അടിവാരം/കോഴിക്കോട്‌: എസ്‌.ഡി.പി.ഐ സംഘടിപ്പിക്കുന്ന ജനകേരളയാത്ര കോഴിക്കോട്‌ ജില്ലയിലെ രണ്ടാം ദിവസത്തെ പര്യടനം അടിവാരത്തു നിന്ന്‌ ആരംഭിച്ചു. നൂറുകണക്കിന്‌ വാഹനങ്ങളുടെയും വാദ്യഘോഷങ്ങളുടെയും അകമ്പടിയോടെ ജനഹൃദയങ്ങളില്‍ ആവേശത്തിരയിളക്കിയാണ്‌ യാത്ര ജില്ലയിലെ സ്വീകരണ സ്ഥലങ്ങളിലൂടെ കടന്നുപോവുന്നത്‌, രാവിലെ ഒമ്പതിന്‌ ജില്ലയില്‍ പ്രവേശിച്ച യാത്രക്ക്‌ അടിവാരത്ത്‌ സ്വീകരണം നല്‍കി. ജാഥാക്യാപ്റ്റന് മനോജ്‌ കുമാര്‍, വൈസ്‌ ക്യാപ്‌റ്റന്‍ മൂവാറ്റുപുഴ അശ്‌റഫ്‌ മൗലവി, ജില്ലാ പ്രസിഡന്റ്‌ പി അഹമ്മദ്‌ ശരീഫ്‌, ഹാരിസ്‌ വടകര, ഇസ്‌മായീല്‍ കമ്മന, പോപുലര്‍ ഫ്ര്‌ ജില്ലാ കമ്മിറ്റിയംഗം പ്രഫ. അഹമ്മദ്‌ മുഹമ്മദ്‌ നദ്‌ വി സംസാരിച്ചു. സംസ്ഥാന വൈസ്‌ പ്രസിഡന്റ്‌ പി കെ ഗോപിനാഥ്‌ സംബന്ധിച്ചു. താമരശ്ശേരിയിലെ സ്വീകരണത്തിനു ശേഷം അനധികൃത ബാറി
നെതിരേ നടക്കുന്ന അനിശ്ചിതകാല സമരപന്തല്‍ നേതാക്കള്‍ സന്ദര്‍ശിച്ചു. തുടര്‍ന്ന്‌ യാത്ര കൊടുവള്ളി, മുക്കം, കുറ്റിക്കാട്ടൂര്‍,കുന്ദമംഗലം എന്നിവിടങ്ങളില്‍ യാത്ര സ്വീകരണം ഏറ്റുവാങ്ങി. സ്വീകരണ സ്ഥലങ്ങളില്‍ വിവിധ ബ്രാഞ്ച്‌ പ്രസിഡന്റുമാര്‍ ജാഥാക്യാപ്റ്റന് ഹാരാര്‍പ്പണം നടത്തി. യാത്രയെ സ്വീകരിക്കാന്‍ സ്വീകരണകേന്ദ്രങ്ങളില്‍ വന്‍ ജനക്കൂട്ടമാണ്‌ എത്തുന്നത്‌. കുന്ദമംഗലത്തലാണ്‌ അടുത്ത സ്വീകരണം. വൈകീട്ട്‌ അഞ്ചിന്‌ കോഴിക്കോട്‌ പ്രസ്‌ ക്ലബ്ബില്‍ ഏര്‍പ്പെടുത്തിയ സ്വീകരണച്ചടങ്ങില്‍ ജാഥാക്യാപ്റ്റന് എം കെ മനോജ്‌കുമാര്‍, ജില്ലാ പ്രസിഡന്റ്‌ പി അഹമ്മദ്‌ ശരീഫ്‌ എന്നിവര്‍ സംബന്ധിക്കും. യാത്രയിലെ അനുഭവങ്ങളും യാത്രാ സന്ദേശവും ജനങ്ങളുമായി നേതാക്കള്‍ ഇവിടെ പങ്കുവയ്‌ക്കും.
No comments:
Post a Comment