Wednesday, March 31, 2010

വേങ്ങര മണ്ഡലം ജാഥകള്‍ സമാപിച്ചു

വേങ്ങര: സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യ രണ്ടു മുതല്‍ 24വരെ നടത്തുന്ന ജനകേരള യാത്രയുടെ പ്രചരണാര്‍ഥം വേങ്ങര മണ്ഡലം കമ്മിറ്റി നാലു മേഖലകളില്‍ മൂന്ന് ദിവസങ്ങളിലായി സംഘടിപ്പിച്ച വാഹന പ്രചരണ ജാഥകള്‍ സമാപിച്ചു. എ.ആര്‍.നഗര്‍, കണ്ണമംഗലം പഞ്ചായത്തുകള്‍ സംഘടിപ്പിച്ച ജാഥ മമ്പുറത്ത് ജില്ലാ ഖജാന്‍ജി കോയ ഉദ്ഘാടനം ചെയ്തു. എ.ആര്‍.നഗര്‍, കുന്നുംപുറം, ചേറൂര്‍, കിളിനക്കോട്, അച്ചനമ്പലം തുടങ്ങി വിവിധ സ്ഥലങ്ങളിലെ സ്വീകരണത്തിനു ശേഷം എടക്കാപ്പറമ്പില്‍ സമാപിച്ചു. സ്വീകരണ കേന്ദ്രങ്ങളില്‍ പി എം ഷെരീഖാന്‍, എ ബീരാന്‍കുട്ടി, വി ഹമീദ്, ബഷീര്‍ എടക്കാപ്പറമ്പ് സംസാരിച്ചു. വേങ്ങര, ഊരകം പഞ്ചായത്തുകള്‍ നടത്തിയ ജാഥ കൂരിയാട് മണ്ഡലം പ്രസിഡന്റ് ടി പി അബ്ദുല്‍ഹഖ് ഉദ്ഘാടനം ചെയ്തു. പാക്കടപ്പുറായ, കച്ചേരിപ്പടി, പുത്തനങ്ങാടി, വേങ്ങര, കാരാതോട്, പഞ്ചായത്ത്, അഞ്ചുപറമ്പ് തുടങ്ങിയ സ്ഥലങ്ങളിലെ സ്വീകരണങ്ങള്‍ക്കു ശേഷം സിനിമാഹാള്‍ ജങ്ഷനില്‍ സമാപിച്ചു. സമാപനം ജില്ലാ വൈസ്പ്രസിഡന്റ് ടി പി സൈതാലിക്കുട്ടി ഉദ്ഘാടനം ചെയ്തു. സ്വീകരണ കേന്ദ്രങ്ങളില്‍ പി എം ഷെരീഖാന്‍, കെ വി കരീം, എം ഖമറുദ്ദീന്‍, വി ഹമീദ് സംസാരിച്ചു.

No comments:

Post a Comment