല്‍പ്രശ്‌നങ്ങള്‍ കൈകാര്യം ചെയ്ത ജാഥയിലെ പ്രസംഗങ്ങളെല്ലാം നാട്ടുകാര്‍ക്കും കര്‍ഷക തൊഴിലാളികള്‍ക്കും പുത്തനുണര്‍വ് നല്‍കി. മുഖ്യധാരാ രാഷ്രീയപ്പാര്‍ട്ടികള്‍ പറയാത്ത സത്യങ്ങള്‍ വിളിച്ചുപറയാന്‍ മുന്നോട്ടുവന്ന എസ്.ഡി.പി.ഐ ജനകേരള യാത്രയ്ക്ക് ഗ്രാമീണരുടെ പ്രത്യേക അഭിനന്ദനവും ലഭിച്ചു. കടുത്ത വെയിലിനെ അവഗണിച്ച് ജനകേരളയാത്ര മുന്നോട്ട് വയ്ക്കുന്ന കാലിക പ്രസക്തമായ മുദ്രാവാക്യങ്ങള്‍ കേള്‍ക്കാനായി യുവജനങ്ങളും കുട്ടികളും സ്ത്രീകളും ഉള്‍പ്പെടെ സമൂഹത്തിന്റെ നാനാതുറകളില്‍പെട്ട വന്‍ ജനക്കൂട്ടം സ്വീകരണ കേന്ദ്രങ്ങളില്‍ എത്തിയിരുന്നു.
ജാഥയുടെ പത്തനംതിട്ട പര്യടനത്തിന് തുടക്കം കുറിച്ചത് തിരുവല്ല പോസ്‌റ്റോഫീസ് ജങ്ഷനില്‍ നിന്നാണ്. ചെണ്ടമേളത്തിന്റെ അകമ്പടിയോടെ രാവിലെ ഒമ്പതിന് ജില്ലാ നേതാക്കള്‍ ജാഥയെ ആദ്യ സ്വീകരണ കേന്ദ്രമായ തിരുവല്ല കെ.എസ്.ആര്‍.ടി.സി ജങ്ഷനിലേക്ക് ആനയിച്ചു. ഇരുന്നുറോളം ബൈക്കുകളുടെയും അമ്പതില്‍പ്പരം മറ്റ് വാഹനങ്ങളുടെയും അകമ്പടിയോടൊപ്പം വന്‍ ജനാവലി അണിനിരന്നാണ് ജാഥയെ സ്വീകരിച്ചാനയിച്ചത്. തിരുവല്ലയിലെ സ്വീകരണങ്ങള്‍ ഏറ്റുവാങ്ങിയ ജനകേരള യാത്ര പായിപ്പാട്, മല്ലപ്പള്ളി, വായ്പൂര്, കോട്ടാങ്ങല്‍, ചുങ്കപ്പാറ, ആലപ്ര, റാന്നി, കോന്നി, പത്തനംതിട്ട, പന്തളം എന്നിവിടങ്ങളില്‍ പര്യടനം നടത്തി.
വിവിധ സ്വീകരണ സമ്മേളനങ്ങളില്‍ ജാഥാ ക്യാപ്ടന്‍ എം കെ മനോജ് കുമാര്‍, വൈസ് ക്യാപ്ടന്‍ മൂവാറ്റുപുഴ അഷ്‌റഫ് മൗലവി, സംസ്ഥാന കമ്മിറ്റിയംഗങ്ങളായ ഫത്തഹുദീന്‍ റഷാദി, തുളസീധരന്‍ പള്ളിക്കല്‍ സംസാരിച്ചു. രാജ്യത്തെ അധികാരികള്‍ വരേണ്യവര്‍ഗത്തിന്റെ താല്‍പര്യം മാത്രമാണ് ലക്ഷ്യം വയ്ക്കുന്നതെന്ന് മൂവാറ്റുപുഴ അഷ്‌റഫ് മൗലവി പറഞ്ഞു. ഏകീകൃത ഭരണത്തിലൂടെ രാജ്യത്ത് സാമൂഹ്യനീതി നടപ്പിലാക്കണം. ദലിതരേയും ആദിവാസികളേയും തങ്ങളുടെ അടിമത്വത്തില്‍ നിര്‍ത്താനായി അവര്‍ക്ക് സ്വന്തം സംഘടനകള്‍ ഉണ്ടാക്കിയ കേരളത്തിലെ രാഷ്ട്രീയ മേലാളന്‍മാര്‍ അതിലൂടെ അവരെ തമ്മിലടിപ്പിക്കുകയാണ്. എല്ലാ അനീതിയോടും രാജിയാവുന്ന ജനത്തിന്റെ മനസ്ഥിതി മാറണമെന്നും പുതിയൊരു കേരളത്തിന്റെ സൃഷ്ടിയാണ് ജനകേരളയാത്ര ലക്ഷ്യം വയ്്ക്കുന്നതെന്നും അഷ്‌റഫ് മൗലവി പറഞ്ഞു.
രാജ്യത്തിന്റെ പൊതുഖജനാവ് വികസനത്തിന്റെ പേരുപറഞ്ഞ് കൊള്ളയടിക്കാനാണ് മുഖ്യാധാര പാര്‍ട്ടിയിലെ ചില നേതാക്കള്‍ ശ്രമിക്കുന്നതെന്ന് സംസ്ഥാന സമിതിയംഗം തുളസീധരന്‍ പള്ളിക്കല്‍ പറഞ്ഞു. അടിസ്ഥാന വര്‍ഗത്തിന്റെ ക്ഷേമം ഉയര്‍ത്തിപ്പിടിച്ച് മുന്നോട്ടുവന്ന സി.പി.എം ടാറ്റ, ഹാരിസണ്‍ എന്നീ കുത്തക മുതലാളിമാരുടെ ആശ്രിതരായി. സംവരണത്തിന്റെ കാര്യത്തിലും രാജ്യത്ത് രണ്ടുതരം നീതിയാണ് നടപ്പിലാക്കുന്നത്്. ശബരിമലയില്‍ പോലും താന്ത്രിക വിദ്യകള്‍ സവര്‍ണരായ ബ്രാഹ്മണര്‍ കുത്തകയാക്കി വച്ചിരിക്കുകയാണ്. അധികാര കേന്ദ്രങ്ങളില്‍ സവര്‍ണര്‍ അടയിരിക്കുന്നു. എന്തുകൊണ്ട് അവര്‍ണ വര്‍ഗത്തിന് അധികാര മേഖലയില്‍ കടന്നുവന്നുകൂടാ. അടിച്ചമര്‍ത്തപ്പെട്ട ഒരു സമൂഹത്തിന്റെ മോചനമാണ് എസ്.ഡി.പി.ഐ ലക്ഷ്യം വയ്ക്കുന്നതെന്ന് തുളസീധരന്‍ പറഞ്ഞു.
ഐ.പി.എല്‍ ക്രിക്കറ്റ് വിവാദത്തിലൂടെ ജനങ്ങളുടെ അടിസ്ഥാന പ്രശ്‌നങ്ങളെ വഴി തിരിച്ചുവിട്ടുകൊണ്ട് സവര്‍ണ വര്‍ഗം അവരുടെ ഹിഡണ്‍ അജണ്ടകള്‍ നടപ്പിലാക്കുകയാണെന്ന് സംസ്ഥാന കമ്മിറ്റിയംഗം ഫത്തഹുദീന്‍ റഷാദി പറഞ്ഞു. ഭരണവര്‍ഗം നമ്മുടെ രാജ്യത്തെ ബഹുരാഷ്ട്ര കമ്പനികള്‍ക്ക് തീറെഴുതി കൊടുത്തിരിക്കുന്നു. നിത്യോപയോഗ സാധനങ്ങളുടെ വിലക്കയറ്റം ജനങ്ങള്‍ക്കിടയില്‍ പ്രശ്‌നമല്ലാതായി. ഐ.പി.എല്ലില്‍ കൊച്ചി ആസ്ഥാനമായുള്ള ടീമിന്റെ വരവും കാത്തിരിക്കുകയാണ് അവര്‍. കോടിക്കണക്കിന് ജനങ്ങള്‍ പട്ടിണി കിടക്കുമ്പോള്‍ ഇവിടെ കോര്‍പറേറ്റ് മാനേജ്‌മെന്റുകള്‍ അവരുടെ സാമ്പത്തിക സ്രോതസുകള്‍ വര്‍ദ്ധിപ്പിച്ച് കൊണ്ടിരിക്കുന്നു. ഇത്തരത്തിലുള്ള ശ്രമങ്ങളാണ് ഐ.പി.എല്ലിന് പിന്നിലുള്ളതെന്നും ഫത്തഹുദീന്‍ റഷാദി പറഞ്ഞു.
ജാഥയുടെ പത്തനംതിട്ടയിലെ പര്യടനത്തിനിടെ ജാഥാ ക്യാപ്ടന്‍ എം കെ മനോജ് കുമാര്‍ ചെങ്ങറ സമരനേതാവ് ളാഹ ഗോപാലനെ സന്ദര്‍ശിച്ചു. ചെങ്ങറ സമരത്തിന്റെ വിജയത്തിന് സാധുജന വിമോജന സംയുക്ത വേദി മുന്നോട്ടുവയ്ക്കുന്ന പ്രവര്‍ത്തനങ്ങള്‍ക്ക് എസ്.ഡി.പി.ഐയുടെ പിന്തുണ അദ്ദേഹം അറിയിച്ചു. എസ്.ഡി.പി.ഐ ജനകേരള യാത്ര ലക്ഷ്യം വയ്ക്കുന്ന ആശയങ്ങള്‍ അടങ്ങിയ പ്രസിദ്ധീകരണങ്ങള്‍ മനോജ് കുമാര്‍, ളാഹ ഗോപാലന് നല്‍കി.
രാത്രി ഏഴിന് അടൂരില്‍ നടന്ന പൊതുസമ്മേളനത്തോടെ ജനകേരളയാത്രയുടെ ജില്ലയിലെ പര്യടനം സമാപിച്ചു. പൊതുസമ്മേളനം എസ്.ഡി.പി.ഐ മണിപ്പൂര്‍ സംസ്ഥാന സെക്രട്ടറി റഫീജുദ്ദീന്‍ ഷാ ഉദ്ഘാടനം ചെയ്തു. ജില്ലാ പ്രസിഡന്റ് അഡ്വ.ഇബ്രാഹീം കുട്ടി അധ്യക്ഷത വഹിച്ചു.
ജാഥാ ക്യാപ്ടന്‍ എം കെ മനോജ് കുമാര്‍, വൈസ് ക്യാപ്ടന്‍ മൂവാറ്റുപുഴ അഷ്‌റഫ് മൗലവി, സംസ്ഥാന സമിതി അംഗങ്ങളായ ഫത്തഹുദീന്‍ റഷാദി, തുളസീധരന്‍ പള്ളിക്കല്‍, ജില്ലാ വൈസ് പ്രസിഡന്റ് സാംകുട്ടി ജേക്കബ്, സെക്രട്ടറി മന്‍സൂര്‍ സംസാരിച്ചു.

ഫോട്ടോ:
ജാഥാ ക്യാപ്ടന്‍ മനോജ് കുമാര്‍ ചെങ്ങറ സമരനേതാവ് ളാഹ ഗോപാലന് ജനകേരള യാത്രയുടെ സന്ദേശമടങ്ങിയ പ്രസിദ്ധീകരണങ്ങള്‍ നല്‍കുന്നു

പത്തനംതിട്ട: കൂടുതല്‍ ഫോട്ടോകള്‍

2010-04-20T18:44:00.001+05:30

1. ക്രമസമാധാന പ്രശ്‌നമില്ല; അപ്പോള്‍പ്പിന്നെ വീഡിയോഗ്രഫിയില്‍ ഒരു കൈ നോക്കാം... ജനകേരള യാത്രാ വേദികളില്‍ പോലിസിന്റെ പ്രകടനം
2. ഫത്ഹുദ്ദീന്‍ റഷാദി സംസാരിക്കുന്നു
3. പ്രകടനം
4. തുളസീധരന്‍ പള്ളിക്കല്‍ സംസാരിക്കുന്നു

പതനം തിട്ടയെ ഇളക്കിമറിച്ച് ജനകേരളയാത്ര

2010-04-20T16:27:00.001+05:30

1. ചുങ്കപ്പാറയില്‍ എന്‍.ഡബ്ല്യു.എഫ് പത്തനംതിട്ട ജില്ലാ കമ്മിറ്റിയുടെ അഭിവാദ്യം
2. ചുങ്കപ്പാറയില്‍ തുളസീധരന്‍ പള്ളിക്കല്‍ സംസാരിക്കുന്നു
3. കോന്നിയില്‍ തുളസീധരന്‍ പള്ളിക്കല്‍ സംസാരിക്കുന്നു

ജനകേരളയാത്ര പത്തനംതിട്ടയില്‍

2010-04-20T15:29:00.000+05:30

1. പായിപ്പാട് മൂവാറ്റുപുഴ അഷ്്‌റഫ് മൗലവി പ്രസംഗിക്കുന്നു
2. തിരുവല്ലയില്‍ മൂവാറ്റുപുഴ അഷ്്‌റഫ് മൗലവി പ്രസംഗിക്കുന്നു
3. തിരുവല്ലയില്‍ മൂവാറ്റുപുഴ അഷ്്‌റഫ് മൗലവി പ്രസംഗിക്കുന്നു
4. തിരുവല്ലയില്‍ നടന്ന പ്രകടനം
5. തിരുവല്ലയില്‍ നടന്ന പ്രകടനം

ജനകേരള യാത്ര ഉദ്്ഘാടനം-വീഡിയോ

2010-04-20T00:43:00.000+05:30

എസ്.ഡി.പി.ഐ ജനകേരളയാത്രയുടെ കാസര്‍കോഡ് ഹൊസങ്കടിയില്‍ നടന്ന ഉദ്്ഘാടനച്ചടങ്ങില്‍ നിന്ന്. ജീവന്‍ ടി.വി സംപ്രേഷണം ചെയ്തത്‌
ഭാഗം-1

ഭാഗം-2

എസ്.ഡി.പി.ഐ ജനകേരള യാത്രയെ വരവേല്‍ക്കാന്‍ കൊല്ലം ജില്ലയൊരുങ്ങി

2010-04-19T23:33:00.000+05:30

കൊല്ലം: കഴിഞ്ഞ രണ്ടിന് കാസര്‍ഗോഡ് നിന്നും ആരംഭിച്ച എസ്.ഡി.പി.ഐ ജനകേരള യാത്ര നാളെ(ചൊവ്വ) കൊല്ലം ജില്ലയില്‍ പ്രവേശിക്കും. യാത്രയെ വരവേല്‍ക്കാനുള്ള ഒരുക്കങ്ങള്‍ പൂര്‍ത്തിയായതായി ജില്ലാ കമ്മിറ്റി ഭാരവാഹികള്‍ വാര്‍ത്താകുറിപ്പില്‍ അറിയിച്ചു. ഭൂരഹിതര്‍ക്ക് ഭൂമി നല്‍കുക, ദലിത് ആദിവാസി വേട്ട അവസാനിപ്പിക്കുക, ഭരണഘടനയിലെ സംവരണതത്വം പുനസ്ഥാപിക്കുക, പോലിസിന്റെ ന്യൂനപക്ഷ വിവേചനം അവസാനിപ്പിക്കുക, സേവന മേഖലകളില്‍ നിന്നും സര്‍ക്കാര്‍ പിന്‍മാറാതിരിക്കുക, ലിബര്‍ഹാന്‍ കമ്മീഷന്‍ റിപ്പോര്‍ട്ടിന്‍ മേല്‍ നടപടി സ്വീകരിക്കുക എന്നീ മുദ്രാവാക്യങ്ങള്‍ ഉയര്‍ത്തിയാണ് യാത്ര കാസര്‍കോട്ടെ ഹൊസങ്കടയില്‍ നിന്ന് ആരംഭിച്ചത്.
ജാഥയ്ക്ക നാളെ രാവിലെ ഒമ്പതിന് പത്തനാപുരത്ത് അദ്യ സ്വീകരണം നല്‍കും. തുടര്‍ന്ന് പുനലൂര്‍, കൊട്ടാരക്കര, ഭരണിക്കാവ്, കരുനാഗപ്പള്ളി, ഇടപ്പള്ളിക്കോട്ട, കൊല്ലം എന്നിവിടങ്ങളിലെ സ്വീകരണങ്ങള്‍ക്ക് ശേഷം വൈകീട്ട് അയത്തിലില്‍ സമാപിക്കുമെന്ന് ജില്ലാ പ്രസിഡന്റ് നസീബ് എ റസാഖ്, ജനറല്‍ സെക്രട്ടറി എ കെ സലാഹൂദ്ദീന്‍ അറിയിച്ചു

വനിതാബില്‍: എസ്.ഡി.പി.ഐ നിലപാട് സ്വാഗതാര്‍ഹമെന്ന് ജനതാദള്‍ (യു)

2010-04-19T23:30:00.001+05:30

ആലപ്പുഴ: വനിതാ സംവരണ ബില്‍ പാസാക്കുന്നതിനെതിരെ എസ്.ഡി.പി.ഐ സ്വീകരിച്ചിരിക്കുന്ന നിലപാട് സ്വാഗതാര്‍ഹമാണെന്ന് ജനതാദള്‍ (യു) സംസ്ഥാന ജനറല്‍ സെക്രട്ടറി പി ജെ കുര്യന്‍ വാര്‍ത്താക്കുറുപ്പില്‍ പറഞ്ഞു. രാജ്യത്തെ ഭൂരിപക്ഷം വരുന്ന ദലിത്-പിന്നാക്ക-ന്യൂനപക്ഷ വിഭാഗങ്ങളില്‍പ്പെട്ട വനിതകള്‍ക്ക് അര്‍ഹമായ പ്രാതിനിധ്യം ഉറപ്പാക്കാതെ നിര്‍ദിഷ്ട വനിതാബില്‍ പാര്‍ലമെന്റില്‍ അവതരിപ്പിച്ചു പാസാക്കി എടുക്കാനുള്ള കോണ്‍ഗ്രസിന്റെ ശ്രമങ്ങള്‍ തന്ത്രപരമായ ചതിയാണ്. ഈ ചാണക്യ തന്ത്രത്തിനെതിരെ ഉണ്ടാകുന്ന എല്ലാ ദേശീയ പ്രക്ഷോഭങ്ങളെയും ജനതാദള്‍ (യു) പിന്തുണയ്ക്കും. എല്ലാ വിഭാഗം വനിതകള്‍ക്കും നിയമനിര്‍മാണസഭകളില്‍ അര്‍ഹവും ആനുപാതികവുമായ പ്രാതിനിധ്യം ഉറപ്പാക്കുന്നതിനുവേണ്ടിയുള്ള നയമാണ് പാര്‍ലമെന്റിനകത്തും പുറത്തും ജനതാദള്‍ (യു) വിനുള്ളതെന്ന് ദേശീയ സമിതിയംഗം കൂടിയായ പി ജെ കുര്യന്‍ വ്യക്തമാക്കി.

ആലപ്പുഴ സമാപനം

2010-04-19T19:58:00.001+05:30

ജനകേരളയാത്രയുടെ ആലപ്പുഴ ജില്ലാ സമാപന സമ്മേളനം എസ്.ഡി.പി.ഐ ബംഗാള്‍ സംസ്ഥാന പ്രസിഡന്റ് തഈദുല്‍ ഇസ്്‌ലാം ഉദ്്ഘാടനം ചെയ്യുന്നു

ആലപ്പുഴയില്‍ നിന്ന്‌

2010-04-19T19:08:00.001+05:30

1. ചാരുമ്മൂടില്‍ നല്‍കിയ സ്വീകരണത്തില്‍ നടന്ന പ്രകടനം
2. കായംകുളത്ത് ജാഥാ ക്യാപ്റ്റന്‍ മനോജ്കുമാര്‍ സംസാരിക്കുന്നു
3. ഹരിപ്പാട് തുളസീധരന്‍ പള്ളിക്കല്‍ സംസാരിക്കുന്നു
4. ചാരുമ്മൂട് യൂസുഫ് വയനാട് സംസാരിക്കുന്നു

അറബിക്കടലിന്റേയും പല്ലനയാറിന്റേയും തീരത്ത്് മാറ്റത്തിന്റെ കൊടുങ്കാറ്റായി ജനകേരളയാത്ര

2010-04-19T18:24:00.001+05:30

ആലപ്പുഴ: അറബിക്കടലിലെ ആര്‍ത്തലയ്ക്കുന്ന തിരമാലകളെ വകഞ്ഞു മാറ്റി അന്നത്തിന് വക തേടുന്ന കടലിന്റെ മക്കളുടെ നാട്ടില്‍ എസ്.ഡി.പി.ഐ ജനകേരള യാത്രയ്ക്ക്്്് ഊഷ്മള സ്വീകരണം.
കടലിന്റേയും കായലിന്റേയും മനസ്സറിഞ്ഞ കയര്‍ തൊഴിലാളികള്‍ ഇരുകൈകളും നീട്ടിയാണ് ജാഥയെ സ്വീകരിച്ചത്്. ആലപ്പുഴ ജില്ലയിലെ ജാഥയുടെ രണ്ടാം ദിവസ പര്യടനം പുന്നപ്രയിലാണ് തുടങ്ങിയത്്. നൂറു കണക്കിന് മല്‍സ്യ തൊഴിലാളികളും കയര്‍ തൊഴിലാളികളും ജനകേരളയാത്രയ്ക്ക്്് അഭിവാദ്യങ്ങള്‍ നേര്‍ന്നു. നിരവധി വാഹനങ്ങളുടെ അകമ്പടിയോടെയാണ് ജനകേരളയാത്രയെ പ്രവര്‍ത്തകര്‍ അനുഗമിച്ചത്്.
നവ വിപ്ലവ സമൂഹത്തിനായി പൊരുതിയ രക്തസാക്ഷികളേയും പോരാളികളേയും മറന്ന സിപിഎമ്മിന് ശക്തമായ വെല്ലുവിളിയാണ് എസ്്്.ഡി.പി.ഐ ഉയര്‍ത്തുന്നതെന്ന്്് പാര്‍ട്ടി സംസ്ഥാന ജനറല്‍ സെക്രട്ടറിയും ജനകേരളായാത്രാ ക്യാപ്റ്റനുമായ എം.കെ മനോജ് കുമാര്‍ പറഞ്ഞു. ദൈനംദിന ജീവിതങ്ങളില്‍ ബ്രാഹ്മണ്യത്തിന്റെ സവര്‍ണ കവചം തീര്‍ത്ത് ദലിതനേയും ന്യൂനപക്ഷങ്ങളേയും തളച്ചിടാന്‍ ഗൂഢശ്രമം നടക്കുകയാണ്. സവര്‍ണ താല്‍പര്യങ്ങള്‍ മഹത്തായ സംസ്‌കാരമാണെന്ന് വരുത്തി തീര്‍ക്കാന്‍ ഭൂരിപക്ഷ മാധ്യമങ്ങള്‍ കഥകള്‍ മെനയുകയാണ്്.
പുന്നപ്ര-വയലാര്‍ സമരങ്ങളില്‍ കൊല ചെയ്യപ്പെട്ട ദലിതരെ സിപിഎം പൊതു സമൂഹത്തില്‍ നിന്ന് മറച്ചു വയ്ക്കുകയാണ്.1931 മുതല്‍ 39 വരെ കുട്ടനാടന്‍ പാടശേഖരങ്ങളില്‍ ജന്‍മിമാര്‍ക്കെതിരെ സമരത്തിന് നേത്യത്വം വഹിച്ച കെ.വി പത്രോസിനെ ദലിതനായതിന്റെ പേരില്‍ മാത്രം അവഗണിച്ചിരിക്കുകയാണ്. എന്നാല്‍ സവര്‍ണനായ ഇഎംസ് നമ്പൂതിരിയുടെ ജന്‍മശതാബ്ദിയും ചരമ വാര്‍ഷികവും ആഘോഷിക്കാന്‍ സിപിഎം കോടികളൊഴുക്കുന്നു.
കേരളത്തിലെ ഓരോ വീട്ടിലും ഓരോ കള്ളന്‍മാരുണ്ടെന്ന് പ്രഖ്യാപിച്ച സിപിഎം മന്ത്രി സ്വന്തം വീട്ടിലേയും പാര്‍ട്ടി മന്ത്രിമാരുടെ വീടുകളിലേയും കള്ളന്‍മാര്‍ ആരാണെന്ന്് വ്യക്തമാക്കണം.
സവര്‍ണ സായിപ്പായ തരൂരിനെ യാതൊരു ഔചിത്യവുമില്ലാതെ ചുമന്ന കോണ്‍ഗ്രസും ഇതില്‍ നിന്നും ഭിന്നമല്ല. 1500 കോടിയിലധികം രൂപയുടെ കള്ളപ്പണമാണ് ഐപിഎല്ലിന്റെ പേരില്‍ ഒഴുക്കിയിരിക്കുന്നത്.
ജില്ലയിലെ വിവിധ കേന്ദ്രങ്ങളില്‍ നടന്ന സ്വീകരണ യോഗങ്ങളില്‍ നൗഷാദ് കീച്ചേരി, റഷീദ് മാസ്റ്റര്‍ വണ്ണപ്പുറം, നാസര്‍ വയനാട്, എസ്.എച്ച് അല്‍ഹാദി, റ്റി എം സമദ് എന്നിവര്‍ സംസാരിച്ചു.
വളഞ്ഞ വഴി,പുറക്കാട്, ത്യക്കുന്നപ്പുഴ, കാര്‍ത്തികപ്പള്ളി, ഹരിപ്പാട്, കായംകുളം, രണ്ടാംകുറ്റി, ചാരുംമൂട്, മാവേലിക്കര എന്നീ പ്രദേശങ്ങളില്‍ പര്യടനം നടത്തി.
വൈകിട്ട്്് ഏഴിന് കൊല്ലക്കടവില്‍ തയ്യാറാക്കിയ അയ്യങ്കാളി നഗറിലാണ് സമാപനം.സമാപന സമ്മേളനത്തില്‍ എസ്്്.ഡി.പി.ഐ ആലപ്പുഴ ജില്ലാപ്രസിഡന്റ്് എസ്്്.എച്ച്്്്് അല്‍ഹാദി അദ്ധ്യക്ഷത വഹിക്കും.എസ്്്.ഡി.പി.ഐ ബംഗാള്‍ സ്റ്റേറ്റ്്് പ്രസിഡന്റ്് തഈദുല്‍ ഇസ്്്‌ലാം ഉദ്ഘാടനം ചെയ്യുന്ന സമ്മേളനത്തില്‍ എം.കെ മനോജ്്് കുമാര്‍, സംസ്ഥാന വൈസ്്്് പ്രസിഡന്റ്് പി.കെ ഗോപിനാഥന്‍, സംസ്ഥാന സമിതിയംഗങ്ങളായ ഫത്തഹുദ്ദീന്‍ റഷാദി, തുളസീധരന്‍ പള്ളിക്കല്‍, യൂസുഫ് വയനാട്്്്്്്, അബ്ദുല്‍ കരിം കൊല്ലക്കടവ്് എന്നിവര്‍ സംസാരിക്കും.

ജനകേരളയാത്ര ആലപ്പുഴ ജില്ലയില്‍.......

2010-04-19T16:03:00.001+05:30

തിരുവനന്തപുരം മണ്ഡലം പ്രചാരണ ജാഥ

2010-04-19T01:39:00.000+05:30

ആലപ്പുഴ: കൂടുതല്‍ ചിത്രങ്ങള്‍

2010-04-19T01:26:00.000+05:30

ആലപ്പുഴ സമാപനം

2010-04-18T20:26:00.001+05:30

എസ്.ഡി.പി.ഐ ജനകേരളയാത്രയുടെ ആലപ്പുഴ ജില്ലയിലെ ഒന്നാംദിവസ പര്യടനത്തിന്റെ സമാപന സമ്മേളനം ദേശീയ സെക്രട്ടറി അഡ്വ. ഫൗസിയ കബീര്‍ മഥുരൈ ഉദ്്ഘാടനം ചെയ്യുന്നു

മുസ്്‌ലിം രാഷ്ട്രീയത്തെ പ്രതിനിധീകരിക്കാന്‍ ലീഗിനവകാശമില്ല: എസ്.ഡി.പി.ഐ

2010-04-18T20:12:00.001+05:30

മണ്ണഞ്ചേരി (ആലപ്പുഴ): ഇന്‍ന്ത്യന്‍ മുസ്്‌ലിംകളുടെ രാഷ്ട്രീയപ്രാതിനിധ്യം ആവകാശപ്പെടാന്‍ ലീഗിന് യോഗ്യതയില്ലെന്ന് എസ്.ഡി.പി.ഐ സംസ്ഥാന സെക്രട്ടറി മുവാറ്റുപുഴ അഷറഫ് മൗലവി. കോഴിയുടെ സംരക്ഷണം കുറുക്കനെ ഏല്‍പ്പിക്കുന്നതിന് തുല്യമാണിത്.
രാജ്യവ്യാപകമായി ന്യൂനപക്ഷങ്ങളെ സവര്‍ണര്‍ക്ക് തീറെഴുതിക്കൊടുത്ത പാപത്തില്‍ നിന്ന് ഒഴിഞ്ഞു നില്‍ക്കാന്‍ ലീഗിനാവില്ല. ആള്‍ദൈവവും സംഘപരിവാര്‍ സഹയാത്രികനുമായ ശ്രീശ്രീ രവിശങ്കറുമായി കെട്ടിപ്പിടിച്ചു നടക്കുന്ന ലീഗിന്റെ നേതാവായ മുനീറിനും സംഘത്തിനും മുസ്്‌ലിം-ദലിത് സമൂഹത്തിന്റെ ഉത്തരവാദിത്വമേറ്റെടുക്കാന്‍ യാതൊരു അര്‍ഹതയുമില്ല.
ബാബരി മസ്ജിദ്, ഭഗല്‍പൂര്‍ തുടങ്ങിയ വിഷയങ്ങളില്‍ ലീഗിന്റെ ദേശീയ നേത്യത്വം ശക്തമായി രംഗത്തെത്തിയെങ്കിലും കേരളനേത്യത്വം ഈ നീക്കം അട്ടിമറിച്ചു. ഒരു കാലഘട്ടത്തില്‍ ലീഗിന് ശക്തമായ വേരോട്ടമുണ്ടായിരുന്ന മലബാറിലെ വിദ്യാഭ്യാസ സ്ഥാപനങ്ങളില്‍ മസ്്‌ലിം ദലിത് ന്യൂനപക്ഷങ്ങള്‍ക്ക് വേണ്ടത്ര പ്രാധിനിത്യം നല്‍കാന്‍ ലീഗിനായില്ല. ബീമാപള്ളിയില്‍ ആറു മുസ്ലിം സഹോദരങ്ങള്‍ പോലീസിന്റെ വെടിയേറ്റു മരിച്ച സംഭവത്തില്‍ ലീഗ് സ്വീകരിച്ച നിലപാട് ദു:ഖകരമാണ്. കാസര്‍ഗോഡ് സ്വന്തം പാര്‍ട്ടി പ്രവര്‍ത്തകന്‍ കൊല്ലപ്പെട്ടിട്ടും ലീഗിന്റെ പെരുമാറ്റം ദുരൂഹമായിരുന്നു. മുസ്്‌ലിം സമൂഹം സ്വന്തം ജീവനേക്കാള്‍ കൂടുതല്‍ സ്‌നേഹിക്കുന്ന പ്രവാചകനെ നിന്ദിച്ച തൊടപുഴ ന്യൂമാന്‍ കോളേജിലെ ചോദ്യപേപ്പര്‍ വിവാദത്തില്‍ പ്രതിഷേധിച്ച മുസ്്‌ലിം പണ്ഡിതരേയും വിശ്വാസികളേയും മത തീവ്രവാദികളാക്കി സംഘപരിവാറിന്റെ പ്രശംസ വാങ്ങാനാണ് ലീഗ് ശ്രമിച്ചത്.
ആലപ്പുഴയിലെ മണ്ണഞ്ചേരിയില്‍ എസ്.ഡി.പി.ഐ സംസ്ഥാന കമ്മറ്റി നടത്തുന്ന ജനകേരളയാത്രയ്ക്ക് നല്‍കിയ സ്വീകരണയോഗത്തില്‍ സംസാരിക്കുകയായിരുന്നു അദ്ദേഹം. യോഗത്തില്‍ ജാഥാ ക്യാപ്റ്റന്‍ മനോജ് കുമാര്‍, തുളസീധരന്‍ പള്ളിക്കല്‍, പി.കെ രാധ, പി.കെ ഗോപിനാഥ് തുടങ്ങിയ നേതാക്കള്‍ സംസാരിച്ചു.

രക്തസാക്ഷികളുടെ നാട്ടില്‍ വിപ്ലവ കാഹളം മുഴക്കി എസ്്്.ഡി.പി.ഐ

2010-04-18T20:02:00.001+05:30

ആലപ്പുഴ: അധ്വാനിക്കുന്ന കര്‍ഷകന്റെ ഉയിര്‍ത്തെഴുന്നേല്‍പ്പിന് വേദിയായ ആലപ്പുഴ ജില്ല വിപ്്ഌവത്തിന്്് പുത്തന്‍ മാനങ്ങള്‍ തീര്‍ത്ത്്്് മുന്നേറുന്ന എസ്്്.ഡി.പി.ഐ ജനകേരള യാത്രയ്ക്ക അഭിവാദ്യങ്ങള്‍ നേര്‍ന്നു. ജന്മി മാടമ്പി വ്യവസ്ഥക്ക്് അറുതി വരുത്തിയ ആലപ്പുഴയിലെ രക്തസാക്ഷികള്‍ സഞ്ചരിച്ച വഴികളിലൂടെ നീങ്ങിയ പുത്തന്‍ യാത്രാസംഘത്തെ പരമ്പരാഗതമായ ദഫ്്്മുട്ടിന്റേയും വാദ്യമേളങ്ങളുടേയും അകമ്പടിയോാടെയാണ് കിഴക്കിന്റെ വെനീസ്്്്്്് വരവേറ്റത്്.
ചാവേറുകളായി മരിച്ചു വീണ തങ്ങളുടെ പേരില്‍ അധികാരത്തിലെത്തിയവര്‍ സ്വാര്‍ഥ താല്‍പര്യത്തിനായി രക്തസാക്ഷികളെ വഞ്ചിക്കുകയായിരുന്നുവെന്ന് എസ്്്ഡിപിഐ സംസ്ഥാന കമ്മറ്റിയംഗം തുളസീധരന്‍ പള്ളിക്കല്‍ ആരോപിച്ചു. ജനകേരളയാത്രയുടെ ആലപ്പുഴ ജില്ലാപര്യടനം പൂച്ചാക്കലില്‍ ഉദ്്ഘാടനം ചെയ്തു സംസാരിക്കുകയായിരുന്നു. പുന്നപ്രയിലും വയലാറിലും മരിച്ചു വീണവരുടെ കുടുംബങ്ങള്‍ ഇന്നും ജീവിച്ചിരിക്കുന്ന രക്്തസാക്ഷികളാണ്. മദ്യരാജാക്കന്‍മാരും ബ്ലേഡ്്്മാഫിയാ സംഘങ്ങളും ഇടതുപക്ഷ സഹയാത്രികരായി മാറിയിരിക്കുന്നുവെന്നും അദ്ദേഹം പറഞ്ഞു.
സിപിഎം, ബിനാമികളെ ഉപയോഗിച്ച്്് 25 ലക്ഷം ഏക്കറോളം ഭൂമി സ്വന്തമാക്കിയിരിക്കുകയാണെന്നും സവര്‍ണതമ്പുരാക്കന്‍മാരെ പ്രീണിപ്പിക്കുന്നതിന്റെ ഭാഗമായി കമ്മ്യൂണിസ്റ്റ്്്്്് ഭരണകര്‍ത്താക്കള്‍ തന്നെ ദലിത്് ആദിവാസി സമൂഹങ്ങളെ മാവോയിസ്റ്റുകളും തീവ്രവാദികളുമാക്കി വെടിവച്ചു കൊല്ലുന്ന ദാരുണമായ അവസ്ഥയാണുള്ളതെന്നും ജാഥാക്യാപറ്റന്‍ എം.കെ മനോജ് കുമാര്‍ പറഞ്ഞു.
രാവിലെ ഒന്‍പത് മണിക്ക് ജില്ലാ അതിര്‍ത്തിയായ പൂച്ചാക്കലില്‍ നൂറു കണക്കിന് പ്രവര്‍ത്തകരാണ് ജാഥയെ എതിരേറ്റത്. പിന്നീട് നിരവധി ഇരുചക്ര വാഹനങ്ങളുടേയും പ്രവര്‍ത്തകരുടേയും അകമ്പടിയോടെ വടുതല, അരൂര്‍, എരമല്ലൂര്‍, ചാവടി, ചേര്‍ത്തല, കലവൂര്‍, മണ്ണഞ്ചരി, കൈചൂണ്ടി മുക്ക്, മുല്ലക്കല്‍ എന്നിവിടങ്ങളില്‍ പര്യടനം നടത്തി.
വിവിധ കേന്ദ്രങ്ങളില്‍ സംസ്ഥാന നേതാക്കളെ കൂടാതെ എസ്.എച്ച്്് അല്‍ഹാദി, റ്റി.എം സമദ്്, സലാഹുദ്ദീന്‍, സിറാജുദ്ധീന്‍, ഹാരിസ്, നാസര്‍ വയനാട്, നൗഷാദ് കീച്ചേരി എന്നിവര്‍ സംസാരിച്ചു. ജനകേരളയാത്ര രാത്രിയോടെ ആലപ്പുഴ ടൗണിലെ സക്കരിയാ നഗറില്‍ സമാപിച്ചു. സമാപന സമ്മേളനം ഉത്ഘാടനം ചെയ്ത് എസ്്്.ഡി.പി.ഐ ദേശീയ സെക്രട്ടറി അഡ്വ:ഫൗസിയാ കബീര്‍ മധുരൈ, മുഖ്യാഥിതിയായി എസ്.ഡി.പി.ഐ ദേശീയ സമിതിയംഗവും ബീഹാര്‍ സ്റ്റേറ്റ് പ്രസിഡന്റുമായ റിയാസ് അസീമാ ബാധി, കേരള ഘടകം ജനറല്‍ സെക്രട്ടറി അബ്ദുല്‍ മജീദ് ഫൈസി, ജാഥാ ക്യാപ്റ്റന്‍ എം.കെ മനോജ് കുമാര്‍, വൈസ് ക്യാപ്റ്റന്‍ മുവാററുപുഴ അഷ്്്്്്്്‌റഫ് മൗലവി, തുളസീധരന്‍ പള്ളിക്കല്‍, പി.കെ.രാധ, പി.കെ ഗോപിനാഥന്‍, ഫത്തഹുദ്ധീന്‍ റഷാദി, അഡ്വ:വി.എം സലിം, യൂസുഫ് വയനാട് എന്നിവര്‍ സംസാരിച്ചു.

ആലപ്പുഴ ജില്ലയില്‍ ജനകേരള യാത്ര...

2010-04-18T19:52:00.001+05:30

ആലപ്പുഴയില്‍ നിന്ന്‌

2010-04-18T19:28:00.001+05:30

1. ചാവണ്ടിയില്‍ തുളസീധനര്‍ പള്ളിക്കല്‍ സംസാരിക്കുന്നു
2. എഴുപുന്നയില്‍ മുവാറ്റുപുഴ അഷ്്‌റഫ് മൗലവി പ്രസംഗിക്കുന്നു
3. മണ്ണഞ്ചേരിയില്‍ മുവാറ്റുപുഴ അഷ്്‌റഫ് മൗലവി പ്രസംഗിക്കുന്നു

വിപ്ലവമണ്ണില്‍ ആവേശം വിതറി ജനകേരളയാത്ര

2010-04-18T16:00:00.001+05:30

ആലപ്പുഴ: അടിച്ചമര്‍ത്തപ്പെട്ട ജനവിഭാഗങ്ങളുടെ അവകാശ സംരക്ഷണത്തിനായി ഉദയം കൊണ്ട എസ്.ഡി.പി ഐ സംഘടിപ്പിക്കുന്ന ജനകേരള യാത്ര ആലപ്പുഴയിലെത്തി.സംസ്ഥാന ജനറല്‍ സെക്രട്ടറി എം കെ മനോജ്കുമാര്‍ നയിക്കുന്ന ജനകേരളയാത്രയ്ക്ക് വന്‍ വരവേല്‍പ്പാണ് ജില്ലയില്‍ ലഭിച്ചത്. രണ്ടു ദിവസം പര്യടനം നടത്തുന്ന ജാഥയെ രാവിലെ 9ന്് പൂച്ചാക്കലില്‍ മനോജ് കുമാറിന് പാര്‍ട്ടി ജില്ലാ പ്രസിഡന്റ് എസ്.എച്ച് അല്‍ഹാദി ഹാരാര്‍പ്പണം നടത്തി സ്വീകരിച്ചു.
ജില്ലാ ജനറല്‍ സെക്രട്ടറി ടി എം സമദ്, നേതാക്കളായ നൈനാ ചാവടി, ടി കെ പി സലാഹുദ്ദീന്‍, ഹാരിസ് വട്ടപ്പള്ളി, ഷാജഹാന്‍ വീയപുരം, മണ്ഡലം നേതാക്കള്‍ സംബന്ധിച്ചു.
വടുതല, അരൂര്‍, എരമല്ലൂര്‍, ചാവടി, ചേര്‍ത്തല, കലവൂര്‍, മണ്ണഞ്ചേരി, കൈചൂണ്ടിമുക്ക്, മുല്ലയ്ക്കല്‍ എന്നിവിടങ്ങളിലെ സ്വീകരണങ്ങള്‍ക്കുശേഷം വൈകീട്ട് ഏഴിന് സക്കറിയാ ബസാറിലെ ഹേമന്ദ് കര്‍ക്കരെ നഗറില്‍ ചേരുന്ന ആദ്യ ദിവസത്തെ സമാപനസമ്മേളനം എസ്.ഡി.പി.ഐ ദേശീയസെക്രട്ടറി അഡ്വ. ഫൗസിയാ കബീര്‍ മധുര ഉദ്ഘാടനം ചെയ്യും.
ജില്ലാ പ്രസിഡന്റ് എസ്.എച്ച് അല്‍ഹാദി അധ്യക്ഷത വഹിക്കും. ബീഹാര്‍ സംസ്ഥാന പ്രസിഡന്റ് സിയാസ് അസീമാ ബാദി ലക്‌നോ മുഖ്യാതിഥിയായിരിക്കും.പാര്‍ട്ടി സംസ്ഥാന ജനറല്‍ സെക്രട്ടറി പി അബ്ദുല്‍ മജീദ് ഫൈസി, ജാഥാ ക്യാപ്റ്റന്‍ എം കെ മനോജ് കുമാര്‍, വൈസ് ക്യാപ്റ്റന്‍ മൂവാറ്റുപുഴ അശ്‌റഫ് മൗലവി, തുളസീധരന്‍ പള്ളിക്കല്‍, ഇക്്‌റാമുല്‍ ഹഖ് പ്രസംഗിക്കും.
നാളെ ആലപ്പുഴ പുലയന്‍വഴി ജങ്ഷനില്‍ നിന്നാരംഭിക്കുന്ന പര്യടനം പുന്നപ്ര, വളഞ്ഞവഴി, അമ്പലപ്പുഴ, പുറക്കാട്, തൃക്കുന്നപ്പുഴ, കാര്‍ത്തികപ്പള്ളി, ഹരിപ്പാട്, കായംകുളം, രണ്ടാംകുറ്റി, ചാരുംമൂട് എന്നിവിടങ്ങളിലെ സ്വീകരണങ്ങള്‍ക്കുശേഷം കൊല്ലകടവില്‍ അയ്യങ്കാളി നഗറില്‍ സമാപിക്കും. സമ്മേളനം വെസ്റ്റ് ബംഗാള്‍ സംസ്ഥാന പ്രസിഡന്റ് തഹീദുല്‍ ഇസ്‌ലാം ഉദ്ഘാടനം ചെയ്യും.

മീനച്ചിലാറിന്റെ തീരങ്ങളില്‍ സമര-സത്യഗ്രഹ സ്മരണകളുയര്‍ത്തി ജനകേരള യാത്ര

2010-04-18T01:55:00.001+05:30

ഷാനവാസ് കാരിമറ്റം

കോട്ടയം: എസ്.ഡി.പി.ഐ ജനകേരള യാത്ര കോട്ടയം ജില്ലയിലെ ദ്വിദിന പര്യടനം പൂര്‍ത്തിയാക്കി കയറിന്റെയും കായലിന്റെയും നാട്ടിലേക്കു യാത്രയായി. സത്യഗ്രഹങ്ങളുടെ തീച്ചൂളയായ വൈക്കത്തും മീനച്ചിലാറിന്റെ തീരങ്ങളെ തഴുകിയും നീങ്ങിയ ജാഥ ശ്രീനാരായണഗുരു, മഹാത്മാഗാന്ധി എന്നിവരുടെ കാലടിപ്പാടുകള്‍ പതിഞ്ഞ പ്രക്ഷോഭഭൂമിയില്‍ ചരിത്രത്തിന്റെ ഏടുകള്‍ തീര്‍ത്തു. സാധാരണക്കാരുടെ വായനകളില്‍ എന്നും നിറഞ്ഞുനിന്ന എഴുത്തുകാരനായ വൈക്കം മുഹമ്മദ് ബഷീറിന്റെ ഓര്‍മകള്‍ തങ്ങിയ വഴിത്താരകളിലൂടെ നൂറുകണക്കിനു വാഹനങ്ങളുടെ അകമ്പടിയോടെയാണ് ജാഥ നീങ്ങിയത്്. പിന്നാക്ക ജനവിഭാഗങ്ങളുടെ കഷ്ടതകള്‍ക്കു കാരണമായ ചാതുര്‍വര്‍ണ്യവ്യവസ്ഥയ്‌െക്കതിരേ പോരാടിയ ദലിതുകളെ തീവ്രവാദികളാക്കി മുദ്രകുത്തി അധികാരകേന്ദ്രങ്ങളില്‍ നിന്നും തൊഴില്‍മേഖലകളില്‍ നിന്നും പുറത്താക്കാനുള്ള നീക്കം അനുവദിക്കാനാവില്ലെന്ന് എസ്.ഡി.പി.ഐ സംസ്ഥാന സെക്രട്ടറി പി കെ രാധ പറഞ്ഞു. തങ്ങള്‍ കുടുംബാംഗത്തെ ആക്രമിച്ചെന്ന മലപ്പുറം ജില്ലയില്‍ നടത്തുന്ന ആരോപണം ഗൂഢാലോചനയുടെ ഭാഗമാണ്. ജനകേരള യാത്രയ്ക്ക് പാലായില്‍ നല്‍കിയ സ്വീകരണയോഗത്തില്‍ സംസാരിക്കുകയായിരുന്നു രാധ. കുത്തകകളായ ടാറ്റ, ഹാരിസണ്‍ മലയാളം, എ.വി.ടി, കെ പി യോഹന്നാന്റെ ബിലീവേഴ്‌സ് ചര്‍ച്ച് എന്നിവര്‍ കൈയേറിയ മിച്ചഭൂമി, സര്‍ക്കാര്‍ഭൂമി എന്നിവ പിടിച്ചെടുത്ത് ഭൂരഹിതര്‍ക്കു വിതരണം ചെയ്യാന്‍ തയ്യാറാവണം. 200 ബൈക്കുകളും നൂറിലധികം കാറുകളും ചേര്‍ന്ന ഈ യാത്ര നാടിനെ അക്ഷരാര്‍ഥത്തില്‍ ഇളക്കിമറിച്ചു. ജില്ലാ അതിര്‍ത്തിയില്‍ ദഫ്മുട്ടിന്റെയും വാദ്യോപകരണങ്ങളുടെയും അകമ്പടിയോടെയാണു പ്രവര്‍ത്തകര്‍ ജാഥയെ സ്വീകരിച്ചത്. മുസ്‌ലിം, ദലിത് കൂട്ടായ്മ പ്രായോഗിക രാഷ്ട്രീയാവിഷ്‌കാരം നേടിയതിന്റെ കാഴ്ചയായിരുന്നു ഇത്.
ഇന്നലെ രാവിലെ ഒമ്പതുമണിക്ക് പാലായില്‍ നിന്നു തുടങ്ങിയ ജാഥ ഏറ്റുമാനൂര്‍, കടത്തുരുത്തി, തലയോലപ്പറമ്പ്്, വൈക്കം, ഇല്ലിക്കല്‍, സംക്രാന്തി എന്നിവിടങ്ങളില്‍ പര്യടനം നടത്തി കോട്ടയം ടൗണില്‍ പൊതുസമ്മേളനത്തോടെ സമാപിച്ചു. താഴത്തങ്ങാടി ബസ്സപകടത്തില്‍ മരണപ്പെട്ടവര്‍ക്ക് ജനകേരള യാത്രാംഗങ്ങളും പ്രവര്‍ത്തകരും ആദരാഞ്ജലികള്‍ അര്‍പ്പിച്ചു. ഇത്തരം അപകടങ്ങള്‍ക്കു കാരണമാവുന്ന റോഡുകളുടെ ശോച്യാവസ്ഥ അധികാരികളുടെ ശ്രദ്ധയില്‍പ്പെടുത്തണമെന്നാവശ്യപ്പെട്ടു നാട്ടുകാര്‍ ജാഥാ ക്യാപ്റ്റനു നിവേദനം നല്‍കി. എസ്.ഡി.പി.ഐ ദേശീയസമിതി അംഗങ്ങളായ ബെഞ്ചമിന്‍ ഷാ, അബ്ദുല്‍ റഷീദ് അഖ്‌വാന്‍ എന്നിവര്‍ സംസാരിച്ചു. സ്വീകരണയോഗങ്ങളില്‍ എം കെ മനോജ്കുമാര്‍, പി കെ രാധ, മൂവാറ്റുപുഴ അശ്‌റഫ് മൗലവി, ഒ അലിയാര്‍, യൂസഫ്് വയനാട്, വി എ സലിം, നാസര്‍ വയനാട്, നൗഷാദ് കീച്ചേരി, അബ്ദുല്‍ സലാം ചെഞ്ചേരി, സുലൈമാന്‍ മൗലവി, അന്‍സാര്‍ മുഹമ്മദ്, പി എസ് ഷഫീക്ക്, ബഷീര്‍ കൊച്ചേടം, ഹിദായത്തുള്ള, യു നവാസ്, ഷാഹുല്‍ ഹമീദ് സംസാരിച്ചു

എസ്.ഡി.പി.ഐ ആലപ്പുഴ നിയോജകമണ്ഡലം പ്രസിഡന്റിനെയും സെക്രട്ടറിയെയും പിന്തുടര്‍ന്ന് ആക്രമിച്ചു

2010-04-18T01:33:00.002+05:30

ആലപ്പുഴ: എസ്.ഡി.പി.ഐ ജനകേരളയാത്രയുടെ പ്രചരണാര്‍ഥം സംഘടിപ്പിച്ച വിളംബര ജാഥ കഴിഞ്ഞു ബൈക്കില്‍ മടങ്ങിയ പാര്‍ട്ടി നിയോജകമണ്ഡലം പ്രസിഡന്റിനെയും സെക്രട്ടറിയെയും ബൈക്കില്‍ പിന്തുടര്‍ന്നെത്തി മര്‍ദ്ദിച്ച് അവശരാക്കി. എസ്.ഡി.പി.ഐ ആലപ്പുഴ നിയോജകണ്ഡലം പ്രസിഡന്റ് നാസര്‍, സെക്രട്ടറി ഉവൈസ് എന്നിവര്‍ക്കാണ് മര്‍ദ്ദനമേറ്റത്. ഇവരെ ആലപ്പുഴ ജനറല്‍ ആശുപത്രിയില്‍ പ്രവേശിപ്പിച്ചു. കലിങ്കല്‍ ഷിബു എന്നായാളാണ് മര്‍ദ്ദിച്ചതെന്ന് ഇവര്‍ പറഞ്ഞു. ഇന്നലെ രാത്രി ഒമ്പതോടെ ആലപ്പുഴ ഗുരുപുരം സര്‍ഗ ജങ്ഷനു സമീപം വച്ചായിരുന്നു സംഭവം. ജനകേരളയാത്രയുടെ പ്രചരണാര്‍ഥം സംഘടിപ്പിച്ച വിളംബരജാഥ കഴിഞ്ഞ് ബൈക്കില്‍ വീട്ടിലേക്കു മടങ്ങുകയായിരുന്ന നാസറിന്റെയും ഉവൈസിന്റെ പിന്നാലെ മറ്റൊരു ബൈക്കിലെത്തിയ ഷിബു ഇവര്‍ സഞ്ചരിച്ച ബൈക്കില്‍ ചവിട്ടുകയും തുടര്‍ന്ന് നിലത്തുവീണ് നാസറിനെയും ഉവൈസിനെയും കരിങ്കല്ലിനിടിക്കുകയായിരുന്നു. ബഹളം കേട്ട് സമീപ വാസികള്‍ ഓടിയെത്തിയപ്പോഴേക്കും അക്രമി രക്ഷപെട്ടു. നാസറിനു തലയ്ക്കാണ് പരിക്കേറ്റിരിക്കുന്നത്. സംഭവത്തിനെതിരേ ആലപ്പുഴ നോര്‍ത്ത് പോലീസില്‍
പരാതി നല്‍കി.

യാത്ര കോട്ടയം ജില്ലയില്‍.. ചിത്രങ്ങള്‍

2010-04-18T01:21:00.000+05:30

ജനകേരള യാത്ര കോട്ടയം താഴത്തങ്ങാടിയില്‍ എത്തിയപ്പോള്‍ അഭിവാദ്യമര്‍പ്പിച്ച് അണിനിരന്ന നാഷനല്‍ വിമന്‍സ് ഫ്രണ്ട് പ്രവര്‍ത്തകര്‍

ജനകേരള യാത്രയോടനുബന്ധിച്ച് കോട്ടയം സംക്രാന്തിയില്‍ നടന്ന സ്വീകരണ യോഗത്തില്‍ എസ്.ഡി.പി.ഐ ജനറല്‍ സെക്രട്ടറി പി കെ രാധയില്‍ നിന്ന് ആശാബേബി മെംബര്‍ഷിപ്പ് സ്വീകരിക്കുന്നു

ജനകേരള യാത്രക്ക് സംക്രാന്തിയില്‍ നല്‍കിയ സ്വീകരണ സമ്മേളനത്തില്‍ ജാഥ വൈസ്‌ക്യാപ്റ്റന്‍ മൂവാറ്റുപുഴ അഷ്‌റഫ് മൗലവി സംസാരിക്കുന്നു.

ബസ്സപകടത്തില്‍ മരിച്ചവര്‍ക്ക് ആദരാഞ്ജലികളുമായി ജനകേരള യാത്രാസംഘം

2010-04-18T00:54:00.000+05:30

താഴത്തങ്ങാടി: സ്വകാര്യ ബസ് പുഴയിലേക്ക് മറിഞ്ഞു 11 പേര്‍ക്ക് ജീവന്‍ നഷ്ടപ്പെട്ട താഴത്തങ്ങാടിയില്‍ എസ്.ഡി.പി.ഐ ജനകേരള യാത്രാ സംഘം ആദരാഞ്ജലികള്‍ അര്‍പ്പിച്ചു. ജാഥാ ക്യാപ്റ്റന്‍ മനോജ് കുമാറും സംഘവും അപകടത്തില്‍ മരണപ്പെട്ടവരുടെ കുടുംബങ്ങളുടെ ദു:ഖത്തില്‍ പങ്കു ചേരുന്നതായി അറിയിച്ചു. ബസ്സപകടങ്ങള്‍ക്ക് കാരണമാകുന്ന ഇത്തരം റോഡുകളുടെ ശോചനീയാവസ്ഥ അധികാരികളുടെ ശ്രദ്ധയില്‍ കൊണ്ടു വരണമെന്നാവശ്യപ്പെട്ട് പ്രദേശവാസികള്‍ നല്‍കിയ നിവേദനം സംഘം സ്വീകരിച്ചു.

കോട്ടയം പൊതുസമ്മേളനം

2010-04-17T21:06:00.001+05:30

കോട്ടയത്തു നടന്ന പൊതു പൊതുസമ്മേളനത്തില്‍ അബ്ദുല്‍ റഷീദ് അഗ് വാന്‍(ഡല്‍ഹി)സംസാരിക്കുന്നു

കോട്ടയത്തു നടന്ന പൊതു പൊതുസമ്മേളനത്തില്‍ ബഞ്ചമിന്‍ ഷാ(മണിപ്പൂര്‍)സംസാരിക്കുന്നു

ജനകേരളയാത്ര ജീവന്‍ ടിവിയില്‍

2010-04-17T20:57:00.002+05:30

കോട്ടയം പാലായില്‍ യാത്രയെത്തിയപ്പോള്‍

2010-04-17T15:23:00.002+05:30

കോട്ടയം പാലായില്‍ യാത്രയെത്തിയപ്പോള്‍

2010-04-17T15:20:00.001+05:30

ജനകേരളയാത്ര കോട്ടയം ജില്ലയില്‍

2010-04-17T15:16:00.000+05:30

ജനകേരളയാത്രയില്‍ നിന്ന് .......

2010-04-17T15:12:00.001+05:30

കൈയേറ്റം ചെയ്‌തോ എന്ന് അബ്ബാസലി തങ്ങള്‍ തന്നെ വ്യക്തമാക്കണം: മജീദ് ഫൈസി

2010-04-17T00:53:00.001+05:30

മലപ്പുറം: ആലപ്പുഴയിലെ മണ്ണഞ്ചേരിയില്‍ എസ്.കെ.എസ്.എസ്.എഫ് പൊതുയോഗത്തില്‍ അബ്ബാസലി ശിഹാബ് തങ്ങള്‍ കൈയേറ്റം ചെയ്യപ്പെട്ടിട്ടുണ്ടോയെന്ന് അദ്ദേഹംതന്നെ വ്യക്തമാക്കണമെന്ന് എസ്.ഡി.പി.ഐ സംസ്ഥാന ജന. സെക്രട്ടറി പി അബ്ദുല്‍ മജീദ് ഫൈസി ആവശ്യപ്പെട്ടു. എസ്.ഡി.പി.ഐ യുടെ വളര്‍ച്ച തടയിടുന്നതിനു ചില ദുഷ്ടശക്തികള്‍ പാണക്കാട് കുടുംബത്തെ കരുവാക്കുന്നതിനെ ജനങ്ങള്‍ തിരിച്ചറിയണമെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.എസ്.ഡി.പി.ഐ നടത്തുന്ന ജനകേരളയാത്രയോടനുബന്ധിച്ചുള്ള സപ്ലിമെന്റ് വിതരണംചെയ്ത രണ്ടു പ്രവര്‍ത്തകരെ എസ്.കെ.എസ്.എസ്.എഫുകാര്‍ മര്‍ദ്ദിക്കുകയുണ്ടായി. ഇതിന്റെയടിസ്ഥാനത്തില്‍ എസ്.ഡി.പി.ഐ കൊടുത്ത കേസില്‍ ഏഴ് ലീഗ്-എസ്.കെ.എസ്.എസ്.എഫ് പ്രവര്‍ത്തകര്‍ക്കെതിരേ കേസെടുത്തിട്ടുണ്ട്. ഈ സംഭവത്തെയാണ് അബ്ബാസലി തങ്ങള്‍ക്കെതിരേയുള്ള കൈയേറ്റമായി ചിത്രീകരിച്ചു പ്രചാരണം നടത്തുന്നത്. തങ്ങളെ കൈയേറ്റംചെയ്തതായി സംഘാടകര്‍ പോലിസില്‍ പരാതിനല്‍കിയിട്ടില്ല. പാണക്കാട് കുടുംബത്തിലെ ഒരാളെ കൈയേറ്റംചെയ്തതായി മലബാര്‍ ജില്ലകളില്‍ വ്യാജ പ്രചാരണം നടത്തി പ്രതിഷേധപ്രകടനങ്ങള്‍ സംഘടിപ്പിച്ച എസ്.കെ.എസ്.എസ്.എഫ് നടപടി അപലപനീയമാണ്. ഇതു ജനങ്ങളുടെ വികാരം വ്രണപ്പെടുത്താനേ ഉപകരിക്കൂ. പാണക്കാട് കുടുംബത്തിന്റെ മഹത്വം ദുരുപയോഗപ്പെടുത്താനാണ് ഇവര്‍ ശ്രമിക്കുന്നത്. ഈ അവസരത്തില്‍ അബ്ബാസലി ശിഹാബ് തങ്ങള്‍ തന്നെ നിജസ്ഥിതി വെളിപ്പെടുത്തണം- മജീദ് ഫൈസി ആവശ്യപ്പെട്ടു.എസ്.കെ.എസ്.എസ്.എഫ് എന്ന മതസംഘടന ഒരു രാഷ്ട്രീയപ്പാര്‍ട്ടിയെ ശത്രുവായി കാണുകയും അതിനെതിരേ കുപ്രചാരണങ്ങള്‍ നടത്തുകയും ചെയ്യുന്നതില്‍ ദുരൂഹതയുണ്ട്. യൂത്ത്‌ലീഗിലെ കെ എം ഷാജി വിഭാഗവും എസ്.കെ.എസ്.എസ്.എഫിലെ നാസര്‍ ഫൈസി കൂടത്തായിയുടെ വിഭാഗവും ഇന്റലിജന്‍സില്‍ നിന്നു പണംപറ്റി അവരവരുടെ സംഘടനകളെ ദുരുപയോഗംചെയ്യുകയാണ്. ഇന്റലിജന്‍സ് വിഭാഗത്തിനു വേണ്ടിയാണ് ഇവര്‍ ഈ പണിയെടുക്കുന്നതെന്നും ആവശ്യംവന്നാല്‍ തെളിയിക്കേണ്ടിടത്ത് ഇതു തെളിയിക്കുമെന്നും അദ്ദേ ഹം പറഞ്ഞു. ഫാഷിസ്റ്റ് സംഘടനയായ ബി.ജെ.പിയോടു കാണിക്കാത്ത വിരോധം എന്തിനാണ് എസ്.ഡി.പി.ഐയോടു കാണിക്കുന്നതെന്നു മനസ്സിലാവുന്നില്ല. മലബാറില്‍ പ്രതിഷേധപ്രകടനങ്ങള്‍ നടത്തുന്നവര്‍ സംഭവത്തിന്റെ സത്യാവസ്ഥ അറിയാന്‍ മണ്ണഞ്ചേരിയിലേക്കു പോവണമെന്നും മജീദ് ഫൈസി ആവശ്യപ്പെട്ടു. ജില്ലാ സെക്രട്ടറി ബഷീര്‍ വേങ്ങര, ജില്ലാ കമ്മിറ്റിയംഗം അഡ്വ. സാദിഖ് നടുത്തൊടി വാര്‍ത്താസമ്മേളനത്തില്‍ പങ്കെടുത്തു.

എസ്.ഡി.പി.ഐ പ്രവര്‍ത്തകനു മര്‍ദ്ദനം: ഏഴു മുസ്‌ലിംലീഗുകാര്‍ക്കെതിരേ കേസ്
ആലപ്പുഴ: ജനകേരളയാത്രയുടെ സപ്ലിമെന്റ് വിതരണംചെയ്യുന്നതിനിടെ എസ്.ഡി.പി.ഐ പ്രവര്‍ത്തകനെ മര്‍ദ്ദിച്ചവശനാക്കിയ സംഭവവുമായി ബന്ധപ്പെട്ട് പഞ്ചായത്തംഗം ഉള്‍പ്പെടെ ഏഴു മുസ്‌ലിംലീഗ് പ്രവര്‍ത്തകര്‍ക്കെതിരേ പോലിസ് കേസെടുത്തു. മണ്ണഞ്ചേരി പൊന്നാട് കാരിക്കാശേരി സാജിദി(20)നെ മര്‍ദ്ദിച്ചതുമായി ബന്ധപ്പെട്ട് മുസ്‌ലിംലീഗ് പ്രവര്‍ത്തകരായ മണ്ണഞ്ചേരി പഞ്ചായത്ത് അഞ്ചാംവാര്‍ഡ് അംഗം ചീയാംവെളിയില്‍ കണ്ടത്തില്‍ ടി എച്ച് നാസര്‍ (42), പാര്‍ത്ഥന്‍ കവല, തെക്കേമുറി ബഷീര്‍ (45), പൊന്നാട് മദ്‌റസാ അധ്യാപകനായ മുഹമ്മദലി ഹുദവി (25), കൂന്തലയ്ക്കല്‍ സഹില്‍ (22), നാലുതറയില്‍ ഇക്ബാല്‍ (42), പാരക്കാശ്ശേരില്‍ ഷെജി എന്നു വിളിക്കുന്ന ഷെജീര്‍ (22), മല്ലംവെളിയില്‍ ഇബ്രാഹിംകുട്ടി മുസ്‌ല്യാര്‍ (65) എന്നിവര്‍ക്കെതിരേയാണു കേസെടുത്തത്. കഴിഞ്ഞദിവസം രാത്രി 8.30ഓടെ മണ്ണഞ്ചേരി ജങ്ഷന് സമീപമായിരുന്നു സംഭവം. എസ്.കെ.എസ്.എസ്.എഫ് മജ്‌ലിസ് ഇന്‍തിസ്വാബ് നാഷനല്‍ ഡലിഗേറ്റ്‌സ് കാംപസിന്റെ സന്ദേശപ്രചാരണജാഥയ്ക്ക് മണ്ണഞ്ചേരിയില്‍ കഴിഞ്ഞദിവസം സ്വീകരണം നല്‍കിയിരുന്നു. പരിപാടി കഴിഞ്ഞശേഷം എസ്.ഡി.പി.ഐയുടെ ജനകേരളയാത്രയുടെ ലഘുലേഖയുമായി ഇവിടെ എത്തിയ സാജിദിന്റെ പക്കല്‍ നിന്നു ബഷീര്‍ ലഘുലേഖ പിടിച്ചുവാങ്ങി നശിപ്പിക്കുകയും ഭീഷണിപ്പെടുത്തുകയും ചെയ്തു. തുടര്‍ന്നു മറ്റു ലീഗ് പ്രവര്‍ത്തകരും എത്തി സാജിദിനെ ആക്രമിക്കുകയായിരുന്നു. ഗുരുതരമായി പരിക്കേറ്റ സാജിദിനെ പിന്നീട് മുഹമ്മ പ്രാഥമികാരോഗ്യകേന്ദ്രത്തില്‍ പ്രവേശിപ്പിച്ചു. പാര്‍ട്ടിയുടെ വളര്‍ച്ചയില്‍ വിറളിപൂണ്ടാണ് ലീഗ് പ്രവര്‍ത്തകര്‍ അക്രമം അഴിച്ചുവിട്ടതെ ന്നും ഈ രീതി ഒരു പാര്‍ട്ടിക്കും ഭൂഷണമല്ലെന്നും എസ്.ഡി.പി.ഐ ആലപ്പുഴ നിയോജകമണ്ഡലം പ്രസിഡന്റ് ടി എ നാസര്‍ കലവൂര്‍ വാര്‍ത്താക്കുറിപ്പില്‍ പറഞ്ഞു. പ്രവര്‍ത്തകനെ ആക്രമിച്ചതിനുശേഷം എസ്.കെ.എസ്.എസ്.എഫ് നടത്തിയ യോഗത്തില്‍ എസ്.ഡി.പി.ഐ പ്രവര്‍ത്തകര്‍ അക്രമം അഴിച്ചുവിടാനും സ്റ്റേജില്‍ കയറാനും ശ്രമിച്ചുവെന്ന നുണപ്രചാരണം ഒരു മതസംഘടനയ്ക്കു യോജിച്ചതല്ലെന്നും അദ്ദേഹം പറഞ്ഞു.

ഈരാറ്റുപേട്ട സമാപന സമ്മേളനം

2010-04-16T21:49:00.001+05:30

യാത്ര കോട്ടയത്ത്‌

2010-04-16T21:48:00.001+05:30

എസ്.ഡി.പി.ഐ അധസ്ഥിതര്‍ക്കു സംരക്ഷണക്കോട്ട തീക്കും: അന്‍ജും ഇനാംദാര്‍

2010-04-16T21:47:00.001+05:30

തൊടുപുഴ: രാജ്യത്തെ പിന്നാക്ക അധസ്ഥിത മുസ്്്‌ലിം മതന്യൂനപക്ഷങ്ങള്‍ക്കു സംരക്ഷണക്കോട്ട തീര്‍ത്ത് സോഷ്യല്‍ ഡമോക്രാറ്റി പാര്‍ട്ടി ഓഫ് ഇന്ത്യ (എസ്.ഡി.പി.ഐ) നിലകൊള്ളുമെന്നു പാര്‍ട്ടി മഹാരാഷ്ട്ര സ്റ്റേറ്റ് വൈസ് പ്രസിഡന്റ് അന്‍ജും ഇനാംദാര്‍. എസ്.ഡി.പി.ഐ ജനകേരളയാത്രയ്ക്കു തൊടുപുഴയില്‍ നല്‍കിയ സ്വീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്തെ പുരോഗതിയിലേക്കു നയിക്കുന്ന മാറ്റത്തിന്റെ ശക്തിയായി പാര്‍ട്ടി നിലകൊള്ളും. ദലിത്, പിന്നാക്ക, അധസ്ഥിത മുസ്്‌ലിം ന്യൂനപക്ഷ വിഭാങ്ങളെ കലാപങ്ങളിലൂടെ കൊന്നൊടുക്കുകയാണ്. ന്യൂനപക്ഷങ്ങളുടെ സംരക്ഷകരായി നിലകൊണ്ടു കലാപകാരികള്‍ക്കെതിരേ പ്രതിരോധ കോട്ട തീര്‍ത്ത് എസ്.ഡി.പി.ഐ രാജ്യത്തു പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു. മുഖ്യധാരാ രാഷ്ട്രീയ പാര്‍ട്ടികള്‍ എസ്.ഡി.പി.ഐക്കെതിരേ നടത്തുന്ന അടിസ്ഥാന രഹിതമായ ആരോപണങ്ങള്‍ക്കു പ്രവര്‍ത്തന വിജയങ്ങളിലൂടെ മറുപടി നല്‍കുമെന്നു യോഗത്തില്‍ സംസാരിച്ച മൂവാറ്റുപുഴ അഷ്‌റഫ് മൗലവി വ്യക്തമാക്കി. മുസ്്‌ലിം ലീഗ് ദുഷ്ട ലാക്കോടെ ആരോപണങ്ങള്‍ ഉന്നയിക്കുന്നുണ്ട്. മുസ്്‌ലിം ലീഗിനു ബദല്‍ എന്നു പറഞ്ഞ് എസ്.ഡി.പി.ഐയെ കൊച്ചാക്കരുത്. പിരിവുകള്‍ക്കുവേണ്ടിയും കീശവീര്‍പ്പിക്കാനും മുസ്്‌ലിം ലീഗ് മറ്റു സംസ്ഥാനങ്ങളില്‍ സന്ദര്‍ശനം നടത്തുമ്പോള്‍, എസ്.ഡി.പി.ഐ അവിടുത്തെ അധസ്ഥിത വിഭാഗത്തിനു സൈ്വര്യജീവിതം കരുപ്പിടിപ്പിക്കാനാവശ്യമായ പ്രവര്‍ത്തനങ്ങള്‍ നടത്തുകയാണ്. ഏതുപാര്‍ട്ടിക്കാരാണോ ആക്ഷേപങ്ങള്‍ ഉന്നയിക്കുന്നത് അവര്‍ക്കു വ്യക്തമായ തെളിവുകളോടെ പാര്‍ട്ടി മറുപടി നല്‍കുമെന്നും അദ്ദേഹം കൂട്ടിച്ചേര്‍ത്തു. സ്വീകരണ യോഗത്തില്‍ പാര്‍ട്ടി ഇടുക്കി ജില്ലാ പ്രസിഡന്റ് കാഞ്ചിയാര്‍ പീതാംബരന്‍ അധ്യക്ഷത വഹിച്ചു. ജാഥാ ക്യാപ്റ്റന്‍ എം കെ മനോജ് കുമാര്‍, പി കെ രാധ, മുഹമ്മദാലി വളാഞ്ചേരി, അലിയാര്‍ വെണ്ണല, തുളസീധരന്‍ പള്ളിക്കല്‍, യൂസഫ് വയനാട്, ഷൈന്‍ മുഹമ്മദ്, പി എച്ച് റഷീദ് മാസ്റ്റര്‍, എം എ നജീബ്, എം എസ് ഹിദായത്തുല്ല, ഷാജി പാടത്തില്‍ സംസാരിച്ചു.

ഫോട്ടോ -

എസ്.ഡി.പി.ഐ ജനകേരളയാത്രയ്ക്കു തൊടുപുഴയില്‍ നല്‍കിയ സ്വീകരണ യോഗം പാര്‍ട്ടി മഹാരാഷ്ട്ര സ്റ്റേറ്റ് വൈസ് പ്രസിഡന്റ് അന്‍ജും ഇനാംദാര്‍ ഉദ്ഘാടനം ചെയ്യുന്നു

കൊല്ലം മേഖലാജാഥ

2010-04-15T00:58:00.001+05:30

എസ്.ഡി.പി.ഐ ജനകേരളായാത്രയുടെ പ്രചരണാര്‍ഥം കൊല്ലം ജില്ലാ കമ്മറ്റിയുടെ നേതൃത്വത്തില്‍ നടക്കുന്ന കൊല്ലം മേഖലാജാഥയുടെ ഒന്നാംദിന പര്യടന സമാപന സമ്മേളനം അഞ്ചാലുംമൂട്ടില്‍ പാര്‍ട്ടി ഇടുക്കി ജില്ലാ പ്രസിഡന്റ് കാഞ്ചിയാര്‍ പീതാംബരന്‍ ഉദ്ഘാടനം ചെയ്യുന്നു

ദലിത്-മുസ്്‌ലിം ഐക്യം തകര്‍ക്കാന്‍ രഹസ്യഅജണ്ട: കാഞ്ചിയാര്‍ പീതാംബരന്‍

2010-04-15T00:56:00.000+05:30

കൊല്ലം: രാജ്യത്തെ ദലിത്-മുസ്്‌ലിം ഐക്യമുന്നേറ്റങ്ങളെ തകര്‍ക്കാന്‍ മുഖ്യധാര രാഷ്ട്രീയപാര്‍ട്ടികള്‍ക്ക് രഹസ്യഅജണ്ടയുണ്ടെന്ന് എസ്.ഡി.പി.ഐ ഇടുക്കി ജില്ലാ പ്രസിഡന്റ് കാഞ്ചിയാര്‍ പീതാംബരന്‍. എസ്.ഡി.പി.ഐ ജനകേരളായാത്രയുടെ പ്രചരണാര്‍ഥം ജില്ലാ കമ്മറ്റിയുടെ നേതൃത്വത്തില്‍ നടക്കുന്ന കൊല്ലം മേഖലാജാഥയുടെ ഒന്നാംദിന പര്യടന സമാപന സമ്മേളനം അഞ്ചാലുംമൂട്്് ഉദ്ഘാടനം ചെയ്യുകയായിരുന്നു.
മുസ്്‌ലിംകളും-ദലിതുകളും ഇന്ത്യയില്‍ ജീവിക്കാന്‍ അര്‍ഹരല്ലെന്നാണ് സംഘപരിവാരം പ്രചരണം നടത്തുന്നത്. രാജ്യത്ത് നടക്കുന്ന സ്‌ഫോടനങ്ങള്‍ കോണ്‍ഗ്രസും, ഉദ്യോഗസ്ഥരിലെ സംഘപരിവാരവിഭാഗവും
മുസ്്‌ലിം യുവാക്കളുടെ തലയില്‍ കെട്ടിവയ്ക്കുകയാണ്്. കിങ്ഫിഷര്‍ വിമാനത്തില്‍ ബോംബ് വച്ചത് മുസ്്‌ലിം തീവ്രവാദികളാണെന്ന തരത്തിലാണ് ആദ്യം പോലിസും മാധ്യമങ്ങളും പ്രചരണം നടത്തിയത്. യഥാര്‍ഥ പ്രതി രാജശേഖരന്‍നായര്‍ പിടിക്കപ്പെട്ടപ്പോള്‍ അയാള്‍ക്ക് മാനസിക വിഭ്രാന്തിയുണ്ടെന്ന് പറഞ്ഞ് രക്ഷപ്പെടുത്താനാണ് പിന്നീട് ഇക്കൂട്ടര്‍ ശ്രമിച്ചത്. സി.പി.എം-ശിവസേന സംയുക്ത ഗൂഡാലോചനയാണ് ഡി.എച്ച്.ആര്‍.എമ്മിനെതിരേ പ്രവര്‍ത്തിച്ചത്. ഒരു കൊലയുടെ പേരില്‍ സംഘടനയുടെ സംസ്ഥാന നേതാക്കളെയടക്കം വിചാരണ കൂടാതെ ജയിലിലടച്ച് പീഡിപ്പിക്കുകയായിരുന്നു. ഗുജറാത്ത് സംഭവത്തില്‍ ക്രിയാത്മ പ്രതിഷേധം രേഖപ്പെടുത്താന്‍ ഒരു രാഷ്ട്രീയപാര്‍ട്ടിയും തയ്യാറായില്ല. കോണ്‍ഗ്രസിന്റെ ശിങ്കിടിയായതിനാല്‍ മുസ്്‌ലിം ലീഗും ന്യൂനപക്ഷവേട്ടക്കെതിരേ പ്രതിഷേധിക്കാന്‍ തയ്യാറാവുന്നില്ലെന്നും അദ്ദേഹം പറഞ്ഞു. ജില്ലാ ജനറല്‍സെക്രട്ടറി എ കെ സലാഹുദീന്‍ ജാഥാ സന്ദേശം നല്‍കി. ജില്ലാ കമ്മറ്റിയംഗം എ കെ ഷെരീഫ്, സിയാദ്കുട്ടി, മുജീബ് റഹ്മാന്‍, മണ്ഡലം സെക്രട്ടറി നിയാസ്, മണ്ഡലം ജോ.സെക്രട്ടറി അബ്ദുറഷീദ്, മണ്ഡലം ഖജാഞ്ചി സിറാജുദീന്‍ കുരീപ്പുഴ സംസാരിച്ചു.

എസ്.ഡി.പി.ഐ ജനകേരളായാത്രയുടെ പ്രചരണാര്‍ഥം കൊല്ലം ജില്ലാ കമ്മറ്റിയുടെ നേതൃത്വത്തില്‍ നടക്കുന്ന കൊല്ലം മേഖലാജാഥയുടെ ഒന്നാംദിന പര്യടന സമാപന സമ്മേളനം അഞ്ചാലുംമൂട്ടില്‍ പാര്‍ട്ടി ഇടുക്കി ജില്ലാ പ്രസിഡന്റ് കാഞ്ചിയാര്‍ പീതാംബരന്‍ ഉദ്ഘാടനം ചെയ്യുന്നു

ബാംഗ്ലൂരിലെ എസ്.ഡി.പി.ഐ യുടെ വിജയം ജനങ്ങളുടെ വിജയം: പ്രഫ. നസ്‌നി ബീഗം

2010-04-15T00:51:00.000+05:30

ആലുവ: 23 വര്‍ഷമായി ഗുണ്ടകളും റൗഡികളും മാത്രം വിജയിച്ചു വരുന്ന ഫാദിയാനപുരത്തു നിന്നും എസ്. ഡി.പി.ഐ സ്ഥാനാര്‍ഥിയായി വിജയിക്കാന്‍ കഴിഞ്ഞത് ജനങ്ങളുടെ വിജയമാണെന്നു ബാംഗ്ലൂര്‍ കോര്‍പറേഷന്‍ കൗണ്‍സിലര്‍ പ്രഫ. നസ്‌നി ബീഗം. ആലുവയിലെ സഹോദരന്‍ അയ്യപ്പന്‍ നഗറില്‍ ജനകേരളാ യാത്രയുടെ സമാപന പൊതുയോഗത്തില്‍ മുഖ്യ അതിഥിയായി പങ്കെടുത്ത് സംസാരിക്കുകയായിരുന്നു അവര്‍. മൂന്നു കോടി രൂപയും കൈയ്യൂക്കും ഗുണ്ടാ ശക്തിയും പ്രയോജനപ്പെടുത്തിയാണ് എതിരാളികള്‍ മല്‍സരിച്ചത്. എന്നാല്‍ ആത്മാര്‍ഥതയുള്ള എസ്.ഡി.പി.ഐ പ്രവര്‍ത്തകരുടെ നീക്കങ്ങള്‍ ജനങ്ങളെ ആകര്‍ഷിച്ചു. അവര്‍ എന്നെ പിന്തുണയ്ക്കുകയും ചെയ്തു. ബാംഗ്ലൂര്‍ വിജയം നമ്മുടെ പാര്‍ട്ടിക്ക്്് ഒരു ചൂണ്ടു പലകയാണ്. ജനകീയ പ്രശ്‌നങ്ങള്‍ ഏറ്റെടുത്തു മുന്നേറിയാല്‍ ഭാവിയില്‍ ഇന്ത്യ ഭരിക്കാനുള്ള അവസരം ജനങ്ങള്‍ നല്‍കും. കേന്ദ്ര, സംസ്ഥാന സര്‍ക്കാരുകള്‍ കര്‍ഷകരെ അവഗണിക്കുകയാണ്. ഈ അവസ്ഥ തുടര്‍ന്നാല്‍ ഭക്ഷണം ലഭിക്കാതെ ജനങ്ങള്‍ പട്ടിണി കിടക്കേണ്ടി വരും. പുതിയ ഒരിന്ത്യ സൃഷ്ടിക്കാനുള്ള ദൗത്യമാണ് നാം ഏറ്റെടുത്തിരിക്കുന്നത്. എല്ലാ ജനവിഭാഗങ്ങള്‍ക്കും സമാധാനപരമായ ജീവിതവും അവസര സമത്വവും തുല്യ നീതിയും ലഭിക്കുന്ന നാടായി ഈ രാജ്യത്തെ മാറ്റണം. അതിനു വേണ്ടിയുള്ള പോരാട്ടം എസ്.ഡി.പി.ഐ തുടരുക തന്നെ ചെയ്യുമെന്ന് അവര്‍ പറഞ്ഞു. സ്വീകരണ പൊതുയോഗം എസ്.ഡി.പി.ഐ കര്‍ണാടക ജനറല്‍ സെക്രട്ടറി അബ്ദുല്‍ ഹന്നാന്‍ ഉദ്ഘാടനം ചെയ്തു. ജില്ലാ പ്രസിഡന്റ് മുഹമ്മദ് അസ്്‌ലം അധ്യക്ഷത വഹിച്ചു. യാത്രയെ ആശീര്‍വദിച്ചു സംസാരിച്ച സമാജ് വാദി പാര്‍ട്ടി അഖിലേന്ത്യാ ജനറല്‍ സെക്രട്ടറി ജോ ആന്റണി എസ്.ഡി.പി.ഐക്കാരെ വര്‍ഗീയ വാദികള്‍ എന്നു വിളിക്കുന്നവര്‍ക്കു ഭ്രാന്താണെന്നു കുററപ്പെടുത്തി. യഥാര്‍ഥ വര്‍ഗീയവാദികള്‍ ബാബരി മസ്ജിദ് തകര്‍ത്ത സംഘപരിവാര ശക്തികളാണെന്നും പ്രവര്‍ത്തകരുടെ കൈയടികള്‍ക്കിടയില്‍ അദ്ദേഹം പറഞ്ഞു. മുസ്്‌ലിം ലീഗ് മുസ്്‌ലിം സമൂഹത്തിന്റെ ജീവല്‍ പ്രശ്‌നങ്ങളോടു മുഖം തിരിഞ്ഞു നില്‍ക്കുകയാണെന്നും ജോ ആന്റണി പറഞ്ഞു. ഡി. എച്ച് .ആര്‍.എം സംസ്ഥാന ഓര്‍ഗനൈസര്‍ വേളമാനൂര്‍ ഉണ്ണി, ജാഥാ ക്യാപ്റ്റന്‍ എം കെ മനോജ് കുമാര്‍, വൈസ് ക്യാപ്റ്റന്‍ മൂവാറ്റുപുഴ അശ്്‌റഫ് മൗലവി, യാത്രാ ഡയറക്ടര്‍ യൂസഫ് വയനാട്, സംസ്ഥാന സമിതി അംഗങ്ങളായ കെ മുഹമ്മദാലി, തുളസീധരന്‍ പള്ളിക്കല്‍, അഡ്വ. വി എസ് സലീം, ഒ അലിയാര്‍, പോപുലര്‍ ഫ്രണ്ട് എറണാകുളം ജില്ലാ പ്രസിഡന്റ് മനാഫ് കൊച്ചി, എസ്.ഡി.പി.ഐ ജില്ലാ സെക്രട്ടറി കെ ഐ ഹരി സംസാരിച്ചു. ജനകേരളാ യാത്രയെ റെയില്‍വേ സ്റ്റേഷന്‍ പരിസരത്തേയ്ക്ക് ജനങ്ങള്‍ പ്രകടനമായി ആനയിച്ചു കൊണ്ടുവരികയായിരുന്നു. നാടന്‍ കലാരൂപങ്ങളായ തെയ്യത്തിന്റേയും ശിങ്കാരി മേളത്തിന്റേയും ദഫിന്റേയും അകമ്പടിയോടെയായിരുന്നു. ആയിരക്കണക്കിനാളുകള്‍ പ്രകടനത്തില്‍ അണിനിരന്നു. പൊതുയോഗം ശ്രവിക്കാനും ധാരാളം പേര്‍ എത്തിയിരുന്നു.

ആലുവയില്‍ നടന്ന എസ്.ഡി.പി.ഐ ജനകേരളയാത്ര സമാപന സമ്മേളനത്തില്‍ ബാഗ്ലൂര്‍ മുനിസിപ്പല്‍ കൗണ്‍സിലര്‍ നസ്‌നി ബീഗം സംസാരിക്കുന്നു

സയണിസ്റ്റ്-മാര്‍ക്‌സിസ്റ്റ് കൂട്ടായ്മ രൂപപ്പെടുന്നതായി അഷ്‌റഫ് മൗലവി

2010-04-14T21:11:00.002+05:30

നോര്‍ത്ത് പറവൂര്‍: ദേശീയരാഷ്ട്രീയത്തില്‍ സംഘപരിവാര-മാര്‍ക്‌സിസ്റ്റ്-ഫാഷിസ്റ്റ് കൂട്ടായ്മയ്മ രൂപപ്പെട്ടതായി എസ്.ഡി.പി.ഐ ജനകേരളയാത്രാ വൈസ് ക്യാപ്റ്റന്‍ മുവാറ്റുപുഴ അഷ്‌റഫ മൗലവി. എറണാകുളം ജില്ലയിലേക്ക് പ്രവേശിച്ച യാത്രയ്ക്ക് തന്മനത്ത് നല്‍കിയ സ്വീകരണത്തില്‍ പ്രസംഗിക്കുകയായിരുന്നു അദ്ദേഹം. കഴിഞ്ഞ ദിവസം കൊല്‍ക്കത്തയില്‍ ഇസ്രായേല്‍ അംബാസഡര്‍ മാര്‍ക് സോഫര്‍ ബംഗാള്‍ മുഖ്യമന്ത്രി ബുദ്ധദേവ് ഭട്ടാചാര്യയുമായി മണിക്കൂറുകളോളം ചര്‍ച്ച നടത്തിയ കാര്യം അദ്ദേഹം ചൂണ്ടിക്കാട്ടി. എന്നും യാസിര്‍ അറഫാത്തിന്റെ ഫലസ്തീനോടൊപ്പം നിന്ന ഇന്ത്യയില്‍ നിന്ന് ആദ്യമായി ഇസ്രായേല്‍ സന്ദര്‍ശിച്ചത് ബംഗാള്‍ മുഖ്യമന്ത്രി ജ്യോതിബസുവായിരുന്നു. ജൂതരാഷ്ട്രം രാജ്യത്ത് ഏറ്റവും കൂടുതല്‍ മുതല്‍മുടക്കിയതും ബംഗാളിലായിരുന്നു- മൗലവി പറഞ്ഞു. ദലിത് അവകാശപ്പോരാട്ടങ്ങള്‍ക്കു നേതൃത്വം നല്‍കിയ പണ്ഡിറ്റ് കറുപ്പന്റെയും സഹോദരന്‍ അയ്യപ്പന്റെയും അയ്യങ്കാളിയുടെയും കര്‍മഭൂമി ആവേശത്തോടെയാണ് മധ്യകേരളത്തില്‍ യാത്രയെ എതിരേറ്റത്. ജില്ലാ അതിര്‍ത്തിയായ മൂത്തകുന്നം ഫെറിയില്‍ തെയ്യത്തിന്റെയും പുലികളിയുടെയും കോല്‍ക്കളിയുടെയും ദഫ്മുട്ടിന്റെയും അകമ്പടിയോടെയായിരുന്നു സ്വീകരണം. എം കെ മനോജ് കുമാര്‍ നയിക്കുന്ന ജാഥയില്‍ ജോയിന്റ് ഡയറക്ടര്‍ യൂസുഫ് വയനാട്, സംസ്ഥാന സമിതി അംഗങ്ങളായ അഡ്വ. വി എസ് സലീം, തുളസീധരന്‍ പള്ളിക്കല്‍, ഒ അലിയാര്‍, കെ മുഹമ്മദലി എന്നിവര്‍ക്കു പുറമേ എസ്.ഡി.പി.ഐ എറണാകുളം ജില്ലാ പ്രസിഡന്റ് പി എ മുഹമ്മദ് അസ്‌ലം, ജനറല്‍ സെക്രട്ടറി പി പി മൊയ്തീന്‍കുഞ്ഞ്, സെക്രട്ടറി കെ ഐ ഹരി, ഖജാഞ്ചി നവാബ്ജാന്‍, ജില്ലാ സമിതിയംഗങ്ങളായ കെ പി ഹനീഫ, ഷൈന്‍ മുഹമ്മദ്, അജ്മല്‍ കെ മുജീബ്, പി എ നാസര്‍, കരീം മീരാന്‍ തുടങ്ങിയവരുമുണ്ടായിരുന്നു. നോര്‍ത്ത് പറവൂരില്‍ പി എ ശിഹാബുദ്ദീന്‍ മന്നം, നവാബ്ജാന്‍ സംസാരിച്ചു. എടവനക്കാട്ട് കെ ഐ ഹരി അധ്യക്ഷത വഹിച്ചു. താജുദ്ദീന്‍, യഹ്‌യ സംസാരിച്ചു. ജാഥാസന്ദേശം നല്‍കിയ യൂസുഫ് വയനാട് സാധാരണക്കാരന്റെ പ്രശ്‌നങ്ങളില്‍ ഒരു കാലത്തും ആത്മാര്‍ഥത കാണിക്കാത്ത രാഷ്ട്രീയപ്രസ്ഥാനങ്ങളാണ് ഇന്ത്യയിലുള്ളതെന്നു കുറ്റപ്പെടുത്തി. വൈപ്പിന്‍ ജങ്കാര്‍ വഴി കൊച്ചിയിലേക്കു പ്രവേശിച്ച യാത്രയ്ക്കു മട്ടാഞ്ചേരി കപ്പലണ്ടിമുക്കില്‍ സ്വീകരണം നല്‍കി. അസീം മട്ടാഞ്ചേരി, എ അസീസ് സംസാരിച്ചു. പള്ളുരുത്തി തങ്ങള്‍ നഗറില്‍ നസീര്‍ കുമ്പളം, എം എച്ച് അനസ്, തുളസീധരന്‍ പള്ളിക്കല്‍ സംസാരിച്ചു. നെട്ടൂരില്‍ സി എം സുലൈമാന്‍, പി കെ നസീര്‍, കെ മുഹമ്മദലി പ്രസംഗിച്ചു. സംസ്ഥാന സമിതിയംഗം ഒ അലിയാര്‍ നവജാഗരണ രാഷ്ട്രീയം പറയുന്ന പുതിയ പാര്‍ട്ടിയെ എല്ലാവരും ശത്രുപക്ഷത്തു നിര്‍ത്തി ആക്രമിക്കുകയാണെന്നു പറഞ്ഞു. തമ്മനത്തെ സ്വീകരണ സമ്മേളനത്തില്‍ കെ പി ഹനീഫ, അബ്ദുല്‍ മജീദ് തമ്മനം, അബ്ദുസ്സലാം സംസാരിച്ചു. ജനകേരളയാത്രയ്ക്ക് അഭിവാദ്യമര്‍പ്പിക്കാന്‍ ഷീബാ സക്കീര്‍, സൈനബ എന്നിവരുടെ നേതൃത്വത്തിലുള്ള നാഷനല്‍ വിമന്‍സ് ഫ്രണ്ട് പ്രവര്‍ത്തകരുമെത്തിയിരുന്നു. കളമശ്ശേരിയില്‍ ഷൈന്‍ മുഹമ്മദ്, സുല്‍ഫിക്കര്‍ അലി സംസാരിച്ചു. ആലുവയില്‍ പൊതുസമ്മേളനത്തോടെ ജില്ലയിലെ ആദ്യ ദിവസത്തെ പര്യടനം പൂര്‍ത്തിയായി. ഇന്നു രാവിലെ 9ന് പള്ളിക്കരയില്‍ നിന്നാരംഭിക്കുന്ന രണ്ടാം ദിവസത്തെ പര്യടനം തൊടുപുഴയില്‍ സമാപിക്കും.

തന്മനത്ത് സ്വീകരണം

2010-04-14T21:10:00.000+05:30

ജലകേരള യാത്ര

2010-04-14T18:28:00.001+05:30

വൈപ്പിന്‍ കരയില്‍ നിന്ന് ജങ്കാറില്‍ ജനകേരളയാത്ര കൊച്ചിയിലേക്ക്‌

ജനകേരള യാത്ര ഇന്ന് എറണാകുളം ജില്ലയില്‍

2010-04-14T01:37:00.001+05:30

കൊച്ചി: ‘'വിശപ്പില്‍നിന്നും മോചനം, ഭയത്തി്വല്‍ നിന്നും മോചനം'’ എന്ന മുദ്രാവാക്യമുയര്‍ത്തി സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ(എസ്.ഡി.പി.ഐ) നടത്തുന്ന ജനകേരള യാത്ര ഇന്ന് എറണാകുളം ജില്ലയില്‍ പ്രവേശിക്കും. ജില്ലാ അതിര്‍ത്തിയായ പറവൂര്‍ മൂത്തകുന്നത്ത് രാവിലെ 8.30നു ജില്ലാ ഭാരവാഹികളുടെ നേതൃത്വത്തില്‍ യാത്രക്കു വരവേല്‍പ്പു നല്‍കും. വാദ്യമേളങ്ങളുടെയും നൂറുകണക്കിനു വാഹനങ്ങളുടെയും അകമ്പടിയോടെയാണു ജില്ലയിലേക്ക് യാത്രയെ ആനയിക്കുന്നത്. 14,15 തിയ്യതികളിലായി ജില്ലയില്‍ 16 കേന്ദ്രങ്ങളില്‍ സ്വീകരണമൊരുക്കിയിട്ടുണ്ട്. പറവൂര്‍, എടവനക്കാട്, കൊച്ചി, പള്ളുരുത്തി, നെട്ടൂര്‍, തമ്മനം, കളമശ്ശേരി എന്നിവിടങ്ങളിലെ സ്വീകരണത്തിനു ശേഷം ആദ്യദിവസത്തെ സമാപന സമ്മേളനം ആലുവയില്‍ നടക്കും. ആലുവയില്‍ നടക്കുന്ന സമാപന സമ്മേളനം എസ്.ഡി.പി.ഐ കര്‍ണാടക സംസ്ഥാന ജനറല്‍ സെക്രട്ടറി അബ്ദുല്‍ ഹന്നാന്‍ ഉദ്ഘാടനം ചെയ്യും. ബാംഗ്ലൂര്‍ കോര്‍പറേഷന്‍ കൗണ്‍സിലിലേയ്ക്കു വിജയിച്ച എസ്.ഡി.പി.ഐ പ്രതിനിധി പ്രഫ. തസ്‌നി ബീഗം മുഖ്യാതിഥിയായിരിക്കും. ജാഥാ ക്യാപ്റ്റന്‍ എം കെ മനോജ് കുമാര്‍, വൈസ് ക്യാപ്റ്റന്‍ മൂവാറ്റുപുഴ അശ്‌റഫ് മൗലവി, എസ്.ഡി.പി.ഐ സംസ്ഥാന പ്രസിഡന്റ് അഡ്വ. കെ പി മുഹമ്മദ് ശെരീഫ്, സംസ്ഥാന സെക്രട്ടറിമാരായ വി ടി ഇക്‌റാമുല്‍ ഹഖ്, പി കെ രാധ, സംസ്ഥാന സമിതി അംഗം തുളസീധരന്‍ പള്ളിക്കല്‍, മറ്റു ദലിത്-പിന്നാക്ക നേതാക്കളും സംബന്ധിക്കും. 15നു പള്ളിക്കര, പട്ടിമറ്റം, പോഞ്ഞാശ്ശേരി, പെരുമ്പാവൂര്‍, നെല്ലിക്കുഴി, അടിവാട്, മൂവാറ്റുപുഴ എന്നിവിടങ്ങളിലെ സ്വീകരണങ്ങള്‍ക്കുശേഷം തൊടുപുഴയില്‍ സമാപിക്കും.
യാത്രയുടെ ജില്ലയിലെ പര്യടനം ചരിത്ര സംഭവമാക്കിമാറ്റുന്നതിനുള്ള ഒരുക്കങ്ങള്‍ പൂര്‍ത്തിയായതായി എസ്.ഡി.പി.ഐ ജില്ലാ പ്രസിഡന്റ് പി എ മുഹമ്മദ് അസ്‌ലം, ജനറല്‍ സെക്രട്ടറി പി പി മൊയ്തീന്‍ കുഞ്ഞ്, സെക്രട്ടറി കെ ഐ ഹരി, പബ്ലിസിറ്റി കണ്‍വീനര്‍ അജ്മല്‍ കെ മുജീബ് വാര്‍ത്താസമ്മേളനത്തില്‍ അറിയിച്ചു.

യാത്രാ ഷെഡ്യൂള്‍
മൂത്തകുന്നം (8.30), പറവൂര്‍ (9.00), എടവനക്കാട് ചാത്തങ്ങാട് ബസാര്‍ (10.00), കൊച്ചി (കപ്പലണ്ടിമുക്ക്്-12.30), പള്ളുരുത്തി തങ്ങള്‍ നഗര്‍ (3.30), നെട്ടൂര്‍ (5.00), തമ്മനം (6.00), കളമശ്ശേരി (7.00), സമാപനം ആലുവ (8.00).

എസ്.ഡി.പി.ഐ കൊട്ടാരക്കര, കരുനാഗപ്പള്ളി മേഖലാജാഥകള്‍ക്ക് ഹൃദ്യമായ സ്വീകരണം

2010-04-14T01:29:00.000+05:30

കൊല്ലം: എസ്.ഡി.പി.ഐ ജനകേരളായാത്രയുടെ പ്രചരണാര്‍ഥം പാര്‍ട്ടി കൊല്ലം ജില്ലാകമ്മറ്റിയുടെ ആഭിമുഖ്യത്തില്‍ ആരംഭിച്ച കൊട്ടാരക്കര, കരുനാഗപ്പള്ളി മേഖലാജാഥകള്‍ രണ്ടാം ദിനം പിന്നിട്ടു. കൊല്ലം മേഖലാ ജാഥ ഇന്നാരംഭിക്കും.
ഇന്നലെ രാവിലെ കാരാളിമുക്കില്‍ നിന്ന് ആരംഭിച്ച കരുനാഗപ്പള്ളി മേഖലാജാഥ വിളന്തറ, ഐ.സി.എസ് ജങ്ഷന്‍, മൈനാഗപ്പള്ളി, ആനൂര്‍ക്കാവ്, പതാരം, ശാസ്താംകോട്ട, ഭരണിക്കാവ്, സിനിമാപ്പറമ്പ്, ശാസ്താംനട, ചിറ, പാറയില്‍മുക്ക്, മയ്യത്തുംകര, പെരുംചേരിവിളമുക്ക്, കൊച്ചുതെരുവ്, ശൂരനാട് എച്ച്.എസ് ജങ്ഷന്‍, പാറക്കടവ് വഴി ചക്കുവള്ളിയില്‍ സമാപിച്ചു. തുടര്‍ന്ന് നടന്ന സമാപന സമ്മേളനം പാര്‍ട്ടി സംസ്ഥാന സെക്രട്ടറി പി കെ രാധ ഉദ്ഘാടനം ചെയ്തു. ദലിത്-ന്യൂനപക്ഷങ്ങളുടെ ഉയിര്‍ത്തെഴുന്നേല്‍പ്പായിരിക്കും എസ്.ഡി.പി.ഐയിലൂടെ രാജ്യം കാണാന്‍പോവുന്നതെന്ന് പി കെ രാധ പ്രഖ്യാപിച്ചു. കുത്തകമുതലാളിമാരുടെ പാദസേവകരായി രാഷ്ട്രീയപാര്‍ട്ടികള്‍ മാറി. സാധാരണക്കാരുടെ പ്രശ്‌നങ്ങള്‍ പരിഹരിക്കുന്നതിന്്്്്് മുഴുവന്‍ ജനങ്ങളും എസ്.ഡി.പിയോടൊപ്പം അണിനിരക്കണമെന്നും അവര്‍ പറഞ്ഞു. മണ്ഡലം ജനറല്‍ സെക്രട്ടറി പി എച്ച് അജി അധ്യക്ഷത വഹിച്ചു. ജില്ലാ സെക്രട്ടറി കബീര്‍ പോരുവഴി, മണ്ഡലം പ്രസിഡന്റ് പി വി ഷെരീഫ്, ജാഥാ ഡയറക്ടര്‍ ഷമീര്‍ കരുനാഗപ്പള്ളി, എസ്്് എ റഹിം, തൊളിക്കല്‍ മധുസൂദനന്‍, നജിം മൗലവി, നേമം റഹിം സംസാരിച്ചു. ചൂണ്ടയില്‍ നിന്നാരംഭിച്ച കൊട്ടാരക്കര മേഖലാജാഥ മഞ്ഞപ്പാറ, കോട്ടുക്കല്‍, അഞ്ചല്‍, കരുകോണ്‍, ഏരൂര്‍, കുളത്തുപുഴ, തെന്മല, കഴുതുരുട്ടി, ഇടമണ്‍ 34, വാളക്കോട് വഴി പുനലൂരില്‍ സമാപിച്ചു. തുടര്‍ന്ന് നടന്ന സമാപന സമ്മേളനം പാര്‍ട്ടി ജില്ലാ കമ്മറ്റിയംഗം കടയ്ക്കല്‍ ജലീല്‍ ഉദ്ഘാടനം ചെയ്തു. പിന്നാക്ക ജനതയുടെ രാഷ്ട്രീയശാക്തീകരണമാണ് എസ്.ഡി.പി.ഐ ലക്ഷ്യമിടുന്നത്. പിന്നാക്ക ജനതയെ മുഖ്യധാരാ രാഷ്ട്രീയപ്രസ്ഥാനങ്ങള്‍ അവഗണിക്കുകയാണെന്നും അദ്ദേഹം പറഞ്ഞു. പാര്‍ട്ടി പുനലൂര്‍ നിയോജക മണ്ഡലം പ്രസിഡന്റ് കുളത്തൂപുഴ സലിം മൗലവി അധ്യക്ഷത വഹിച്ചു. ജില്ലാ പ്രസിഡന്റ് അഡ്വ.നസീബ് എ റസാക്ക്്്, ദലിത് രാഷ്ട്രീയ പ്രവര്‍ത്തകന്‍ മഹേഷ് മാങ്കോട്, പാര്‍ട്ടി ചടയമംഗലം നിയോജകമണ്ഡലം വൈസ് പ്രസിഡന്റ് നാസര്‍ കാരിച്ചിറ, റാഫി ചൂണ്ട, ഷറാഫത്ത് മല്ലം സംസാരിച്ചു.

കൊല്ലം മേഖലാജാഥയ്ക്ക് ഇന്ന് തുടക്കം
കൊല്ലം: എസ്.ഡി.പി.ഐ ജനകേരളായാത്രയുടെ പ്രചരണാര്‍ഥമുള്ള കൊല്ലം മേഖലജാഥ ഇന്ന്്് രാവിലെ ഒമ്പതിന് കാവനാട് ജങ്ഷനില്‍ നിന്ന് ആരംഭിക്കും. സംസ്ഥാന ഖജാഞ്ചി എ എ ഷാഫി ജാഥാ ക്യാപ്റ്റന്‍ എ കെ സലാഹുദ്ദീന് പതാക കൈമാറി ഉദ്ഘാടനം ചെയ്യും. ജാഥ മുതിരപ്പറമ്പ്, ജോനകപ്പുറം, പള്ളിത്തോട്ടം, ബീച്ച്, രണ്ടാംകുറ്റി, മൂന്നാംകുറ്റി, ചുമടുതാങ്ങി ജങ്ഷന്‍, കരിക്കോട്, ചന്ദനത്തോപ്പ്, പത്തായക്കല്ല്, ചിറയില്‍ തൈക്കാവ്മുക്ക്, അഞ്ച്മുക്ക്, താന്നിക്കമുക്ക്, കരുവ, കാഞ്ഞാവെളി, കുരീപ്പുഴ വഴി വൈകീട്ട് ഏഴിന് അഞ്ചാലുംമൂട് ജങ്ഷനില്‍ സമാപിക്കും. സമാപന സമ്മേളനം എസ്.ഡി.പി.ഐ ഇടുക്കി ജില്ലാ പ്രസിഡന്റ് കാഞ്ചിയാര്‍ പീതാംബരന്‍ ഉദ്ഘാടനം ചെയ്യും. ഇന്ന് കരുനാഗപ്പള്ളിയില്‍ നിന്നാരംഭിക്കുന്ന കരുനാഗപ്പള്ളി മേഖലാജാഥയുടെ മൂന്നാംദിന പര്യടനം കോഴിക്കോട്, മരുതൂര്‍കുളങ്ങര, കരുനാഗപ്പള്ളി മാര്‍ക്കറ്റ്, ഇടക്കുളങ്ങര, വെളുത്തമണല്‍, കാരൂര്‍ക്കടവ്, മാലുമേല്‍, തൊടിയൂര്‍, അരുമത്തുമഠം, മണപ്പള്ളി, കുറ്റിപ്പുറം, വട്ടപറമ്പ്, ചിറ്റുമൂല, പള്ളിമുക്ക്, പുതിയകാവ്, കൊച്ചാലുമൂട്, ക്ലാപ്പന, വലിയകുളങ്ങര വഴി ഓച്ചിറയില്‍ സമാപിക്കും. കൊട്ടാരക്കര മേഖലാജാഥയുടെ മൂന്നാം ദിനപര്യടനം പുനലൂര്‍ കാര്യറയില്‍ നിന്നാരംഭിച്ച് പത്തനാപുരം, കുന്നിക്കോട്്് ചുറ്റി തലച്ചിറയില്‍ സമാപിക്കും.

എസ്.ഡി.പി.ഐ കരുനാഗപ്പള്ളി മേഖലാജാഥയുടെ രണ്ടാം ദിന പര്യടന സമാപന സമ്മേളനം ചക്കുവള്ളിയില്‍ പാര്‍ട്ടി സംസ്ഥാന സെക്രട്ടറി പി കെ രാധ ഉദ്ഘാടനം ചെയ്യുന്നു

തൃശൂരില്‍ ആവേശപ്പൂരമായി ജനകേരള യാത്ര

2010-04-13T22:18:00.002+05:30

ചേലക്കര(തൃശൂര്‍): സാംസ്‌കാരിക തലസ്ഥാനത്തിന്റെ ഹൃദയത്തുടിപ്പുകള്‍ ഏറ്റുവാങ്ങി എസ്.ഡി.പി.ഐ ജനകേരളയാത്ര ഇന്നലെ രാവിലെ തൃശൂര്‍ ജില്ലയില്‍ പ്രവേശിച്ചു. ചെറുതുരുത്തിയില്‍ ശിങ്കാരിമേളത്തിന്റേയും പട്ടുകുടകളുടേയും അകമ്പടിയോടെ കടന്നുവന്ന യാത്രയെ ജാഥാ ക്യാപ്റ്റനും എസ്.ഡി.പി.ഐ സംസ്ഥാന ജനറല്‍ സെക്രട്ടറിയുമായ എം കെ മനോജ്കുമാര്‍, വൈസ് ക്യാപ്റ്റന്‍ മൂവാറ്റുപുഴ അശ്‌റഫ് മൗലവി, സംസ്ഥാന സമിതി അംഗങ്ങളായ തുളസീധരന്‍പള്ളിക്കല്‍, യഹ്‌യാ തങ്ങള്‍, യൂസഫ് വയനാട് എന്നിവരാണു നയിച്ചത്. എസ്.ഡി.പി.ഐ ജില്ലാ പ്രസിഡന്റ് പി കെ ഉസ്മാന്‍, ജനറല്‍ സെക്രട്ടറി സിയാദ് എറിയാട് എന്നിവര്‍ സ്വീകരണങ്ങള്‍ക്കു നേതൃത്വം നല്‍കി. നൂറോളം ബൈക്കുകളും അമ്പതോളം കാറുകളും യാത്രയ്ക്ക് അകമ്പടി സേവിച്ചു.
ഗ്രാമപ്രദേശങ്ങളെ ഇളക്കി മറിച്ച് മുന്നേറിയ യാത്ര രാത്രിയില്‍ കൊടുങ്ങല്ലൂരില്‍ സമാപിച്ചു. തലചായ്ക്കാന്‍ ഒരു തുണ്ടു ഭൂമി ചോദിക്കുന്നവരോട് കേന്ദ്ര-സംസ്ഥാന സര്‍ക്കാരുകള്‍ രാജ്യത്തിന്റെ ശത്രുക്കളെന്നപോലെയാണ് പെരുമാറുന്നതെന്ന് ചേലക്കരയില്‍ ജാഥാ സന്ദേശം നല്‍കിയ തുളസീധരന്‍ പള്ളിക്കല്‍ ചൂണ്ടിക്കാട്ടി. കെ പി ഷഫീക്ക്, അബ്ദുള്ളക്കുട്ടി ചേലക്കര സംസാരിച്ചു.
ഓട്ടുപാറയിലെ രണ്ടാമത്തെ സ്വീകരണത്തിനും സ്ത്രീകളടക്കം ധാരാളം പേര്‍ എത്തിയിരുന്നു. എസ്.ഡി.പി.ഐ ഇന്ത്യയുടെ രാഷ്ട്രീയ സമവാക്യങ്ങളെ പുനര്‍നിര്‍ണയിക്കുമെന്നും ഈ യാത്ര തലസ്ഥാനത്ത് എത്താതിരിക്കാനുള്ള ഗൂഢാലോചനകള്‍ നടന്നുവരുന്നതായും ജാഥാ ക്യാപ്റ്റന്‍ എം കെ മനോജ്കുമാര്‍ ചൂണ്ടിക്കാട്ടി. ജലീല്‍ കരുതക്കാട്, കാദര്‍ പനങ്ങാട്ടുകര സംസാരിച്ചു.
തൃശൂര്‍ നഗരത്തില്‍ നടന്ന സ്വീകരണസമ്മേളനത്തില്‍ ആയിരക്കണക്കിനാളുകളാണ് എത്തിയത്. ഇന്ത്യയുടെ ജനാധിപത്യം സവര്‍ണ സര്‍വാധിപത്യത്തിന് വഴിമാറിയിരിക്കുന്നതായി മൂവാറ്റുപുഴ അശ്‌റഫ് മൗലവി ആരോപിച്ചു. പണമില്ലാത്തവന് വഴി നടക്കാന്‍ പോലും പറ്റാത്ത അവസ്ഥയാണുള്ളത്. സവര്‍ണ പാര്‍ട്ടി നേതൃത്വം പറയുന്നിടത്ത് മൂക്കു കൊണ്ട ക്ഷ വരക്കുന്നവരാണ് പ്രമുഖ പാര്‍ട്ടിയിലെ ദലിത്-ന്യൂനപക്ഷ പ്രതിനിധികള്‍. ഒ പി നൗഷാദ്, ആര്‍ പി അബ്ദുല്‍ അനീസ് സംസാരിച്ചു.
കുന്നംകുളത്തെത്തിയപ്പോഴേക്കും യാത്ര വന്‍ ജനപ്രവാഹമായി മാറിക്കഴിഞ്ഞിരുന്നു. ആദിവാസികളും ദലിതരും ഇനി അവകാശങ്ങള്‍ ചോദിക്കുന്നവരല്ല കൊടുക്കുന്നവരായി മാറാന്‍ പോകുകയാണെന്ന് ജാഥാ സന്ദേശം നല്‍കിയ യഹ്‌യാ തങ്ങള്‍ പറഞ്ഞു. കബീര്‍ പഴുന്നാന, കെ എം ഇക്ബാല്‍ സംസാരിച്ചു.
ചാവക്കാട്ട് ബി.എസ്.പി ജില്ലാ പ്രസിഡന്റ് കാരാട്ട് പ്രകാശ്, ദേശീയപാത ബി.ഒ.ടി വിരുദ്ധ ആക്ഷന്‍കൗണ്‍സില്‍ പ്രതിനിധി സിദ്ദിഖ്, എന്‍.സി.എച്ച്.ആര്‍.ഒ കോഴിക്കോട് ജില്ലാ പ്രസിഡന്റ് മോയിന്‍ബാപ്പു, ഗ്രോവാസു തുടങ്ങിയവര്‍ സംബന്ധിച്ചു. പൊന്നാനിയിലെ ട്രാവല്‍ ഏജന്‍സി ഹജ്ജ് യാത്രയുടെ പേരില്‍ വിശ്വാസികളില്‍ നിന്നും വാങ്ങിയ തുക തിരിച്ചു നല്‍കാന്‍ നടപടി സ്വീകരിക്കണമെന്നാവശ്യപ്പെട്ട് മോയിന്‍ബാബു ജാഥാ ക്യാപ്റ്റന് നിവേദനം നല്‍കി. മുന്‍ കമ്യൂണിസ്റ്റായ താന്‍ ഇനി മരണം വരെ എസ്.ഡി.പി.ഐയുടെ അനുയായി ആയിരിക്കുമെന്ന് ഗ്രോവാസു പറഞ്ഞപ്പോള്‍ ശ്രോതാക്കള്‍ ഹര്‍ഷാരവം മുഴക്കി. മര്‍ദ്ദിതരെ വിമോചിപ്പിക്കുവാനുള്ള എസ്.ഡി.പി.ഐയുടെ നയങ്ങള്‍ വിജയം കാണുമെന്നും അദ്ദേഹം പറഞ്ഞു. ഹുസൈന്‍ ആഷ്മി, മജീദ് മന്ദലാംകുന്ന് സംസാരിച്ചു.
പാവറട്ടിയില്‍ സ്വീകരണ യോഗത്തിനിടെ ആസ്റ്റിന്‍ തരകനും വിശ്വംഭരനും എസ്.ഡി.പി.ഐ അംഗത്വം സ്വീകരിച്ചു. തൃപ്രയാറില്‍ സംസ്ഥാന പ്രസിഡന്റ് അഡ്വ കെ പി മുഹമ്മദ് ശെരീഫ് ഉദ്ഘാടനം ചെയ്തു. സുബ്രഹ്മണ്യന്‍ നാട്ടിക സംസാരിച്ചു. മൂന്നു പിടീകയില്‍ സിദ്ദിക്, റാഫി മൂന്നു പീടിക സംസാരിച്ചു.
ജനകേരളയാത്രയുടെ ജില്ലയിലെ പര്യടനം വന്‍ പൊതുസമ്മേളനത്തോടെ കൊടുങ്ങല്ലൂരില്‍ സമാപിച്ചു. ഇന്ന് എറണാകുളം ജില്ലയില്‍ പ്രവേശിക്കുന്ന യാത്ര നോര്‍ത്ത്പറവൂരില്‍ നിന്നാരംഭിച്ച് കളമശേരിയില്‍ സമാപിക്കും.

തൃശൂര്‍ സ്വീകരണം

2010-04-13T22:06:00.000+05:30

തൃശൂര്‍ കോര്‍പറേഷനില്‍ നല്‍കിയ സ്വീകരണത്തില്‍ മൂവാറ്റുപുഴ അഷ്‌റഫ് മൗലവി സംസാരിക്കുന്നു

എസ്.ഡി.പി.ഐയുടെ പോരാട്ടങ്ങളെ പിന്തുണക്കുമെന്ന് ഗ്രോവാസു

2010-04-13T22:03:00.001+05:30

ചാവക്കാട്: എസ്.ഡി.പി.ഐ.യുടെ സമരപോരാട്ടങ്ങളെ മരണം വരെ പിന്തുണയ്ക്കുമെന്ന് ഗ്രോവാസു. എസ്.ഡി.പി.ഐ. ജനകേരളയാത്രയ്ക്ക് ചാവക്കാട് നല്‍കിയ സ്വീകരണ യോഗത്തില്‍ ആശംസകളര്‍പ്പിച്ച് സംസാരിക്കുകയായിരുന്നു അദ്ദേഹം. കേരളത്തില്‍ അരങ്ങേറുന്ന മനുഷ്യാവകാശ പ്രശ്‌നങ്ങള്‍ക്കു നേരെ മറ്റു രാഷ്ട്രീയ പാര്‍ട്ടികള്‍ കണ്ണടയ്ക്കുമ്പോള്‍ ഇരകള്‍ക്കുവേണ്ടി എസ്.ഡി.പി.ഐ നടത്തുന്ന പ്രവര്‍ത്തനങ്ങള്‍ ശ്ലാഘനീയമാണ്. ന്യൂനപക്ഷങ്ങളും ദലിതരുമടക്കം നിരവധി പേര്‍ സംസ്ഥാനത്ത് പോലീസിന്റെ ക്രൂര മര്‍ദ്ദനങ്ങള്‍ക്ക് വിധേയമായിക്കൊണ്ടിരിക്കുന്നു. പോലീസിന്റെ ഇത്തരം ക്രൂരതകള്‍ ഭരണാധികാരിയുടെ മൗനാനുവാദത്തോടെയാണ് നടക്കുന്നത്. ഏറെ പ്രതീക്ഷയോടെയാണ് ദേശീയ രാഷ്ട്രീയരംഗത്തേക്ക് എസ്.ഡി.പി.ഐ.യെ ജനങ്ങള്‍ നോക്കിക്കാണുന്നതെന്നും അതുകൊണ്ടുതന്നെ ജനകീയപ്രശ്‌നങ്ങളില്‍ ഇടപെട്ട്് ജനങ്ങളുടെ വിശ്വാസം എസ്.ഡി.പി.ഐ. നേതൃത്വം കാക്കണമെന്നും അദ്ദേഹം പറഞ്ഞു.

പൂരങ്ങളുടെ നാട്ടില്‍

2010-04-13T20:47:00.000+05:30

ചാവക്കാട്‌

കുന്നംകുളം

പാവറട്ടി

അവര്‍ണന് അധികാരം നല്‍കുക എസ്.ഡി.പി.ഐയുടെ ലക്ഷ്യം: പ്രഫ. പി കോയ

2010-04-13T02:12:00.001+05:30

ഷൊര്‍ണൂര്‍: രാജ്യത്തെ ശതകോടിവരുന്ന പാവങ്ങളുടെ പ്രശ്‌നങ്ങള്‍ മുന്‍ നിര്‍ത്തി പ്രവര്‍ത്തിക്കുന്നതിനാല്‍ ആന്ധ്ര, മധ്യപ്രദേശ്, മണിപ്പൂര്‍, രാജസ്ഥാന്‍ എന്നിവിടങ്ങളില്‍ എസ്.ഡി.പി.ഐയ്ക്ക് വലിയ സ്വാധീനമുണ്ടാക്കാന്‍ കഴിഞ്ഞുവെന്ന് ദേശീയ വക്താവ് പ്രഫ. പി കോയ. ജനകേരള യാത്രയുടെ പാലക്കാട് ജില്ലയിലെ ഇന്നലത്തെ സമാപന സമ്മേളനം ഷൊര്‍ണൂരില്‍ ഉദ്ഘാടനം ചെയ്യുകയായിരുന്നു അദ്ദേഹം. 50 കോടീശ്വരന്‍മാര്‍ മിനുട്ടില്‍ മൂന്നുലക്ഷം വരെ സമ്പാദിക്കുമ്പോള്‍ ഒരു നേരത്തെ വിശപ്പടക്കാന്‍ 24മണിക്കൂറും ജോലിയെടുക്കേണ്ട ഗതികേടിലാണ് രാജ്യത്തെ ഭൂരിപക്ഷം ജനങ്ങളും.ഓപറേഷന്‍ ഗ്രീന്‍ഹണ്ടിന്റെ പേരില്‍ ഇസ്രയേലിന്റെ ആയുധം ഉപയോഗിച്ച് ആദിവാസികളെ സ്വന്തം ഭൂമിയില്‍ നിന്ന് ആട്ടിയോടിച്ച് കൃഷിയിടങ്ങളില്‍ നിന്നു ബോക്‌സൈെറ്റടുക്കാന്‍ കുത്തകകളെ സഹായിക്കുന്നതിനിടയ്ക്കാണ് ദന്താവാദയില്‍ പട്ടാളക്കാര്‍ മരിച്ചത്. സ്വന്തം ആവാസ സ്ഥലം കൈയേറുന്നതിനെ പ്രതിരോധിക്കുന്നവരെ സര്‍ക്കാര്‍ തീവ്രവാദികളാക്കുകയാണ്.ജനാധിപത്യത്തിന്റെ അവസരം പ്രയോജനപ്പെടുത്തി അവര്‍ണന് അധികാരം നല്‍കുകയാണ് എസ്.ഡി.പി.ഐയുടെ ലക്ഷ്യം. അധികാരം കൈവിട്ടു പോവാതിരിക്കാനുള്ള സവര്‍ണരുടെ ഗുഢാലോചനയുടെ അവസാനത്തെ ഉദാഹരണമാണ് വനിതാ സംവരണ ബില്ല്. സി.പി.എം നേതാവ് ബൃന്ദാകാരാട്ടും ബി.ജെ.പി നേതാവ് സുഷമാ സ്വരാജും കെട്ടിപ്പിടിച്ചത് ഇന്ത്യന്‍ രാഷ്ട്രീയത്തില്‍ വരാന്‍ പോവുന്ന വന്‍ വിപത്തിന്റെ സൂചനയാണ്. കൂടുതല്‍ ആറ്റംബോംബുകളോ, പൈലറ്റില്ലാത്ത പോര്‍വിമാനങ്ങളോ അല്ല രാജ്യത്തിന് ആവശ്യം. എല്ലാവര്‍ക്കും ആഹാരം നല്‍കാനാണ് മുന്‍ഗണന നല്‍കേണ്ടതെന്നും പി കോയ പറഞ്ഞു. ജാഥാ വൈസ്‌ക്യാപ്റ്റന്‍ മൂവാറ്റുപ്പുഴ അശ്‌റഫ് മൗലവി ജാഥാ സന്ദേശം നല്‍കി. ജില്ലാ പ്രസിഡന്റ് ഇ എസ് ഖാജ ഹുസയ്ന്‍ അധ്യക്ഷത വഹിച്ചു. ജാഥാ ക്യാപ്റ്റന്‍ എം കെ മനോജ്കുമാര്‍, സംസ്ഥാന സമിതിയംഗം തുളസീധരന്‍ പള്ളിക്കല്‍, യൂസഫ് വയനാട്, പോപുലര്‍ ഫ്രണ്ട് ജില്ലാ പ്രസിഡന്റ് അബ്ദുല്‍ ജലീല്‍, സെക്രട്ടറി അബ്ദുന്നാസര്‍, എസ്.ഡി.പി.ഐ ജില്ലാ സെക്രട്ടറി ഹമീദ് കൈപ്പുറം, ജോയിന്റ് സെക്രട്ടറി സൈനുദ്ദീന്‍ മാസ്റ്റര്‍, ഷൊര്‍ണൂര്‍ മണ്ഡലം പ്രസിഡന്റ് ഖാലിദ്, സെക്രട്ടറി മുസ്തഫ സംസാരിച്ചു. നേരത്തെ ഒറ്റപ്പാലത്ത് ജാഥയ്ക്ക് വന്‍ സ്വീകരണമാണ് നല്‍കിയത്. കരിമരുന്നിന്റെയും ദഫ് വാദ്യത്തിന്റെയും അകമ്പടിയോടെയാണ് ജാഥയെ സ്വീകരണ കേന്ദ്രത്തിലേക്ക് ആനയിച്ചത്. സ്ത്രീകളുടെ വന്‍ നിര സ്വീകരണ കേന്ദ്രങ്ങളില്‍ ഉണ്ടായിരുന്നു.

നെല്ലറയുടെ നാട്ടില്‍ ജനകേരളയാത്രയ്ക്ക് ഉജ്വല സ്വീകരണം

2010-04-13T02:11:00.002+05:30

ഒറ്റപ്പാലം: അടിച്ചമര്‍ത്തപ്പെട്ടവന്റെ അവകാശങ്ങള്‍ക്കുവേണ്ടിയുള്ള എസ്.ഡി.പി.ഐ ജനകേരളയാത്രയുടെ പാലക്കാട് ജില്ലയിലെ രണ്ടു ദിവസത്തെ പര്യടനം ഷൊര്‍ണൂരില്‍ പ്രകടനത്തോടെയും പൊതുയോഗത്തോടെയും സമാപിച്ചു. ഇന്നലെ രാവിലെ എട്ടര മണിക്ക് ഒലവക്കോട്ട് നിന്നാരംഭിച്ച ഈ യാത്രയില്‍ കത്തുന്ന ചൂടിനെ വകവയ്ക്കാതെ നൂറുകണക്കിനു യുവാക്കള്‍ പങ്കെടുത്തു. നെല്ലറയുടെ നാട്ടിലെ ഗ്രാമങ്ങളിലൂടെ യാത്ര കടന്നുപോവുമ്പോള്‍, കാണാനും ആശീര്‍വദിക്കാനും ഒട്ടേറെ പേര്‍ എത്തിയിരുന്നു. സുല്‍ത്താന്‍പേട്ട, ചിറ്റൂര്‍, തത്തമംഗലം, വടവന്നൂര്‍, പുതുനഗരം, കൊല്ലങ്കോട്, നെന്മാറ, ആലത്തൂര്‍, ചിറ്റിലഞ്ചേരി, തൃപ്പാളൂര്‍, കാവശ്ശേരി, കഴനിചുങ്കം, പഴമ്പാലക്കോട്, തിരുവില്ല്വാമല, ലക്കിടി, ഒറ്റപ്പാലം, കുളപ്പുള്ളി എന്നീ പാലക്കാടന്‍ഗ്രാമങ്ങളുടെ ഉള്ളറകളിലേക്കു ജനകേരള യാത്ര കടന്നുചെല്ലുകയായിരുന്നു. അടിസ്ഥാന ജനവിഭാഗങ്ങളുടെ ജീവല്‍പ്രശ്‌നങ്ങള്‍ കൈകാര്യം ചെയ്ത ജാഥയിലെ പ്രസംഗങ്ങളെല്ലാം നാട്ടുകാര്‍ക്കും കര്‍ഷകത്തൊഴിലാളികള്‍ക്കും നവ്യാനുഭവമായി. മുഖ്യധാരാ രാഷ്രീയപ്പാര്‍ട്ടികള്‍ പറയാത്ത സത്യങ്ങള്‍ വിളിച്ചുപറയാന്‍ മുന്നോട്ടുവന്ന എസ്.ഡി.പി.ഐയെ ഗ്രാമീണര്‍ അഭിനന്ദിക്കുന്നതു കാണാമായിരുന്നു. ഒലവക്കോട്ടു നിന്നാരംഭിച്ച യാത്രയില്‍ ജാഥാ ക്യാപ്റ്റന്‍ എം കെ മനോജ് കുമാര്‍, വൈസ് ക്യാപ്റ്റന്‍ മുവാറ്റുപുഴ അഷറഫ് മൗലവി, സംസ്ഥാന സമിതി അംഗങ്ങളായ തുളസീധരന്‍ പള്ളിക്കല്‍, പാലക്കാട് ജില്ലാ പ്രസിഡന്റ് ഇ എസ് കാജ ഹുസൈന്‍, വൈസ് പ്രസിഡന്റ് സൈനുദ്ദീന്‍ മാസ്റ്റര്‍, സെക്രട്ടറി ഹമീദ് കൈപുറം, ജോയിന്റ് സെക്രട്ടറി ഖാലിദ,് ഹനീഫ, ജില്ലാ സമിതി അംഗങ്ങളായ അബ്ദുല്‍ നാസര്‍ മണ്ണാര്‍ക്കാട്, യൂസുഫ് പട്ടാമ്പി, ഷൗക്കത്ത് കാരക്കാട് എന്നിവര്‍ ആദ്യാവസാനം പങ്കെടുത്തു.പ്ലാച്ചിമട ആദിവാസി സമരപ്പന്തല്‍ സന്ദര്‍ശിക്കാനെത്തിയ മനോജ് കുമാറിന്റെ നേതൃത്വത്തിലുള്ള സംഘത്തെ ആദിവാസി മൂപ്പന്‍മാരായ മുരുകന്‍, മുരളീധരന്‍ ചേര്‍ന്നു സ്വീകരിച്ചു. നിലനില്‍പ്പിനുതന്നെ ഭീഷണി ഉയര്‍ത്തുന്ന പ്രശ്‌നങ്ങള്‍ ആദിവാസികള്‍ വിശദീകരിച്ചു. രൂക്ഷമായ കുടിവെള്ളപ്രശ്‌നമാണ് അവര്‍ മുഖ്യമായും ഉന്നയിച്ചത്. ആദിവാസികള്‍ മാത്രം താമസിക്കുന്ന പ്ലാച്ചിമട കോളനിയിലെ 65 വീട്ടുകാര്‍ വെള്ളം പോലും കിട്ടാതെ കഷ്ടപ്പെടുകയാണ്. ജനതാദളുകാര്‍ അടിച്ചുതകര്‍ത്ത ആദിവാസി കുടിലുകളും സംഘം സന്ദര്‍ശിച്ചു. വീണ്ടും അക്രമം ഉണ്ടാവുമോ എന്ന ഭീഷണിയിലാണ് കഴിയുന്നതെന്നും ആദിവാസികള്‍ എസ്.ഡി.പി.ഐ സംഘത്തോടു പരാതിപ്പെട്ടു. വിഷയത്തില്‍ ഇടപെട്ട് അടിയന്തരമായി പ്രശ്‌നപരിഹാരത്തിനു രംഗത്തിറങ്ങുമെന്നു ജാഥാ ക്യാപ്റ്റന്‍ ആദിവാസികള്‍ക്ക് ഉറപ്പുനല്‍കി.ഒലവക്കോട്ട് മുഹമ്മദലി കൂറ്റനാട് സംസാരിച്ചു. കൊഴിഞ്ഞാമ്പാറയിലെ സ്വീകരണത്തില്‍ ഷാഹുല്‍ ഹമീദ്, ഹനീഫ കൊഴിഞ്ഞാമ്പാറ സംസാരിച്ചു. പുതുനഗരം, കൊല്ലങ്കോട്, നെന്മാറ സ്വീകരണയോഗങ്ങളില്‍ ഹുസൈനാര്‍ കൊല്ലങ്കോട്, റഷീദ് പുതുനഗരം സംസാരിച്ചു. ആലത്തിയൂരില്‍ എം അബൂബക്കര്‍, യു സൈനുല്‍ ആബിദീന്‍ സംസാരിച്ചു. ഒറ്റപ്പാലത്ത് എം പി റഷീദ്, എ സുലൈമാന്‍ സംസാരിച്ചു. നൂറുകണക്കിനു ബൈക്കുകളും കാറുകളുംഅകമ്പടി സേവിച്ച യാത്രയ്ക്ക് കോല്‍ക്കളി, ദഫ്മുട്ട് എന്നീ കലാരൂപങ്ങള്‍ കൊഴുപ്പേകി. ഇന്നു രാവിലെ തൃശൂര്‍ ജില്ലയിലെ പര്യടനം വടക്കാഞ്ചേരിയില്‍ നിന്നാരംഭിച്ചു കൊടുങ്ങല്ലൂരില്‍ രാത്രി സമാപിക്കും.

യാത്ര ആലത്തൂരില്‍

2010-04-12T20:10:00.001+05:30

ജനകേരളയാത്രയ്ക്ക് ആലത്തൂരില്‍ നല്‍കിയ സ്വീകരണത്തില്‍ തുളസീധരന്‍ പള്ളിക്കല്‍ സംസാരിക്കുന്നു

ഒറ്റപ്പാലത്ത് സ്വീകരണം

2010-04-12T20:09:00.001+05:30

ജനനായകന്‍ പ്ലാച്ചിമട സമരപ്പന്തലില്‍

2010-04-12T19:16:00.000+05:30

ജനകേരള യാത്രാ നായകന്‍ എം കെ മനോജ് കുമാര്‍ പ്ലാച്ചിമട സമരപ്പന്തലില്‍

ജനകേരള യാത്ര-പാലക്കാട് രണ്ടാം ദിവസം

2010-04-12T18:10:00.000+05:30

യാത്രയ്ക്ക് പാലക്കാട് ജില്ലയിലെ കൊല്ലങ്കോട് നല്‍കിയ സ്വീകരണത്തില്‍ ജാഥാ വൈസ് ക്യാപ്റ്റന്‍ മൂവാറ്റുപുഴ അഷ്്‌റഫ് മൗലവി സംസാരിക്കുന്നു

യാത്രയ്ക്ക് പുതുനഗരത്തില്‍ നല്‍കിയ സ്വീകരണം

ജനകേരള യാത്ര മലപ്പുറം ജില്ല-വീഡിയോ

2010-04-12T01:16:00.003+05:30

ഭാരത് കഫേ- നാടകം

സ്വീകരണം

സ്വീകരണം-1

എസ്.ഡി.പി.ഐ ദേശീയ സമിതി അംഗം-മെഹ്്ബൂബ് അവാദ് ശരീഫ്‌

എസ്.ഡി.പി.ഐ ദേശീയ സമിതി അംഗം-മെഹ്്ബൂബ് അവാദ് ശരീഫ്‌- 2

സംസ്ഥാന സമിതി അംഗം തുളസീധരന്‍ പള്ളിക്കല്‍-1

സംസ്ഥാന സമിതി അംഗം തുളസീധരന്‍ പള്ളിക്കല്‍-2

നാഷണല്‍ ഫിഷര്‍മെന്‍ യൂനിയന്‍ അഖിലേന്ത്യാ പ്രസിഡന്റ് ആന്റണ്‍ ഗോമസ്

സ്വീകരണം-പൊന്നാനി

പോപുലര്‍ ഫ്രണ്ട് സംസ്ഥാന പ്രസിഡന്റ് നാസറുദ്ദീന്‍ എളമരം

മറ്റ് പാര്‍ട്ടികളില്‍ ദലിതുകള്‍ക്ക് പ്രത്യേക തൊഴുത്തുകള്‍: തുളസീധരന്‍ പള്ളിക്കല്‍

2010-04-11T23:32:00.002+05:30

പട്ടാമ്പി: രക്തബന്ധം തിരിച്ചറിഞ്ഞ് കൊണ്ട് ദലിതുകള്‍ എസ്.ഡി.പി.ഐയിലൂടെ ഒന്നിക്കുകയാണെന്നും, ആദിവാസികളേയും പട്ടികജാതിക്കാരേയും മൃഗങ്ങളെപ്പോലെ പ്രത്യേക തൊഴുത്തില്‍ കെട്ടാനാണ് എല്ലാ പാര്‍ട്ടികളും ശ്രമിച്ചിട്ടുള്ളതെന്നും എസ്.ഡി.പി.ഐ സംസ്ഥാന സമിതിയംഗം തുളസീധരന്‍പള്ളിക്കല്‍. ദലിതന്മാര്‍ക്കുള്ള തൊഴുത്തുകളാണ് ദലിത് യുവമോര്‍ച്ചയും ദലിത് കോണ്‍ഗ്രസും ദലിത് ലീഗും കര്‍ഷകതൊഴിലാളി സംഘവുമൊക്കെയെന്നും അദ്ദേഹം പറഞ്ഞു. ജനകേരള യാത്രയ്ക്ക് പട്ടാമ്പിയില്‍ നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു.
ദലിതനും ആദിവാസിക്കും വേണ്ടി സംസാരിച്ചാല്‍ ഭീകരവാദമാവുമെങ്കില്‍ താനൊരു ഭീകരവാദിയാണെന്നും മര്‍ദിതന്റെ പ്രശ്‌നങ്ങള്‍ ഉന്നയിച്ചാല്‍ അത് തീവ്രവാദമാണെങ്കില്‍ താനൊരു തീവ്രവാദിയാണെന്നും തുളസീധരന്‍ പള്ളിക്കല്‍ പറഞ്ഞു.
     മനുസ്മൃതിയുടെ കാലത്തുണ്ടായിരുന്ന ഭരണത്തില്‍ നിന്നും മാറ്റം വരുത്താന്‍ ഇവിടുത്തെ രാഷ്ട്രീയ പാര്‍ട്ടികള്‍ക്കായില്ല. ദലിതുകളെ അധികാരത്തില്‍ കയറാനുള്ള ഏണിപ്പടിയായാണ് രാഷ്ട്രീയപാര്‍ട്ടികള്‍ കാണുന്നത്. എന്നാല്‍ എസ്.ഡി.പി.ഐയുടെ സാരഥികള്‍ ദലിതുകളും ആദിവാസികളുമാണെന്നും അദ്ദേഹം പറഞ്ഞു.

ബൈക്ക് റാലി ആവേശമായി
പട്ടാമ്പി: എസ്.ഡി.പി.ഐ ജനകേരളയാത്ര ജില്ലയില്‍ എത്തിയപ്പോള്‍ അകമ്പടിയായി നീങ്ങിയ ബൈക്ക് റാലി സമാനതകളില്ലാത്ത ഒന്നായി. പാലക്കാട് ജില്ലയുടെ ചരിത്രത്തില്‍ ആദ്യമായാണ് നൂറിലേറെ വരുന്ന ബൈക്കുകളുടെ നീണ്ടനിര സൃഷ്ടിച്ച പടുകൂറ്റന്‍ ബൈക്ക് റാലി നടന്നത്. യാത്രക്കാര്‍ക്കോ മറ്റ് വാഹനങ്ങള്‍ക്കോ ബുദ്ധിമുട്ട് സൃഷ്ടിക്കാതെ കടന്നുപോയ ബൈക്ക് റാലി കൗതുകത്തോടെയാണ് നാട്ടുകാര്‍ വീക്ഷിച്ചത്.
   ആയിരക്കണക്കിന് ചെറുപ്പക്കാരാണ് എസ്.ഡി.പി.ഐയുടെ നക്ഷത്രാങ്കിത ഹരിത വിപ്ലവ പതാകയുമേന്തിബൈക്കുകളില്‍ ജില്ലാ അതിര്‍ത്തിയായ നീലിയാട് നിന്നും ജനകേരളയാത്രക്ക് അകമ്പടിയായത്.

ബ്രാഞ്ച് കമ്മിറ്റികള്‍ ഹാരമണിയിച്ചു
പട്ടാമ്പി: ജില്ലയിലേക്ക് പ്രവേശിച്ച എസ്.ഡി.പി.ഐ ജനകേരളയാത്ര ജാഥാ ക്യാപ്റ്റന്‍ എം കെ മനോജ്കുമാറിനേയും വൈസ് ക്യാപ്റ്റന്‍ അഷ്‌റഫ് മൗലവി മൂവാറ്റുപുഴയേയും എസ്.ഡി.പി.ഐയുടെ വിവിധ ബ്രാഞ്ചുകളിലെ ഭാരവാഹികള്‍ ഹാരമണിയിച്ച് സ്വീകരിച്ചു.
   പടിഞ്ഞാറങ്ങാടിയില്‍ പട്ടിത്തറ ബാബുരാജ്, കപ്പൂര്‍ മജീദ്, പരുതൂര്‍ കുഞ്ഞുമൊയ്തീന്‍ എന്നിവരും കൂറ്റനാട് തിരുമിറ്റക്കോട് ഹംസ, നാഗലശ്ശേരി അബ്ദുല്ല, തൃത്താല അബ്ദുല്‍ ഖാദര്‍, ചാലിശേരി ഉമ്മര്‍, ഓട്ടോ ഡ്രൈവേഴ്‌സിന് വേണ്ടി ഉണ്ണി, കര്‍ഷക സംഘത്തിന് വേണ്ടി നിസാം എന്നിവരും പട്ടാമ്പിയില്‍ പട്ടാമ്പി ഒ മുഹമ്മദ്, മുതുതല മുസ്തഫ, വല്ലപ്പുഴ സൈതലവി, തിരുവേഗപ്പുറ ഇബ്രാഹിം, കൊപ്പം സാദിഖ്, വിളയൂര്‍ റഷീദ്, കുലുക്കല്ലൂര്‍ ഷംസുദ്ദീന്‍, പട്ടാമ്പി അലി, ഓങ്ങല്ലൂര്‍ കാസിം, ഹംസ ഹാജി മേച്ചേരി എന്നിവരും ഓങ്ങല്ലൂരില്‍ ചേരിക്കല്ല് പി അഷ്‌റഫ്, കാരക്കാട് അബ്ബാസ്, വടക്കേതല വി എം മായിന്‍, പാറപ്പുറം എം വി ഉമ്മര്‍, പഴഞ്ചേരി കെ അബൂബക്കര്‍, നരയന്‍കുന്ന് വി കെ മുസ്തഫ, ഓങ്ങല്ലൂര്‍ കെ കെ യൂസഫ്, വാടനാം കുറുശ്ശി വി സുബൈര്‍, മരുതൂര്‍ എം ജബ്ബാര്‍, കൊണ്ടൂര്‍ക്കര ഷാഫി എന്നിവരും ഹാരമണിയിച്ചു.