ജനകേരള യാത്ര കോഴിക്കോട് ജില്ലയില്‍ പ്രവേശിച്ചു

കോഴിക്കോട്: എസ്.ഡി.പി.ഐ ജനകേരളയാത്ര കോഴിക്കോട് ജില്ലയില്‍ പര്യടനം തുടങ്ങി.യാത്രക്ക് രാവിലെ അഴിയൂര്‍ ചുങ്കത്ത്്് ജില്ലാ പ്രസിഡന്റ് അഹമ്മദ്് ശരീഫ്, സെക്രട്ടറി കമ്മനം ഇസ്മായില്‍, സെക്രട്ടറി ബഷീര്‍ ചീക്കുന്ന് എന്നിവരുടെ നേതൃത്വത്തില്‍ സ്വീകരണം നല്‍കി. കമ്മനം ഇസ്്്മായില്‍ സ്വാഗതം പറഞ്ഞു. പി അഹമ്മദ്് ശരീഫ് അധ്യക്ഷത വഹിച്ചു. 9.30ന് വടകര, 10.30ന് പയ്യോളി, 11.15 ന് കൊയിലാണ്ടി, 12ന് അത്തോളി എന്നിവിടങ്ങളില്‍ സ്വീകരണം നല്‍കി. പേരാമ്പ്രയിലെ സ്വീകരണത്തിനു ശേഷം 4.30 ന് ആയഞ്ചേരി, 5.15ന് നാദാപുരം, 6.15 ന് കുറ്റിയാടിയിലും യാത്ര എത്തും. ഇന്നത്തെ പര്യടനം കുറ്റിയാടിയില്‍ സമാപിക്കും. സമാപനസമ്മേളനം ദേശീയ സെക്രട്ടറി എ സഈദ് ഉദ്ഘാടനം ചെയ്യും. പി കെ രാധ, എം കെ മനോജ് കുമാര്‍, തുളസീധരന്‍ പള്ളിക്കല്‍, മൂവാറ്റുപുഴ അശ്്‌റഫ് മൗലവി, നൗഷാദ് കുനിങ്ങാട് സംസാരിക്കും. യാത്ര നാളെ വയനാട് ജില്ലയിലാണ് പര്യടനം നടത്തുന്നത്.